[ استفسار ] من طلاب المستوى (الثالث) الى طلاب المستوى (الرابع) نحتاج منكم تنوير طريقنا بنصائحكم

[سكرتير الخير]

السلام عليكم ورحمة الله وبركاته


أسعد الله أوقاتكم بكل خير

تعمدت طرح هذا الموضوع في قسم المستوى الرابع لكي تعم الفائدة بإذن الله

حنا اخوياكم طالعين الى المستوى الثالث ونحتاج منكم أن تنوروا لنا الطريق حسب خبرتكم السابقة في المستوى الثالث


الي نحتاجه منكم شغلتين :-

1- ايش هي المواد ( السهلة والمتوسطة والصعبة ) في المستوى الثالث.

2- هل تنصحونا ان نضيف مواد من المستوى ( الرابع ) مثل مادة (المنظومة النحوية اوو مدخل الى اللغويات ) لاني سمعت انها بمستوى رابع موقعها بالاختبار اخر يومين ورا بعض. وبعض الطلاب قال فيها نوع من الضغط لان مادة مدخل الى اللغويات تحتاج وقت وتركيز في المذاكرة والمشكلة انها اخر يوم وقبلها مادة في الاختبار.


طبعا المواد الي معنا بإذن الله في المستوى الثالث هي:-


1- قراءات ومطالعات
2- أخلاق إسلامية
3-استماع واستيعاب
4- التركيب اللغوي
5- إنشاء وتعبير (1)
6- انترنت واتصالات



نحن بإنتظاركم لتنوير الطريق


واسأل الله ان ينور طريقكم ويحقق امانيكم

وجزاكم الله كل خير

[همس الروح 2015]

يا هلا فيك اخوي سكرتير الخير حياك الله بينا
وان شاء الله اللي نقدر عليه بنسوي لك

بالنسبة لمستوى ثالث روووعة جدا المواد
يبيلها بس مذاكرة اول باول ونصيحة مني لك
ضيف اللغويات معهم وما عليك من كلام ان
اللغويات صعبة .. هي بس تحتاج الى مذاكرة
اول باول ...وصراحة مواد مستوى ثالث مو صعبة
تقدر تضيف اللغويات افضل لك لان مواد مستوى رابع
في مواد صراحة دسمة اشوي ويبيلها مذاكر فخفف
ضغط واخذ اللغويات مع مستوى ثالث


راح اشرح بشكل مبسط كل مادة
قراءة ومطالعات ( مادة تخصص جدا جميلة وهي عبارة عن قطع
اخلاق اسلامية ( مادة عامة ترفع معدل )
استماع واستيعاب ( مادة تخصص مادة تحتاج للاستماع الدكتور روووعة المادة )
التركيب اللغوي ( مادة تخصص اذا انت شاطر بالقواعد بتمشي فيها )
انشاء وتعبير 1 ( مادة تخصص هي تعتمد على حفظ الكلمات و حروف الجر )
الانترنت والاتصالات ( مادة عامة تحتاج منكم متابعة اول باول مع الدكتور )

المواد صراحة ما فيها صعوبة بالمرة يبيلكم متابعة بس اول باول مع الدكاترة

واذا تبون ترتيب من الصعب الى السهل

الانترنت والاتصالات
استماع واستيعاب
تركيب لغوي
الانشاء 1
قراة ومطالعات
اخلاق اسلامية

[إحساس متبلد]

وعليكم السلام ورحمة الله وبركاته

مواد ثالث كلها سسسهله وممتعه بس مو معناته ماتذاكر
من بداية الترم لازم المذاكره عشان المعدل ولاحظ انها كلها ساعتين
ماعدا الانشاء.. اما الانشاء الاستاذ تبعها هذي السنه جاب فينا العيد صراحه
في كل المستووييين يعني اسئلته من برا المنهج
بس برضو خلها معك يمكن حظكم يكون حلو


اما اللغويات وانت مغمضضض خذذذها بما انك ثالث
موادكم حلوه يعني بتكون معاك هذي الماده الوحيده الدسمه طبعا 3ساعات هي
بس مع مذاكرتها أول ب أول بإذن الله تعديها ب امتياز
لكن نصيحتي تاااخذها معك لأن في رابع قبلها ماااده في جدول الاختبار

ماراح يمديك تراجعهاااا طبعا بما انكم بتكونوا مذاكرينها من قبل

انا صراحه فاتتني ما اخذتها في المستوى الثالث لكن حذفت المنظومه عشااانها

هذا اللي عندي واذا بغيت شي ثاني احنا موجودين

[aseel..k]

وعليكم السلام ورحمه الله وبركاته


أولآ: مبرووووك النجاح والله يوفقنا جميعاآ

ثانيآ: أنا عن نفسي أخذت بالمستوى الثالث 9 مواد ((ماشاءالله))
قراءات ومطالعات (ساعتين)
أخلاق إسلامية (ساعتين)
إستماع وإستيعاب (ساعتين)
التركيب اللغوي (ساعتين)
إنشاءوتعبير 1 (3 ساعات)
إنترنت وإتصالات (ساعتين)

ومن المستوى الثاني
النحو التطبيقي2 (ساعه)
ومن المستوى الرابع
حاضر العالم الإسلامي (ساعتين)
قواعد البيانات (ساعتين)


صار مجموع عدد الساعات (18) بالتمام

للأمانه جميع المواد الأساسية للمستوى الثالث
سهله وخصوصآ مواد التخصص
قراءات ومطالعات وإستماع وإستيعاب هذي راح تجيب فيها
a+ وبالراحه. الأصعب بهذا المستوى من ناحية أسئله الإختبار تعتمد على الفهم والتركيز والتركيز والتركيز التركيب اللغوي - الدكتور عبدالله الفريدان - معروفة أسئلته يبيلها تركيز وفهم ....!
والباقي سهله جدآ _ الأنترنت والإتصالات _ أخلاق إسلامية ,, كانت كوبي بيست من الأعوام السابقة
( إنشاء وتعبير 1 - المادة هذي سهله لاكن دكتورها لعين بالمستوى الثالث كان على اسمة (المحبوب) الأسئله كانت من المنهج المخصص ومافيها ولا غلطة والكل أختبرها وهو فرحان --- أما بالمستوى الرابع إنشاء وتعبير 2 (الله لا يسامحة ماجاب ولاكلمة من المنهج المخصص كل الأسئله كانت من إنشاء 1 بس بإذن الله راح نعديها )
(بس حبيت يكون عندكم علم عشان ماتنصدمون مثلنا


طبعآ لابد من المتابعة حتى ولو كانت المواد سهله .
من سهولة المواد ماتحسون أبدآ بالضغط النفسي
ولو تلاحظون جدول الإختبارات كانت المواد ورى بعض بدون أيام فاصلة
والحمدلله عديت هذا المستوى وبمعدل جدآ ممتاز
بمتابعة المحاضرات والمذاكرة قبل الإختبارات مهمه جدآ وإختيار الملخصات الممتازة
ومواد هذا المستوى سهله مافيها معلومات كثيرة وتعمق بالإنجليزي ومفردات صعبة أبدآ
يعني اللي عندة خلفية ولو بسيطه بالإنجلش بيعدي هذا المستوى ....


نجي لزبده الموضوع
ثالثآ : والأهم .......!!!!
أنا بقدم نصيحتي واللي حبها يطبقها
خليك ماشي على خطه الجامعه لجميع المستويات
وإذا حبيت تنزل مواد زيادة الأفظل انك تختار من المواد العامة ؟؟؟
لاتنزل من مواد التخصص !!! أبدآآ !!!
يعني بمستوى ثالث أنصحك وبشدة
تختار من المستوى الرابع (حاضر العالم الإسلامي)
وإذا كنت بيرفكت بالكمبيوتر نزل مادة (قواعد البيانات )
كانت هذي المادتين من المستوى الرابع سهله سهله جدآ

ومادة النحو التطبيقي 2 كانت جدآ سهله الدكتور الحقباني الله يسعدة مايحب يصعبها ع الطلبة شرحة ع السريع وأسئلته مكررة وسهله ....

أما مواد التخصص ( مدخل الى اللغويات - القواعد والمنظومة النحوية- من المستوى الرابع بيمديكم عليها
حتى وإن كانت ورى بعض بجدول الإختبارات ذاكروها قبل الإختبارات _انا عن نفسي ماذاكرت اللغويات قبل الإختبارات بس قرأت وتابعت بعض المحاضرات لفهم مخارج الحروف -بس الدكتور حدد لنا وركز على بعض المحاضرات والتعاريف وحرصنا وبشدة على مذاكرتها وانا ركزت عليها اكثر شيء لكن بالإختبار للأسف ماكان قد كلمتة وماجاب اللي خلانا نركز عليه كله جاب منها شويات الدكتور غسان أسئلته معقدة جدآ جدآ يجيب لك تعريف طووووووويل سطرين او اكثر ويشيل كلمة من النص أسلوب نذاله مع ان المادة ممتعه وفيها تستكشف مخارج الحروف والنطق - كنت ابي اجيب فيها امتياز والحمدلله على كل حال بإذن الله راح اعديها -

حاولوا ترفعون معدلكم بالمواد السهله والعامة بأول المستويات وخلوا مواد التخصص والدكاترة المعقدين بأسئلتهم لبعدين
بعد ماتتمكنوا من grammar and speaking ,,

أتمنى أكون أنرت طريقك ي أخي الكريم ,,,
وأسأل الله التوفيق لنا جميعآ

[سكرتير الخير]

جزاكم الله كل خير

واسأل الله أن ينور طريقكم

[nuha ash]

أنصحكم تاخذون من رابع وحدة من هالمادتين

مدخل الى اللغويات
قواعد البيانات

لإنها مواد صعبة وحلو تخلصونها بثالث طالما موادكم سهلة
ومكانهم بالجدول مناسب

موفقين

[سكرتير الخير]

بارك الله فيكم

طيب سؤال اخير

انا راح اخذ ان شاء الله مبادئ الاحصاء في مستوى ثالث

هل تنصحوني انزل من مستوى رابع مادة مدخل الى اللغويات او المنظومة النحوية ؟

وجزاكم الله كل خير

[منيره المستنيره]

اذا ودك تاخذ من رابع المنظومه اسهل من اللغويات خاصه ان الاحصاء دسسم شوي يبي له مذاكره من بدري
ولو ضفت اللغويات ماراح تلحق

من وجهة نظري لو تمشي ع الخطه احسن

[سكرتير الخير]

جزاكم الله كل خير

[Ms.bushra]

انا اخذت لغويات بس من رابع بالاضافه الى انجلش قراءه وكتابه من ثاني
لان المادتين معادلتهم الترم الي راح وماتعادلو ف حبيت اخذهم احسن
مع التجويد حذفتهم العام واخذتهم الحين

اللغويات تغير المنهج والدكتور
الاخلاق الاسلاميه تغير نفس الشي
ماادري ايش وضعي
اللي عنده فكره يقولها الله يوفقه