سؤال/ هل للاداريات وقت مخصص للفطور مايستقبلون فيه مراجعين؟؟

[كحل العين]

السلااااااااام عليكم...
بقوووولكم اللي صار معي بااختصااااااار الاسبوع اللي فات كانت عندي مراجعه ضروريه لشؤون الطلبه والمراجعه كانت لقريبتي وابوها برا ينتظر اخلص له الورق مستعجل وانا يالله لقيت وقت بين محاضراتي عشان اخلص لها المراجعه رحت لشؤون الطلبه اللي برا وجلست اكثر من 10 دقايق ادق الباب ولايفتحووون والمشكله اني اسمع اصواتهم بس بعدين قلت يمكن يتهيا لي رحت لشؤون الطلبه اللي داخل قلت يمكن القى الاداريه عزيزه موجوده عندهم(اللي مراجعتي عندها) قالوا لي لا هم موجودين بالغرفه بس اكيد يفطروون قلت ممكن تدقين عليها تخلينها تفتح الباب لان المراجعه ضروريه وماتاخذ وقت وانا وراي محاضره ودقت عليها رجعت انا للشؤون الطلبه اللي برا والا فتحوا الباب وطلعت الاداريه شريفه وهي معصبه قالت لي انتي اللي تدقين الباب من اليوم قلت ايه انا عندي مراجعه ضروريه قالت لي بالحرف الواحد (وش قله الادب هذي يعني ماتدرين اننا نفطر ساعه تدقين الباب مافتحنا خلااص انتظري) ... وسكت مارديت عليها لاني عارفه بيضيع وقتي وروحه وجيه ع الوكيله وبتضيع المحاضره علي وبالنهايه اطلع انا الغلطاااااااااانه

[ماشي الحال]

قمة السذآجه بـ الادآريآت

عدم الاحترآم لنـآ ليش وش شآيفيننـآ !

الله يصبرنـآ ,

متششكره على الطرح خيتي

[كحل العين]

اي واللــــه الله يصبرنا واتمنى يلقووون حل للاداريات واسلوبهم معنا.. الوحده تكره عمرها اذا عندها مراااجعه

[إحساس مجروح]

طيب ليش تسكر الباب وقت الفطور مافيها شي لو استقبلت الطالبات هذي شغلتهم شؤون طالبات على ايش طيب انا اروح لقسمي ويكونون الاستاذات يفطرن عادي يستقبلنا بكل رحابة صدر واذا كان وقت فطور ليش وقت مقدس ماتستقبل فيه احد

[ملاك الزين]

حسبي الله ع ابليسهم ما اقوول الا الله يهديهم ويصبرنا على هذا الظلم الله صبرنا واكفنا شرهم يارب تجعل كيدهم في نحوورهم هم يغلطوون ويطلعوون الوااحد غلطاان

[رمزالاخاء]

لايابنات لاتحكمون على الناس من اول موقف لان الانسان قد يتعرض لضغط شغل والباب مايطول مقفل كم يعني صارله ساعة مثلا ؟اكيد بتفطر ولها وقت بريك هذا انتم تريدون الناس على مزاجكم والات تتحكمون فيها والله شهادة لله الاستاذة شريفة قمة في الاحترام وتخليص امورلبنات ودائما على خدمتهن والله اني حسدت الرياضيات عليها كثير يوم صارت من حظهم لان مااحد يعطينا وجه ...والله لااريد منها جزاء ولاشكر ولكن كلمة حق قلتها بحقها
الله يجزاها خير....اسالو عنها بنات الرياضيات وتعاملها الراقي معهم وخدمتها لهم حتى بالاعذار تخبرالبنات اللي يقبل واللي لايقبل حتى لايضيع مستقبلهم عكس الاقسام الثانية اخذو الاعذار من غير مايقولو لهم هل هو مقبول اولا وضاعت عليهم فرصة الاعادة كما اخبرتني صديقتي بقسمهم ولكن هناك ناس قد لاتستحق الاحترام مع احترامي لك ولااقصدك ولكن انا لا ازكيها لانها بشر مومعصومة من الخطأ .....
حفظها الله وانار دربها بالمسرات...

[TruthfulHeart]

الله يعينك اختي لازم تتحملينهم لان الطالب ما بيده شي يسويه..حركة تسكيرة الباب و يلطعون البنت برا صارت مع اختي ..والمفروض يغيرون وقت فطورهم هذا اذا كانو يفطرون.. لانهم يدرون ان الطالبه مو كل شوي تقدر تطلع,,البريك فرصتها الوحيده,,ولازم يكونون متفرغين تماما بالاوقات هذي..عشان ما تتعطل امور البنت و مايروح عليهم فطورهم ..صراحه هذي سوء اداره منهم لان الموقف ذا دااااااااااااااايم يصير

[الــرمادية]

واللة مثل ماقالت كحل العين الواحد يكرة عمرة إذا اة مراجعة

وانا مجربة لين قايلة بس


واللة أحــيانا أشك إن الأداريان ينعطــون رواتب شكلهم يشتغلون ببلاش عشان كذا مايعطونا وجـة

لـــووووووول


وصدقيني مثل ماتعذبتي عند الباب واقفة هي بيجيها يوووم وتحتاج اوراق إما بمستشفى او إدارة أو أي مكااان ثاني وبتشوف اللي شفتية بس مضااااعف


طبعا اللة سبحانة و تعالى مايضيع حق احــد وكما تدين تــداااان