|
موضوع هام جدا بخصوص الكلية
السلام عليكم ورحمة الله وبركاته
بنات انا سجلت بكلية الدمام وطلع لي قبول بالرغبة الرابعة كلية التربية بحفر الباطن وانا مااقدر اروح هناك ويش اقدر اسوي حتى احول لكلية ثانية ولا ويش اسوي ضروري الي عندها خبر صحيح تعطيني خبر قبل لاينتهي وقت تسليم البريد لاني مو ناويه اسلم اوراقي :bawling: وماابي اروح هذا الكلية لاني هذا مستحيل :sdfgdsf: |
رد: موضوع هام جدا بخصوص الكلية
انا لاحظت من مشاكل البنات انهم في الدفعه الاولى انقبلوا في رغبات ثانيه مايبونها بس بعد الدفعه الثانيه تغير قبولهم الى رغباتهم اللي يبونها تاكدي من القبول اللحين وانتظري الدفعه الثالثه
بس ماادري عن تسليم الاوراق وشي ثاني تقدرين تدرسين في كلية الحفر سنه كامله بعدها تحولين للي تبينه شوفي انا نظام قديم مااعرف شي عن الانظمه الجديده وياليت تسالين احد مسئول او فاهم اكثر مني الله يوفقك |
رد: موضوع هام جدا بخصوص الكلية
مشكورة جوليا على الرد
بس انا مااقدر اروح ادرس بكلية التربية الي بحفر الباطن ابي شيء قريب هنا لي ماادري اسلم اوراقي لاني انقبلت بالدفعة الثانية وانشط طلب القبول بالدفعة الثالثة واجرب يقبولني بكلية غير ولااظل بالبيت |
رد: موضوع هام جدا بخصوص الكلية
لا حرام تقعدين في البيت اول شي اللي انقبلتي فيها كلية تربيه شهادتها احسن شهادها من ناحية القبول في الوظايف والراتب
وبنات غيرك يتمنون اللي انتي فيه حرام تضيعين فرصتك انتي ماتدرين وش بيصير انتي حاولي في التنشيط واذا ماتغيرت رغبتك روحي للحفر |
رد: موضوع هام جدا بخصوص الكلية
ايهـ لآ تروح عليكـ خيهـ ... سمعي كلآمـ جوليآ ... آهـ آهـ
ربنا كريمـ بس محد يحمد ربهـ بني آدم ما يملي عينهـ الا لتراب انهـ معترضهـ على كلية التربيه اللي في الجبيل وانتي اللي بالحفر وغيرنا وغرنا .... بس قررت بآقدم الاوراق على بركة الله يومـ الاحد والله يكتب اللي فيهـ الخير لي ولكمـ يمكن يصير لي ترقيه ويا محلا الترقيات واذا لا نصبر كلها 4 سنين مو ؟؟ |
رد: موضوع هام جدا بخصوص الكلية
غدور انا مو معترضه على قبولي بكلية الحفر والحمد لله ان طلع لي قبول بالكلية بس انا وحدة مااقدر على الغربه ولااعيش من غير اهلي وبعدين اربع سنوات مو سنة ولا سنتين حتى اصبر وبعدين توه واحد من الاهل متوفي على نفس الطريق ف من الصعب اقنع اهلي بالروحه وادري ان الموت مقدر ومكتوب سواء هنا ولا هناك وانا وحده من الناس كنت اتمنى يقبلوني بالجبيل لانها أفضل من الآداب بكثير
|
رد: موضوع هام جدا بخصوص الكلية
السلام عليكم ورحمة الله وبركاته
انا عندي سؤال اللحين كلية التربية بالجبيل وش تخصصاتها وش رح تكون وضيفتها بليز الي يعرف اي شي عن كلية التربية يرد علي |
رد: موضوع هام جدا بخصوص الكلية
تكفون ردوووووووووووووووووووووووعلي بسرعه
|
رد: موضوع هام جدا بخصوص الكلية
مرحبا اخت دموع المطر..
تخصصات كلية التربية بالجبيل.. حاسب ..رياضيات.. فيزياء>>للعلمي رياض اطفال ..تربية خاصه ..اللغة الانجليزيه>>الآدبي.. وبالتوفيــق للجميـــع |
| All times are GMT +3. الوقت الآن حسب توقيت السعودية: 08:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام