|
بنات الكليه الجامعيه بالجبيل > استفسار بليز ادخلو
السلام عليكمـ.!!
كيفكم طيبين ..!! بخش بالموضوع طوالي ^^ انا الحمد لله تخرجت من الثانويه بتقدير حلووو وناويه اخش قسم انجليزي طبعا سالت عن كليه التربيه عن اكثر من بنت قالو لي دماااااار انحطاط .... الخ الخ فهونت عن دخولها فحبيت استفسر عن كليه الجامعيه اول شئ: كيف قسم الانجليزي سواء من دكتورات او اختبارات او الخ الخ والسنه التحضيريه وش هي موادها وكيف الصعوبه فيها ؟؟! ونجي عند الزي ؟ هل هو موحد والا مفتوح والا ايش بالضبط وكيف الخدمات والتعامل بالكليه عموما ؟! واخير كم المكافاه ؟! واذا اي وحده عندها اضافات او ملاحظات عن الكليه ياليت لا تبخل علي ^.^ |
رد: بنات الكليه الجامعيه بالجبيل > استفسار بليز ادخلو
وعليكم السلام والرحمه
تمام انتي شحالج :119: اختي بجاوبج عن استفساراتج اول شي السنه التحضيريه اذا انتي ادبي وتبين تدخلين قسم انجليزي تدرسين بالتحضيريه السمستر الاول : انجلش 001ويكون عباره عن 4مواد غرامر+لسننغ+ريدينغ+رايتينغ وآي تي 1 وهي ماده تعطيج مقدمه عن الحاسب تكون عملي وتطبيقي بالأضافه الى برنامج الوورد وكوميكونيكيشن سكيلز1 >هالماده مالها كتاب وع فكره تراها حلوه وخفيفه عباره عن اربع او خمس مواضيع بالسمستر وهيلث1:000: هالماده ماهضمتها بس اغلبنا ننجح فيها والسمستر الثاني نفس السمستر الاول بس يصير انجلش002 والآي تي يكون اغلبه تطبيقي اكسس+ اكسل وكويمونيكيشن سكيلز 2 نجي لتعامل الدكاتره وهيك بصراحه تعاملهم واسلوبهم جدا حضاري بس اهم شي تكونين تعاملينهم باحترام وبلباقه عشان يعاملونج بالمثل اذا احتجتي مساعده اوشي موفاهمته يعيدونه لج ويفهمونج وبصراحه اذا مشيتي صح بترتاحين معاهم ان شاء الله السنه التحضيريه كل سمستر فيه امتحانين ميجرين وكل ميجر عليه 20 درجه و3 اختبارات قصيره (كويزز) كل كويز عليه 5 درجات وللمشاركه والحضور 5 درجات بس يعني طول السمستر تجمعين 60 درجه و40 ع الفاينل بالنسبه للصعوبه مع الاصرار والعزيمه مافي شي صعب باذن الله انتي شدي حيلج من اول ماتدخلين والصعب بيسهل وحطي في بالج تجيبين السمستر الاول بالانجلش سي ع الاقل لان لو جبتي ترمين دي +دي تحملين حق الترم الثاني :000: امممممم وش بعد المكافأه 990 ريال اللبس <نجي للمهم التنوره عادي تلبسين اي لون بس انصحج بالجينز والتنوره السوده احسن ولازم تكون لين كعب الرجل مع ان بنات واجد يلبسون ميدي بس يتخالفون بالترم مره خخخخخ والبلايز عادي تلبسين تي شيرتات او اي شي بس تكون نص كم والجابنيز بعد مسموح المعامله عموما الموظفات والمسز معاملتهم حلوه بس احيانا بعض المسات يكونون نظاميات شوي يعني لازم تجين ع الوقت وكذا ان شاء الله اكون رديت ع تساؤلاتج ولو عندج اي استفسار خليهم هنا وبرد عليج :) موفقه يارب .............. |
رد: بنات الكليه الجامعيه بالجبيل > استفسار بليز ادخلو
خيتو apple يعطيك الف الف عافيه وربي انك تبردين القلب فديتك ^.^
هذي السنه التحضريه !!! وقالوا لي فيه رياضيات وفيزياء ومن هالطقه وربي فجعوووني O.o وحبيت اسالك سؤال لا هنتي .... عن ايش تتكلم ماده هيلث عموما ؟! وسؤال جانبي يقولون في الجامعه كاميرات مراقبه هالكلام صحيح او لا ؟! |
رد: بنات الكليه الجامعيه بالجبيل > استفسار بليز ادخلو
السلااام
الرياضيات والفيزيا بس حق العلمي والادبي لهم رياضيات مبسط غير عن حق العلمي يختلف تماما فلا تشيلين هم والهيلث ماده عامة تتكلم عن الصحه البدنية وهي مادة تسوين فيها عرض البوربوينت واشيا في جسم الانسان بس موصعبة هي سهل جدا بس المصطلحات الي بالانقليزي صعبة لانك تكونين مبتدئة بس نادر مااحد يرسب في هذي المادة ونصيححححة لك في العطلة انك تدرسين الانقيليزي من كتب او مواقع علشان تتقوين قبل ماتدخلين الجامعة وعلى فكرة ترا مستوى الجامعة احسن بكثير من كلية التربية والجامعات الثانية لانها متطورة من ناحية المناهج وبالتووووفيق لك إن شااللله ودعووواتكم لي |
رد: بنات الكليه الجامعيه بالجبيل > استفسار بليز ادخلو
مرحبا يا قلبي
مااقدر ازيد على كلام خواتي غير انو ممكن تحذفين الرياضيات اذا انتي ماتبين تتخصصين اداره اعمال والله يوفقك ياالغلا |
رد: بنات الكليه الجامعيه بالجبيل > استفسار بليز ادخلو
[align=center]
يعطيكم آلعـآفية صبـآيآ ربي يجزآكم بـ كل خير موفقين ^.^ [/align] |
رد: بنات الكليه الجامعيه بالجبيل > استفسار بليز ادخلو
BA1 - شذى الشوق
الله يجزآكم بالخيـر يـآ بنوتـآت ^.^ وبالنسبه للانجليزي الحمد لله ماعندي مشاكل فيه ^_* وبما اني بتخصص انقلش فراح لحذف الرياضيات لاني ماطيقه موووت >_< T7mLTeK مشكور ع المرور ^.^ |
رد: بنات الكليه الجامعيه بالجبيل > استفسار بليز ادخلو
يعافيج خيتوو ولو ماسوينا شي
الهيلث مثل ماتفضلو الاخوات ماده تتكلم عن الصحه وبعض الامراض وهيك بس غالبية لدرجات تكون للعملي وهذا اللي ينجحنا خخخخ الرياضيات والفيزيا والكيميا للعلمي فقط واذا انتي حابه تتخصصين ادراة اعمال لازم تاخذين السمستر الثاني فاونديشن ماث واذا تبين تتخصصين انجلش تاخذين كوميونيكيشن 2<< اشتري راحة بالج وعن الكاميرات اي صحيح فيه كاميرات مراقبه بس انا سألت اداريه عندنا قالت لي ماتتسجل يعني بس للمراقبه خلال الدوام لو صارت هوشه:017: اوشي لاسمح الله وبالنسبه لمواد التخصص للأنجلش ادخلي ع الرابط هذا http://www.ucj.edu.sa/Pages/Main/InfoPages.aspx?CId=205&mmId=0 ادخلي ع Degree Planيعطيح الخطه الدراسيه من البريب لين التخصص بالانجلش للخمس سنوات الله يوفقج Hard وان شاء الله انج قدها دام عندج كل هالاصرار والعزم .. لو في اي استفسار انا هووون تحياتي لج .............. |
رد: بنات الكليه الجامعيه بالجبيل > استفسار بليز ادخلو
[align=center][/align] السلاآم عليييكم :)
يع ـطييييكم العافيه جميعا انا بعد مستجده :$ .. ان شاء الله يطلع قبولي امممم كيف الجوالات مسموح الكاميرا ولا ؟ هآأررد .. الله يوفقنا يارب ثانكس :) |
رد: بنات الكليه الجامعيه بالجبيل > استفسار بليز ادخلو
اقتباس:
في النظام هي ممنوعة لكن ع قولتهم دامه بجيبك محد بيقولك شي :) أما إذا شافوه معاك فـ رح يتصادر لكن اشتري راحتك وخصصي جوال بدون كاميرا للكلية عشان تكلمين بثقة بدل التخشش بالزوايا عشان محد يصيدك هههه :) |
| All times are GMT +3. الوقت الآن حسب توقيت السعودية: 12:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام