ما جاني رد بخصوص تغيبي عن الاختبار بعذر
 

صباح الخير

قدمت عذر عن تغيبي بالاختبار وإلى الان ما جاني رد

وحاليا فتح تسجيل المواد ف كيف الطريقه أن أتأكد منهم أن تم قبولي عذري علما أن الايقونة إلى الان ما فتحت

والى متى تسجيل المواد راح يكون مفتوح ؟؟

ارجو المساعدة ولكم جزيل الشكر مقدما ❤️


Sent from my iPhone using ملتقى فيصل

رد: ما جاني رد بخصوص تغيبي عن الاختبار بعذر
 

صباح النور والسرور ،،،
اذا كنت رافع لهم عذر طبي باذن الله وضعك في السليم ورح سجل موادك الجديده واترك فراغ في جدولك للمواد الي رافع لها عذرك الطبي وهم راح يضيفونها لك بعد بداية الدراسة باسبوع الى اسبوعين بشكل آلي ... اما اذا كنت رافع اي عذر غير طبي فما انصحك نهائيا تخلي طلبك على ماهو عليه رح واحذفه وارفع طلب جديد بعذر طبي حتى لو من مستشفى اهلي او مستوصف ... لاتنتظر نتيجة الطلب رح وسجل موادك الجديده لاني دايم اسوي كذا وانصححححك تتبع نفس طريقتي وبالتوفيق يارب

رد: ما جاني رد بخصوص تغيبي عن الاختبار بعذر
 

انا رافع لهم عذر طبي لكن ما جاني شيء لكن بتبع طريقتك وبإذن الله الامور تساهيل

ومشكور على النصيحه ❤️



Sent from my iPhone using ملتقى فيصل

رد: ما جاني رد بخصوص تغيبي عن الاختبار بعذر
 

باقي ما فتحوا أيقونة الاستعلام عن أعذار المتغيبين

رد: ما جاني رد بخصوص تغيبي عن الاختبار بعذر
 

لازم يكون سيكليف عشان يقبلونه ، ولا عادي اي عذر طبي حتى لو مراجعه بس ؟

رد: ما جاني رد بخصوص تغيبي عن الاختبار بعذر
 

العفو يالأمير وباذن الله انك راح تدعيلي في الاخير لاني فكيتك من قلق وهم انتظار نتيجة العذر الي راح تأخرك عن التسجيل وتشغل تفكيرك وتعطلك على الفاضي
وفالك التوفيق يارب :004:

رد: ما جاني رد بخصوص تغيبي عن الاختبار بعذر
 

لازم سكليف فيه اجازه لك او دخول للطوارئ بنفس يوم الاختبار من اي مستشفى اهلي او حكومي ... ويقبلون انك تجيب عذر انك كنت مرافق مع مريض وقت الاختبار... لكن مراجعه ما اضمنها لك ولااعرف احد سواها
واذا كنت غايب عن اختبار دبر لك عذر طبي من اي مستوصف وارفعه لهم بسرعه قبل ماتتقفل ايقونة تقديم الاعذار

وبالتوفيق يارب ،،،

رد: ما جاني رد بخصوص تغيبي عن الاختبار بعذر
 

عذرا من صاحب الموضوع

انا مقدمه لزوجي عذر حادث ابعد الله عنا وعنكم الشر
هل هاذا عذر مقبول للجامعه ولا ؟

رد: ما جاني رد بخصوص تغيبي عن الاختبار بعذر
 

انا دخلت المستشفى في يوم الاختبار الصباح ، لكن مارضوا يعطوني عذر طبي رسمي الا اذا تواصلت معهم الجامعه
فعطوني اشعار مراجعه اسلمه للجامعه وهم المفروض يردون عشان المركز يعطيني العذر ، بس ماردوا علي .. فما رفعت الا هذا الاشعار ..

طيب في حال الرفض ، اقدر ارفع مره ثانيه او اراسلهم ، او خلاص يعتبر رفض نهائي ؟

رد: ما جاني رد بخصوص تغيبي عن الاختبار بعذر
 

ما انصحك نهائيا تغامريت بتقرير المراجعه هذا
لو رفضوه خلاص تعتبرين راسبه في الماده ومايعطونك فرصه ثانيه تقدمين تقرير مختلف وبتضرب لك معدلك
نصيييييحه وناخوك اطلعي وتحركي من الحين و خذي معك تقرير المراجعه وروحي لاقرب مستوصف عندك واطلبي كشف عند الطبيبه العامه او اي دكتورة نساء على اساس انك تعبانه واذا دخلتي عليها اشريحلها وضعك بالكامل وبلغيها ان الجامعه ماتقبل الا سكليف فيه اجازه رسمية تكون بنفس تاريخ اختبارك ... وخليها تشوف التقرير الي معك وبناء عليه تعطيك سكليف مختوم ورسمي وكذا تكونين سويتي الصح وخلي معك 100 ريال وعطيها اياها ... واذا اخذتيه احذفي عذرك الي رفعتيه (واوقات ياخذ اكتمال طلب الحذف 24 ساعه وقد صارت معي ) ثم ارفعي لهم السكليف الي اخذتيه الجديد وكذا تكون باذن الله امورك في السليم

واذا رفض مستوصف يعطيك روحي لغيره ،،، وفالك التوفيق يارب
ولاتنسينا من دعواتك في ظهر الغيب

وبشرينا بالي يصير معك