[ اللغة الانجليزية ] : عندي كم سؤال عن تخصص الانجليزي قبل أتخصص . تفضلو لو سمحتم

[هاجس المطيري]

السلام عليكمم

مساكم الله بَ الخير ،

بغيت استفسر عن تخصص الانقلش ودلّوني على هالقسم

ابي اسال عن تخصص الانقلش

صعب ؟
يعني اللي مامعه خلفيه بالانجليزي يقدر يمشي ويتعلم ولا لازم يكون عنده خلفيه قبل يدخل
و وش المواد اللي تكون بالانقلش ..
يعني فيه رياضيات وكذا ..

و وش يعتمدون عليه .. على الفهم ولا الحفظ

واللي عنده معلومات تفيدني وماذكرتها ياليت يزوّدني فيها
والله يوفق الجميع ويعطيكم العافيه مقدما ..

[نقطة حمرة]

لا هو مو صعب بالعكس هذا التخصص وسط فيه موااد سهله مثل قرات ومطالعات وانشاء 1 و2 كذا يعني
وفيه مواد متوسطة الصعوبه مثل قواعد والمنظومة و لغويات

لا الانقلش ما فيه حسابات او رياضيات


ضروري يكون عندك خلفية عن الانقلش وخاصة القواعد والكلمات وبعض الاسماء والافعال والصفات والاحوال كذا يعني ولازم يكون عندك قدرة على تركيب جمل لو بسيطة وتتكلمين لو اشوي هذي راح تكون البدايه بس ما تجلسين هم يطورون لغتك انتي اجتهدي لان هذا القسم بالذات انتي تعطينهم قدراتك عكس الاقسام الثانية اللي فيها حفظ من الجلده الى الجلدة
فيه كذا وكذا يعني فيه مواد ضروري تحفظين مثل لغويات و بعضها ضروري تفهمين مثل الاستماع والتحدث

[هاجس المطيري]

نقطه حمره
الله يعطيك العافيه
كلامك مشّجع بـ صراحه
ورفع معنويات أخوك

طيب أبي أسال فيه مجال
أحوّل من إدارة اعمال عن بعد لـ أنجليزي إنتظام !
واذا اقدر وش المطلوب مني معدل او شيء ..
والله يعطيك العافيه مره ثانيه

+ واللي من الاخوان عنده معلومه يفيدني فيها مشكورا


: )

[نقطة حمرة]

الله يعافيك


والله ما ادري عن التحويل الصرااحه

بس ضروري يكون المعدل مرتفع يعني 4.5 او 3.50 يعني من 3 الى 4 يكون المعدل حتى تضمن التحويل والتخصص

[mesho93]

ماعندك خلفيه المفروض تدخل معهد بالعطله + مذاكره
اما إذا راح تعتمد على شرح الدكتور ماراح تمشي ,

[هاجس المطيري]

نقطه

ماقصرتي
و كفّيتي و وفّيتي

لاهنتي

[هاجس المطيري]

mesho93

الله يعطيك العافيه ..
وفكرت المعهد حبيتها

لكن بما انك متخصص إنقلش
وش رايك بـ صعوبة التخصص
يعني متشتت ؟
او متساهلين الدكاتره
ونسبة النجاح عندكم عاليه
ولا فيه رسوب كثير وإنسحابات .. الخ
وهل من سنه لـ سنه فيه تدرج بالصعوبه ولا يصدموننا بالدسم من اول المستويات
والله لايهينك

[Idc]

اذا كنت داخل القسم عن حب فيه فبتمشي فيه لانك حابه وتبي تدرسه والاهم يكون عندك خلفيه اقلها تابع افلام او مسلسلات واسمع الكلمات وكذا

[وقعت في مشكله]

انا تقريبا نفسك امشي حالي اعرف اقراء وافهم
الكتابه ماش يعني اللي عندي له هلفيه اعرف
واخر شي ما اعرف التكلم ابد فاشله ولا اعرف اركب جمل


في العطله ان شاء الله بروح معهد بس الى الان مارسيت على شي ابي احسن معهد
يخليني اتكلم بطلاقه واصير بلبل خلال ست اشهر هذا اقل شي
الى سنه ،بس


محتاره باس معهد اللي جرب يفيدنا وسوري رزيت سوالي هنا في موضوعك

[هاجس المطيري]

Idc

لاوالله ما احبه ولا جربت نفسي فيه ..
لكن دخلته لانه قسم مطلوب لا اكثر ..
يعطيك العافيه