معاناتي مع درجات المشاركة
 

السلام عليكم

يا احبه انا كل فصل اعاني من حسم الدرجات حتى اني ما قد اخذت الدرجه كامله من بعد المستوى الثاني والأن في المستوى السادس تم الحسم من جميع المواد علماً انهم تسببوا في رسوبي في مادة التاريخ حسم مني سبع درجات. فما الحل واذا ارسلت يتم الرد بأن عندي نقص في المناقشه او تحميل المحاضرات مع اني اتأكد واشوف كل شي كامل والكامل وجه الله
ابي الحل ضروري تكفون

رد: معاناتي مع درجات المشاركة
 

وعليكم السلام ورحمة الله

اذا النقص في تحميل المحاضرات فأنصحك ببرنامج الداونلود مانجر
لأني فصلين دراسيين أعاني من تحديثات الخارطة لكن أتواصل مع العمادة
ع طول أول ما أشوف خربطة الخارطة وأصور المحاضرات وأوثق كل شي
ويتعدل كل شي وآخد درجة كاملة طبعا المرة الأولى صارت معي بالمستوى السادس حتى ان فيه محاضرات مباشرة حضرتها بوقتها
واسمي موجود فيها وما احتسبت لي واطلعوا عليها بنفسهم ودعمت المحاضرات المسجلة بالصور كنت اقتحها واصورها وأرسلها لهم
وعدلوها لي وتعدلت الخارطة وأخذت درجة كاملة
برضوه بالمستوى السابع نفس الشي وبرضوه راسلت وطمنوني وكلمتهم وتعدلت
هالمستوى استخدمت الداونلود مانجر وماصار عندي أي إشكالية فأنصحك فيه لأنه يضمن بقاء الاتصال بالنت
الشي الثاني اذا شفت الخارطة خبطت معاك ع طول راسلهم وأرفق الصور عشان يهتمون بموضوعك

رد: معاناتي مع درجات المشاركة
 

المشكله كل المناقشات كامله والتحميل اتأكد مرتين قبل ما يقفلونه. لكن اللي ضيق صدري انهم رسبوني مع وبعدين اغلب المواد يعطوني ٢٧ من ٣٠ ماقد عطوني ٣٠ من ٣٠
ألا الأول والثاني

رد: معاناتي مع درجات المشاركة
 

الحل هل اروح لهم في الحساء ولا بيردون علي
وكم رقمهم

رد: معاناتي مع درجات المشاركة
 

وين ألقى درجات المشاركة

رد: معاناتي مع درجات المشاركة
 

حمل تطبيق جامعة الملك فيصل ويعطيك كل شي

رد: معاناتي مع درجات المشاركة
 

انا ماطلع شي لا معدل ولا درجات مشاركة
من فين شفتوها انتم

رد: معاناتي مع درجات المشاركة
 

ولا انا ما طلع لا درحة مشاركة ولا شي كيف اعرف

رد: معاناتي مع درجات المشاركة
 

حملته ماطلع لي شي من وين بالضبط

رد: معاناتي مع درجات المشاركة
 

اضغطوا على المادة ويطلع لكم درجات المشاركة والاختبار