استفسارات عن قبول التعلم عن بعد
 

السلام عليكم ورحمة الله وبركاته

اصبحتم كما تحبون وتهوى انفسكم

عندي كم سؤال مالقيت اجوبتهم :Looking_anim:
علماً بانني ابحث عن تخصص MBA
ماجستير ادارة الاعمال
لايهمني ان كان مقابل رسوم او مجاني
ولا تفرق معي لغة الدراسه

1- وش الجامعات اللي تقبل خرجين التعلم عن بعد لاكمال الماستر "تكون دراسه منتظمه وليست عن بعد"

2- وش الشروط ؟ هل كل الجامعات تشترط القدرات والتوفل او مايعادله ؟!



اتمنى الرد في اقرب وقت
عشان لو كان الكل يشترط القدرات و التوفل
يمدني اختبرهم و اجهز اوراقي

:064:

رد: استفسارات عن قبول التعلم عن بعد
 

وعليكم السلام والرحمة والاكرام

جرب سجل بجامعة الملك فيصل ، تم فتح التسجيل للدراسات العليا ، وماذكروا نوع التعليم ، اكتفوا بكلمة خريج من جامعة معترف بها ، وهذا اشار على قبول الانتساب
ادخل على موقعهم وتصفح التفاصيل والشروط


بالتوفيق،،

رد: استفسارات عن قبول التعلم عن بعد
 

الاغلب يشترطون توفل اللي مرت علي وانا وين والتوفل وين يبيلها وقت بعيد شوي

اللي عنده اي معلومات ياليت يفيدنا سوا برسوم او بدون

رد: استفسارات عن قبول التعلم عن بعد
 

يقولون : دق الحديد وهو حامي


لو جلسة فترة بيجيني تبلد عن الدراسه :139:


اما بالنسبة للتوفل : تقدرين تمشينهم باختبار كفايات اللغه الانجليزيه
فيه اختبار محوسب "على الكمبيوتر" في جامعة الدمام
و تقدرين تختبرين باي وقت
هو واختبار قدرات الجامعيين
- لك فقط 5 فرص لاعادة الاختبارين -
سعرهم واحد 100 و الثاني 200



ومبدائياً راح انتظر لشهر 2 ميلادي
واجهز المطلوب
واقدم في جامعة الدمام
واشوف حظي بيقبلوني و انا متخرج من عندهم ولا لا :(107):


وبرضو لو طلعت نتايجنا وفيصل باقي ما قفل التسجيل فيها بسجل
واجرب حظي


ودي بجامعة عبدالعزيز
لكن احس القبول فيها صعب
:mh12:

رد: استفسارات عن قبول التعلم عن بعد
 

ايه بس ماعرف انجلش مره وكذا برسب بالاختبار :no:


ليه مايقبلونك جرب حضك وان شاءالله يقبلون دام بفلوس وكذا بس ماسمعت ان عندهم الحين تسجيل


طيب يقولون لازم توصيه ومدري ايش سالفتها والله شغله الموضوع:16.jpg:

رد: استفسارات عن قبول التعلم عن بعد
 

اسف على التأخير
ماعدت ادخل الملتقى كل يوم

مافي شي اسمه "ما اعرف"
في شي اسمه اتعلم عشان اعرف ، خلك ايجابيه
:41jg:


بالنسبه للماستر قررت اخليه لبداية السنه
لان حالياً فقط الدمام و فيصل
وبعد ما تواصلت مع ناس اعرفهم في فيصل
قالوا السنه الجايه بيقبلون خريجين نطام التعليم عن بعد

لذلك ببداية السنه الدراسيه الجديده
راح اقدم في "فيصل ، الدمام ، عبدالعزيز ، سعود"
ممكن تزيد بعد كم جامعه لين اتاكد منهم بس :icon120:

وخلال هالفتره الجايه بجمع شهادات < حسيت لعبة بلايستيشن:hahahahahah:

وبشوف موضوع اختبارات اللغه و القدرات بعد


شدي الهمه وابدي ،، خلينا نفتح قسم جديد في الملتقى
:hahahahahah:

رد: استفسارات عن قبول التعلم عن بعد
 

جمع جمع ان شاءالله تفوز باخر مرحله:hahahahahah:


كذا احسن ان شاءالله تشوف جامعات افضل مع بدايه السنه


والله ودي انا اكمل بس خوفي يطلبون المعدل والتوفل وانا لا ذي ولا ذي مدري كيف بتقن اللغه لدرجه اجيب الشهاده يعني بس للان احس اني مافكر بشي غير النتيجه :(269):


والله يسهلنا