|
بخصوص المقابلة وإمتحان تحديد المستوى >>أسئلة محيرتني مره
[align=center]بسم الله الرحمن الرحيم ..
السلام عليكم .. أنا لغتي كويسه أحس نفسي بإمكاني اعدي الأسئلة الشخصية واللي تكون عامه بس مشكلتي مع الأسبلنق مو مره مره يعني احط بدل e تجي معاي i يعني الفاول لتر بشكل عام في الكلمات الخبط فيها حبتين >> او ثلاث حبات هههه شنو تتوقعون أنحط في أي مستوى ! 3 مستويات للإنجليزي صح ؟ اسئلتهم بشكل عام صعبة او ماشي حالها للي مستواهم اوكي سمعت أن المستوى العالي يسوون له إمتحان ماث هل صحيح او كلام بس وياليت لو تقولون لنا المقالي آخر الفتره شنو كانت مواضيعها .. وممكن احد يعرفني كيف راح يكون ترتيب المقابلة يعني إمتحان بعدين مقابلة أو هذا يوم والثاني بيوم ! مع العلم إني صار لي أسبوع تقريبا من سجلت على النت بس ماشوف حد عطاني خبر على الإيميل او الجوال ؟ معليش تحملوني بس مستجدهـ وضايعه شوي :g2:[/align] |
رد: بخصوص المقابلة وإمتحان تحديد المستوى >>أسئلة محيرتني مره
هلا والله
المقابله الشخصيه سهلة مره يعني يسألوك وش اسمك كم عمرك وش هواياتك ليه اخترتي الجامعه ... اسئله عامه والاختبار يكون قسمين: قسم على الكمبيوتر اختيارات متعدده وقسم كتابي تكتبي قطعه مثلا يقولو لك اكتبي فوائد الدراسه في الخارج .. أو عن التدخين ... مواضيع سهله وفيه اختبار تحديد مستوى في الماث سواء للمستوى 1 او 2 او 3 وسهل مره شدي حيلك فيه يعني لو تجيبي فيه درجه عاليه تعدي مادة الماث الأولى بدون ماتاخذيها ثاني شي التسجيل لازم تروحي عندهم ماينفع بالنت !!! اوكي وهذا منتدى طلاب وطالبات جامعة الامير محمد بن فهد ..حياك http://www.pmu1.com/ |
رد: بخصوص المقابلة وإمتحان تحديد المستوى >>أسئلة محيرتني مره
اقتباس:
بس الماث في شنو يعني ..؟ هل راح يكون إختيارات او حل مقالي يعني رايك اروح لهم وما أنتظر إتصالهم أو إيميل رحت لهم قبل قالو لي سجلي بالنت أول .. إذا رحت هناك راح يعيدون معلومات التسجيل كلها يعني لازم اكون عارفتها :g2: دعواتكمــــــــ .. بالتـوفيق |
رد: بخصوص المقابلة وإمتحان تحديد المستوى >>أسئلة محيرتني مره
اي تسجلي بالنت وتروحي عندهم بدون مايتصلو فيك ولا شي
الماث اختيارات __________ واختبار الماث في يوم ثاني غير اليوم اللي فيه المقابله الشخصيه وتحديد مستوى الانجلش يعني لما تروحي لهم بيقولو لك متى اختبار الماث بالظبط وبيرسلو لك على الايميل نموذج تمارين ! روحي احسن لك تاخذي لك في الصيف مستوى انجلش تخلصيه تفتكين ! الترم الصيفي 6 أسابيع مع انه حرر وقرف ومشوار بس تفتكي من التحظيري القلق الطفش اللي مامنه فايده .......! |
رد: بخصوص المقابلة وإمتحان تحديد المستوى >>أسئلة محيرتني مره
اقتباس:
بالتـــــــــــــــــــــــــــــــــوفيق من كل قلبي .. |
رد: بخصوص المقابلة وإمتحان تحديد المستوى >>أسئلة محيرتني مره
خيتوه راح انهبك على نقطه مهمه الا وهي القسم الكتابي مركزين عليه
اهم شي عندهم مستواك في الكتابه ! هي اللي تحدد يحطوك في اي مستوى يعني في أساسيات عند التعبير الكتابي باللغله الانجليزيه ولازم تفهميها زين مثال : المقاله االلي بتكتبيها لازم تكون مقسمه الى 5 أقسام الاول مقدمه :وتذكري في نهايتها 3 نقاط أساسيه راح تتكلمي عنها طول الموضوع محور حديثك يعني مثلا التدخين غير صحي ومضيعه للمال وغير مقبول اجتماعيا .. طبعا بالانجلش القسم الثاني تتكلمي عن النقطه الأولى ......غير صحي القسم الثالث تتكلمي عن النقطه الثانيه .... القسم الرابع تتكلمي عن النقطة الثالثه .... القسم الخامس اللي هو الخاتمه وتذكري فيه النقاط الثلاث مره ثانيه بشكل سريع هذي الطريقه الصحيح لكتابه المقاله بغض النظر عن المحتوى والاخطاء اللإملائيه والقواعد اللغويه تبيني لهم انك فاهمه ويمكن يحطوك ادفاسند على طول فهمتي شي من اللي قلته هع هع هع ؟ أتمنى اني افدتك |
رد: بخصوص المقابلة وإمتحان تحديد المستوى >>أسئلة محيرتني مره
اقتباس:
انا مشكلتي في الإملااااااااااااااء يبي لي اتدرب شوي على الجمل أكثر يعني عارفه كيف ينكتب الموضوع و essay واعرف شلون ارتب الجمل والأفكار الله كريـــــــــــــــــــم وإنشاء الله اعدي على خير مشكــــــــــور أخوي .. بالتـــــــــوفيق |
| All times are GMT +3. الوقت الآن حسب توقيت السعودية: 01:08 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام