ملتقى طلاب وطالبات جامعة الملك فيصل,جامعة الدمام - شعر هايف الميلاف بالنّايف وحنّي

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : هايف الميلاف بالنّايف وحنّي (https://vb.ckfu.org/showthread.php?t=769856)

هايف الميلاف بالنّايف وحنّي

[table1="width:80%;background-color:black;border:9px outset skyblue;"][cell="filter:;"]

[/cell][/table1][table1="width:80%;background-color:black;border:9px outset skyblue;"][cell="filter:;"]

هايف الميلاف بالنّايف وحنّي
من خلاجه لاج ماله بالمكاني
**
له موارد لو مضاميه أبعدنّي
كم فجوجٍ باجها زمل الصخاني
**
تنعرف بيض اللّهود أليا سرنّي
يخلفنّ الوصف الأول وصف ثاني
**
كم جبا عدّ وردنّه وصدرنّي
مضمياتٍ مثل الأقواس الحواني
**
شيب أشابيبٍ مماشيهن تعنّي
مايجوب ادروبهن حشو القراني
**
حركن عرش الخفوق وهيضنّي
زين الأمثال الجزال من المعاني
**
من نسانيس الهواجيس أحضرنّي
فنّ أحاسيسٍ من السحر العماني
**
عن نواظر مدّعْ العرف أحجبنّي
العدو قبل الصديق اللّي يراني
**
آدمي روحٍ بجسم وفكر جنّي
بالبحار أسرار خلق ماخفاني
**
كم تدور اصدور أمور ماخفنّي
الطعم بالمستكا غير اللباني
**
أجهل اللّي مايعرف أسرار فنّي
المثايل للحكيم أقرب مكاني
**
ياحمد لو تنشد الأيام عنّي
ماتصدق لو حكن لك عن زماني
**
دور حول أعطي الليالي ماعطنّي
بسّ أسرحهن وأضويهن بداني
**
كل مازادن من الربخ أفرحنّي
لا أختفا بجلودهن حبل البطاني
**
ياحمد ياكثر ماراحن وجنّي
والحصيل أكليل من شوك سعداني
**
والهواجيس العوابس داهمنّي
وصنعن لي حمل ياسٍ كبر أباني
**
وأن شربت من العزيمه زاد جنّي
والحكيم اللّي يحكمه ماقراني
**
الله اللّي زادني بالنقص منّي
في طريقٍ ضلّني مدري هداني

:106::106::106:

الشاعر/ فلاح بن مبرد المطيري

[/cell][/table1]