ملتقى طلاب وطالبات جامعة الملك فيصل,جامعة الدمام - موضوع محبط : لم اجد وظيفه تناسب تخصص ادارة اعمال منذ سنتين

وعليكم السلام ورحمة الله وبركاته

ولله الي اعرفه واشوف اخوياي الي تخرجوا منهم الي توظف وظيفه حكومية على المرتبة السادسه وفيهم الي دخلوا القطاع الخاص ورواتبهم محترررررررمه ونفس تخصصك، هي في الاخير ارزاق من الله لكن ثقي ثقة تامه ان تخصصك هو الأقوى في سوق العمل ولو انه مو قوي ومرغوب كان ماشفتي الجامعة السعودية الإلكترونية اختاروه في تخصصاتهم وكان ايضا ماشفتيه الاول في برامج الماجستير في جميع الجامعات واستحالة ان تجدين اي جامعة لايوجد فيها كلية إدارة الأعمال ماعدا الكليات الصحية

لا تنتظرين وظيفه حكومية، انصحك وبشده في القطاع الخاص واذا اخذتي منهم خبرة خمس او عشر سنوات بعدها حولي على الوظائف الحكومية و يقبلونك على المرتبة العاشره او الحادية عشر او بنظام العقود ثم تكملين الماستر والدكتوراه

وفي الاخير هي سبب والتوفيق من الله سبحانه وتعالى

وآتمنى ماتزعلين من كلامي واعتبرية وجهة نظر شخصية، لاني اعتقد انه عندك مشكلة يا في معدلك التراكمي او في طريقة بحثك وتقديمك على الوظائف او انك ماتحسنين التصرف في المقابلات الشخصية او انك من الي يتشرطون برواتب معينة ف يقبلون غيرك ويتجاهلون ملفك والعلم عند الله، لكن صدقيني فيه مشكلة عندك

نصيحة لوجه الله وناخوك اقبلي باي وظيفة حاليا في القطاع الخاص لمدة سنه او سنتين براتب عادي او اقل من العادي وموشرط بنفس تخصصك، وبعد سنه او سنتين باذن الله راح تجيك العروض لين عندك وبرواتب تصدمك وفي نفس تخصصك

واسف على الاطاله

واسال الله العظيم ان يرزقك من واسع فضله ومن حيث لا تحتسبين ولجميع المسلمين يارب العالمين