التعليم عن بعد افضل من مسمى الانتساب

[علم إجتماع]

دام عن بعد مو معترف فيه خلونا على إنتساب أفضل

[ندى الورد*]

انا اشوف تعليم عن بعد لانو مافي سبب لعدم قبولنا بالحكومي اذا هم حاطين نوع التخرج
وقبل كم سنه كان مسمى انتساب غير مقبول وبعد الله تم فتح الباب الوظيفي لهم

مافيها شي لو طلبنا الافضل من غير سب ودعاوي صار مجلس عجايز هههههههههههه

[مسافر بلا عنوان]

ياجماعة بالعقل والمنطق .. نحن ندرس تعليم عن بعد ونريد شهاداتنا ان تكون تعليم عن بعدمسألة الخدمة المدنية وانها مو مضافه عندهم هذه مسؤلية الجامعه وهم يعملوا اللازم والامر بسيط جدا ولايحتاج كل هذا العناء , الا اذا كانوا يروا ان التعليم عن بعد غير مجدي .. فلماذا تتاجر الجامعه على حساب الطلاب ؟

[منتسبه 2013]

بما انو في مطالبات فمن باب اولى تطالبوا تكون انتظام زينا زي الجامعة الالكترونية مع العلم انوالخدمة المدنية عندهم (انتساب - انتظام)
ولا جامعتنا الموقرة تطبع لكل خريج وثيقتين عشان ما نزعل عالمسمى

[Dr.Lavender]

المشاركة الأصلية كتبت بواسطة اكاديمي منتسب

سلام عليكم

صباح الخير


بالنسبة للمسمى فهو انتساب ، هذا الموضوع تناقشنا فيه مع عميد التعلم عن بعد الدكتور عبد الله جميع اللقاء المفتوحة .
النظام عندنا نظام ورقي روتيني ، مايعرف قال فلان هذا معترف به وهذا غير معترف به او مثل الانتظام ، لما ترسل وثيقتك للتسجيل في الخدمة المدنية سوف تستبعد ولا تسجل، لان مكتوب فيها نوع الدراسة تعلم عن بعد.
الخدمة المدنية عندهم (انتساب - انتظام)


اما بالنسبة الفرق بين دراسة التعلم عن بعد والانتظام ، فرق الارض عن السماء ولاتقارن:
الانتظام فيه تفاعل يوميا ونقاش وواجبات واختبارات قصيرة وجميع انواع التقويم، الاسئلة الموضوعية والمقالية والشفهية ، غير ذلك قياس لشخصية الطالب ، المتابعة المستمرة طوال الفصل الدراسي.


التعلم عن بعد : عروض مكررة ومحاضرات مسجلة قديمة بدون تحديث، لقاء ربع ساعة في المحاضرة المباشرة لثلاث مرات في الفصل الدراسي، ماتغطي لنقاش طالبين عن كيف نحل الواجب او المناقشة، المناقشات موضوعة من أول يوم فصل دراسي درس فيه الدكتور،الاختبارات موضوعية وأغلبها مكرر.




بالتوفيق للجميع،،

اخي الكريم . .
الجزء الاول من ردك اعتبرها وجهة نظرك واحترمها

والجزء الاخير من ردك عن التعليم عن بعد بانه مجرد عروض مكرره ومحاضرات مسجله ووو الخ

طيب وش يفرق عن الطلاب المنتظين ؟؟

يعني كل سمستر يجيبون لهم مقررات جديده غير اللي يدرسونها اللي قبلهم ؟؟

اكيد شي مكرر ومعاد لانها مواد او مناهج تتكرر لجميع الطلاب في كل التخصصات

مااذكر اذا كان كل سمستر له مواد جديده تختلف من سنه لسنه للمنتظمين

حالنا حالهم موادنا نفسها تتكرر لجميع المراحل مع بعض الاضافات او التعديلات البسيطه

[o_lg_ll]

هذي المواضيع سواء نقاش ايجابي او سلبي هذا الى تودينا في داهيه

مثل ماصار معنا في اختبارات هذا الفصل واغلب الدكاتره صارت تغير الاسئلة


والا يجيك طالب او طالبه ويرسل للدكتور انك تعيد الاسئلة وماتعرف تشرح الخ الخ من هذرة المبزره

الى يطالبون بمدرسات او دكتوره تدخل الانتساب ويصيرون البنات لحالهم ماني عارف ايش

نسو في المدارس الابتدائي والمتوسط والثانوي كيف كانو معقدينهم ومطلعين روحهم في الدراسه


ويوم درسهم دكتور رجال شافو الفرق بين الرجال والنساء في التعليم

يابوي الى فيه دفرة دراسه ومصطفى ودافور يروح يطس يدرس انتظام ويتفلسف هناك


على العموم الواحد يقول ان شاء الله يتخرج بسرعة ويتخلص من الفلاسفة خاصة الجدد الى كل مالهم يقدمون شكوى وهذره ماتخلص ...

[ابو تالاا]

المفروض المطالبين بتعليم عن بعد والمطالبين بالانتساب

تفصلهم الجامعه وتحلي الحليل الي ما يتكلم راضي ههههههه

[Dr.Lavender]

المشاركة الأصلية كتبت بواسطة لــوســي

حسب تجارب أغلب الأعضاء أنه التعليم عن بعد الى الآن ماحد يعترف فيه

فليش نخاطر ونطالب بتغيير المسمى بسمى اخر يعتبر جديد على اغلب الدوائر الحكوميه

ويعتبرونه أشبه بشراء الشهاده اونلاين

ومسمى انتساب حتى لو يظلم شهادتنا على قولتك لكن ينفعنا في التوظيف

وش فايدة شهاده بمسمى كشخه وماحد يعترف فيها أو على الأقل الى الآن

لأن مصيرهم في المستقبل يفهمون ويعترفون فيها

ليش غير معترف فيها ؟ يعني دراستك حالياً غير معترف فيها !؟

ودراستنا حالياً وش تسمينها ؟؟

انتساب او تعليم عن بعد ؟؟

[Abu.Mohammed]

لاحول الله

اذا بتطالبو بتغيير المسمى نبيه انتظام ،، واذا ماتقدرو عليها خليه نفس اللي سجلنا عليه انتساب وكان الله غفورا رحيما ..

Sent from my HTC One_M8 using Tapatalk

[Dr.Lavender]

المشاركة الأصلية كتبت بواسطة علم إجتماع

دام عن بعد مو معترف فيه خلونا على إنتساب أفضل

دراستك حالياً تعليم عن بعد