[ استفسار ] تهنئه + سؤال خاص ............

[faten.m]

السلام عليكم ورحمة الله وبركاته

كيفكم يالغالين بعد الاختبارات ,,, أن شاءالله مرتاحين ومبسوطين دوم

اول شي اهنيكم ع الاجازه ,, والاختبار الجميل

ثاني شي عندي سؤال خاص .. ياليت اللي يقدر يفيدني

بمستوى سابق >> الظاهر مستوى ثالث, حصل لي ظرف وماقدرت اختبر ولا اختبار لاني ماسددت ومادري انسدت نفسي عن الدراسه كلها .. فسحبت وما اعتذرت ولا شي .. وبجد وقتها ماكنت عارفه وش اسوي

بعد الاختبارات قلت بدخل اشوف الوضع ... الا مرسبيني في كل المواد
وبعد ما كان معدلي امتياز نزل للاسف
حاولت اتواصل مع الجامعه لاكن مافي اي تجاوب .. وكملت وسددت بس اللي مضايقني اني حريصه واتعب بالمذاكره وكل مره اخذ ممتاز فصلي وينزل تراكمي .. نفسي انجح بامتياز


وش رايكم في أمل يعتبرون هذاك المستوى اعتذار ومايحتسبونه بالمعدل ؟؟
اذا في أحد يعرف طريقه مضمونه للتواصل مع الجامعه ليت يعطيني خبر

وشكرا .. وبالتوفيق للجميع

[faten.m]

ولا رد :(

[الدانة.]

وعليكم السلام ورحمة الله وبركاته

شدي حيلك و راح يرتفع المعدل ان شاء الله

والله يوفقك وتتخرجين بالمعدل يلي تبيه

[faten.m]

المشاركة الأصلية كتبت بواسطة الدانة.

وعليكم السلام ورحمة الله وبركاته

شدي حيلك و راح يرتفع المعدل ان شاء الله

والله يوفقك وتتخرجين بالمعدل يلي تبيه

والله مادري يمديني اعدله والا لا
المستوى اللي راح اخذت فصلي 4,67 وصار تراكمي 3,9 يعني جيد
كل مره اشوف النتيجه احس تعبي يروح ع الفاضي .. باقي لي مستويين ونتيجة هذا المستوى

مشكوره حبيبتي ع المرور والرد

[faten.m]

[طموح شايب]

عطيني المواد اللي درستيها ودرجاتها حتى الآن
واحسب لك كم ممكن المعدل اللي تقدرين توصلين له اذا تخرجتي

[دلال البارقي]

اذا رسبوك بكل المواد وبسبب الرسوب تأثر معدلك انا برأيي تتصلين على الفريدان وتقولين له وضعك وانو حصل لك ظرف منعك من التسديد والاعتذار بالوقت المحدد
لانه حرام يضيع تعبك بسبب تافه مثل كذا والهبوط الصاروخي من 4,76
الى 3.9
حاولي لا تستسلمين

[faisal_11]

الله يوفقك ان شاء الله ويتعدل معدلك
بالنسبة لوضعك بما أنك ما حضرتي الاختبار ان شاء الله فيه مجال يحذفوا الرسوب. الموقف هذا حصل معاي في جامعة الملك سعود ورفعت فيه طلب وشرحت ظرفي وحذفوا الرسوب وحطوه اعتذار بشرطين
1- ما تكون حضرت الامتحان
2- لم تتجاوز الحد المسموح لحذف الترم
الي عليك تعمليه أنك ترفعي خطاب وتشرحي وضعك وان شاء الله بيجيك رد منهم

[faten.m]

الله يجزاكم خير يالغالين ماقصرتوا على الرد

دلال اذا عندك رقم للفريدان اقدر اتواصل معاه فيه اعطيني اياه لاهنتي

فيصل جميل كلامك عطاني أمل .. بس ليت تفيدني لمين ارفع الخطاب . ارسله بالاميل والا كيف ؟

شكرا ,,, ربي يوفقكم ويسعدكم

[سمو الرقي]

السلام عليكم ورحمة الله وبركاته
اختي الكريمة فاتن
انا ارائ انك تروحين للجامعة بالاحساء
وتشوفي وضعك وباذن الله تتيسر امورك
بالنسبة للرد على الموقع مااظن يكون الرد سريع
اسال الله لي ولك التيسير والتوفيق ولجميع احبتي من الاخوان والاخوات