بلييز ابي جواب لسؤالي ربي يفرجها عليكم
 

بغيت اسأل عن الفرق بين لما ادرس حاسب بهالكليه ولما ادرس حاسب بكلية التربيه اعرف ان التربيه تكون تقدر تصير معلمه بس هل المجالات الثانيه برضوا مفتوحه للي تدرس بالتربيه مثل الي تدرس بكلية الحاسب اقصد البنوك وغيره

يعني الزبده وش احسن شهاده واقوى ؟

والله يجزاها خير الي ترد ويرزقها من حيث لاتحتسب :)

رد: بلييز ابي جواب لسؤالي ربي يفرجها عليكم
 

اذا درست هني ولا في كلية التربية تقدرين تتوظفين في مدرسة او بنك او شركة .. الخ
اهم شي يكون عندك بكالوريوس حاسب ..
شخصيا انصحك بكلية الحاسب ..
بالتوفيق ^^

رد: بلييز ابي جواب لسؤالي ربي يفرجها عليكم
 

مشكوووره ياحلوه تسلميين

انا سألت لاني بالجبيل وحبيت اعرف اذا كلية الحاسب هذي احسن بدرس فيها بس اذا مثل بعض مايحتاج اضرب مشوار للدمام
ادرس بالتربيه الي هنا بالجبيل عشان هيك كنت محتاره

يعطيك العافيه ماقصرتي

رد: بلييز ابي جواب لسؤالي ربي يفرجها عليكم
 

طبعاً تختلف !

رد: بلييز ابي جواب لسؤالي ربي يفرجها عليكم
 

اختي قلب انثى اذا ممكن من اي ناحيه الاختلاف ؟؟
وعندي سؤال ثاني اللي لغته الانجليزيه ضعيفه مره يقدر
يمشي في الكليه ولا لا لاني مره خايفه من الانجلش وودي احول
للجبيل بس انتي وش رايك ؟؟

رد: بلييز ابي جواب لسؤالي ربي يفرجها عليكم
 

أولاً الحاسب التربوي عام مو تخصص ويكون فقط لغرض التدريس واعتقد الدراسة بالعربي .. كلش مختلف !

احنا انجلش وتخصصات وممكن تتوظفين بأي مكان شركات بنوك وحتى لو تدريس برضو مش مشكلة

يعني المجال مافيه مقارنة أصلاً !! .. لهالسبب مااعرف اسوي مقارنة بينهم لاختلافهم الشاسع


اللغة مع الايام رح تتعودين ان شاء الله .. انا عن نفسي الحمد لله كانت لغتي قوية فما واجهت اي صعوبة

في بنات كانوا مش ولابد بس عدوا واستفادوا ولله الحمد .. حاولي بكلاسات الانجلش تاخذي قد ماتقدري من الفائدة وخصصي للانجلش اوقات معينة تطوري نفسك فيها

وترى اللغة شي مهم جداً هاليومين =)

رد: بلييز ابي جواب لسؤالي ربي يفرجها عليكم
 

يعطيك العافيه حبيبتي والله يوفقك بدراستك
وان شا الله زي ماقلتي نعدي و نتعود ع الانجليزي
مع اني عندي حصيله فوكاب حلوه بس بعد خايفه
ما اتخيل نفسي اتكلم او اجاوب بورق انجلش
يلا الله يوفق الجميع ..