ملتقى طلاب وطالبات جامعة الملك فيصل,جامعة الدمام

- - نصحية مراكشية من المراكشي (https://vb.ckfu.org/showthread.php?t=92078)

نصحية مراكشية من المراكشي

السلام عليكم ورحمة الله وبركاته

اخواني الكرام حبيت انقل لكم خبرتي المتواضعة في الحياة اللي ممكن انتو تؤيدني وممكن انكم تعارضوني فيها عموم انا ماراح اطول عليكم وبسرد لكم السالفة اللي ممكن تفيدكم انا طال عمركم ووفقكم من خريجين المنطقة الشرقية وكان ساكنين في منطقة عسكرية وماكنت اشوف احد ناجح في الحياة الا الضباط (طبعا هالشي غلط بس بحكم مجتمعي اللي اعيش فيه) المهم كننت دافور مصري اخذت الاول على المدرسة من اول ابتدائي الى ثالث تانوي في ثالث ثانوي حصلت على 92 بالمية المهم بعد الثانوية كنت مستعجل على الوظيفة ابي اعيش حياتي وصراحة كان ينقصني التوجيه الصحيح قدمت على كذا شغلة بس كان طموحي وظيفة بسرعة والحمد لله دخلت على احد الشركات اللي تدرسك سنتين وتوظفك والحمدلله من اول يوم وانا مشيت بالمعهد وجبت معدل ممتاز وحطوني باحسن التخصصات وكان يقول المهندس شوف هالتخصص مطلوب وين ماتروح بيقبلوك وفعلا توظفت بالشركة وخلل فترة التوظيف كان الراتب تقربيا 6000 كان عايشين ودخلنا بالاسهم وجبنا العيد بقرض كبير المهم بعد صار الراتب مايكفي وقدمت على شركة وعطوني عرض وتحسنت الامور كثير سنتين وجاني عرض غيره ومنصب وتوظفت وكملت سنتين بهالشركة وعطوني منصب حلوحسب شهادتي المهم الامور طيبة هالحين. الشاهد بالموضوع والامر المهم اني فكرت بيني وبين نفسي الانسان اللي يبي يعيش حياة مادية ومعنوية طيبة عندك طريقين لازم تتبع واحد منهم :

يانك تفلح بالتجارة وربي يفتح عليك وتتسهل امورك وتعيش حياة طيبية

او انه يكون عندك شهادة وتمسك مناصب بالشركات وتاخذ امتيازات تعيش هالحياة الطيبة

بالنسبة لي انا مافلحت بالتجارة فتحت صالون ومافلحت وفتحت مطعم مافلحت وفتحت موسسة ونشوب لنا بالفيز.

اللي شدني بدارسة يوم من الايام وانا بمطعم الشركة شبهت على واحد كان يدرس معي المهم اقلب بالايميلات اللي هو مدير القسم المالي والله ياشباب اني اكنت اشرح ايام الدراسة وهالحين هو مدير وانا سوبرفايزر ونفس العمر وانا متخرج من الثانوية بمعدل احسن منه بكثير بس اللي يفرق اني استعجلت بالوظيفة هو كمل بكالوريس وشوف النهاية ز الشاهد الله يوفقه الولد يستاهل طيب وحبوب . بس انا هالحين صحيت من اللي انا فيه لازم اكمل دراستي واعدل وضعي لانه حسب شهادتي حدي بيوصل سوبرفايزر وبعدين بغرزز اللين اجيب بكالوريس فبلحق عمري وانشالله تتسهل.

نصحية مراكشية اخوية : اللي عنده مجال يدرس لايفوت ا لفرصة عليه والله بيجيك يوم وتقولي ياليت ادرس واللي مايمديه لايضيع الفرصة على اي انسان يحبه يروي له تجربتي وانشالله بتفيده .

اسف على الاطالة تقبل تحياتي

المراكشي