استفسار عن دعم الموارد البشرية
 

السلام عليكم ورحمه الله وبركآته ..

بغيت استفسر منكم على شروط دعم الموارد البشريه للتخصص المختبرات الطبيه
في أحد يعرف شنو هالشروط اللي لازم تتوفر بالشخص عشان يقبلون!؟؟

لاني سمعت يقولون هم يبون 90 بالثانويه هل هذا الكلام صحيح او لا مع العلم نسبه القدرات والتحصيلي مقبوله اذا كانت من 60 وفوق !!

لكن كل هذا مجرد كلام سمعته ابي اعرف هل من الممكن اللي نسبتها مثلا 88.86 بالثانويه مثلي انا تنقبل مع العلم أن القدرات 63 والتحصيلي 73
ولا هل يعتمد على امتحان الانجلينزي يعني اذا جبت نسبه عاليه يقبلوني ولا ايش بالضبط

أتمنى تساعدوني وتعطوني أمل اذا في امكانيه اذا يقبلوني او لا يعني على معرفتكم واذا كان لكم خلفيه عن هالموضوع لاني خايفه ولكن الامر لله وان شاءالله مايصير الا خير بس بغيت اعرف.

رد: استفسار عن دعم الموارد البشرية
 

وعليكم السلام ورحمة الله وبركاته

هلا حبيبتي

اول شيئ يالغلا اذا بغيتي تحطي موضوع استفسار

تمنع المواضيع الي تقول ممكن مساعده او استفسار عاجل
يعني لازم تكتبي موضوع يوضح المضمون تقريبا
عشان لايحذف موضوعك مني او من الادارة
فيه شرط نزل انو لو نزل موضوع يحمل عنوان استفسار عاجل او شيئ من هذا القبيل الواجب اننا نغلقه <-- هالقانون نزل من الادارة ..
وانا الحين غيرت لك العنوان لان ابي اساعدك حبيبتي...


.
.
.


بالنسبة لسسؤالك

تخصص المختبرات الطبيه
غير مدعوم من الموارد البشرية
انتبهي لاتحطي ببالك ان المختبرات مدعوم
والي يدخلونه على حسابهم او راح يطلبون منك تحويل الى تخصص غير

..

وبالنسبة لنسبتك اذا تبين دعم الموارد البشرية
ماعندك الا تخصص دبلوم التمريض

..

اتمنى اني افدتك

ربي يوفقك عزيزتي ..^-^

رد: استفسار عن دعم الموارد البشرية
 

السلام عليكم ورحمة الله وبركاته

اقتباس:

هل يعتمد على امتحان الانجلينزي يعني اذا جبت نسبه عاليه يقبلوني ولا ايش بالضبط

أمتحان اللغه الأنجليزيه مُجرد تحديد مستوى..
في حين لو كنتِ بحاجه إلى السنه التحضيريه أو لا..
وهالأمتحان من الكليه مش من الموارد..

رد: استفسار عن دعم الموارد البشرية
 

مشكوره خيتو بس ماكنت عارفه هالشي مره ثانيه راح أحرص وأنتبه أن شاءالله ../
ع العموم أنا بس بغيت اعرف نسبتي تقبل او لا لكن بالنسبه للمختبرات الطبيه انتي متأكده من كلامك لاني سجلت عندهم وقالت لي التخصصات كلها مدعومه الا هي صيدله ومختبرات وتمريض ومافي الا بكالوريس مافي دبلوم ابدا هالسنه لكن يتم القبول عبر الموراد البشريه اهي اللي تحدد القبول لك والله أعلم

رد: استفسار عن دعم الموارد البشرية
 

ايوة ايوة ياقلبي انا متاكده ان تخصص المختبرات غير مدعوم وانا ماخذه الخبر من داخل اادارة المانع

وبعدين ترى مو اول مرة يقولوا لنا ان المختبرات مدعوم بعدين يحطوا البنات امام الامر الواقع ويقولوا لهم حولوا الى تخصصات ثانية

يعني انتبهي يالغلا ..

فيه دعم فقط

لتخصص بكالريوس صيدله , بكالريوس تمريض , دبلوم تمريض


^-^