استفسار ل ابو احمد

[msb2012]

انا بعد ما نقبلت في الجامعه

وديت ملفي وفيه الشهاده الاصليه وحسن السيره والسلوك
والورقه اللي نطبعها مع التسجيل والاحوال00الخ

المهم عطوني ورقه كتبت فيها اسمي والكليه ومن هالكلام

وورقه اوقع فيها 5توقيعات تقريبا

بعدين عطوني ورقة الكشف الصحي وكشفت وعطيتهم الورقه
وقلتلهم تبون شئ؟

قالولي:خلاص تمام

يعني اخوي بو احمد مافي شئ ناقص بعد الكشف وكذا
مافي شئ يعطوني

اياه

ناس تقول لازم يعطونك ؤقم اكاديمي او بطاقة قبول وغيره

ياليت توضح

وشكرا

[بـــو أحــمــد]

msb2012

لو تشوف صورة الكشف الطبي ألي عطوك ... فيها رقمك الجامعي
و بخصوص البطاقة الجامعية ..
في البداية رايح يعطونك ورقة بشكل مؤقت
و تحل محل البطاقة الجامعية عشان تمشي أمورك

و بعد شهر تقريباً رايح تجهز البطاقة .. و يمكن أقل من شهر
بس بيكون في الورقة الي بيعطونك موعد عشان تراجعهم و تستلم البطاقة

أول يوم الي هو السبت 26/8/1428هـ
بيكون فيه لقاء تعريفي بطلاب الجامعة ... في الصالة الرياضية
و إذا رحت هناك .. رايح يعطونك منشورات بخصوص كليتك و نظامها و كل شي يخص الجامعة


و قبل بداية الدراسة بأسبوع يعني يوم السبت 19/8/1428هـ
بيبدأ تسجيل المواد عن طريق نظام البنر .. و لا تقلق بهذا الخصوص
كل شي بيكون واضح و مشروح على موقع الجامعة

[msb2012]

مشكور بو احمد

وما تقصر

[msb2012]

اخوي بو احمد
عندي اسئله:

1-اللقاء التعريفي هل راح يكون طلاب كل الكليات الجدد مع بعض
ام كل كليه راح يكون لها ححفل بلحالها

2-بالنسبه لكلية الحاسب هل الدراسه كلها راح تكون في الكليه
ام هناك محاضرات في الفصول الدراسيه؟

3-ماهي الكليات اللي يدرسون في الفصول الددراسيه؟

4-انا شفت كافيتيريا في الفصول الدراسيه هل يوجد غيرها في الجامعه؟

اتمنى ما اكون ثقلت عليك

[بـــو أحــمــد]

msb2012

1-اللقاء التعريفي هل راح يكون طلاب كل الكليات الجدد مع بعض
ام كل كليه راح يكون لها ححفل بلحالها

لكل الكليات في الحسا .. و رايح تكون الصالة الرياضية مقسمة و كل كلية رايح يكون لها مكان محدد ..

2-بالنسبه لكلية الحاسب هل الدراسه كلها راح تكون في الكليه
ام هناك محاضرات في الفصول الدراسيه؟

أكيد رايح تكون الدراسة كلها في الكلية .. لأن لها مبنى خاص بها
أما الفصول الدراسية .. ممكن تكون فيه محاضرات لكم
على حسب .. و لا تقلق بهذا الخصوص
أكيد رايح تعلن لكم كليتكم و دكاترتكم كل شي ..

3-ماهي الكليات اللي يدرسون في الفصول الددراسيه؟

في الغالب طلاب كلية العلوم الزراعية و الأغذية
و فيه قاعات محددة لطلاب كلية الطب بالأحساء ..
لأن أول سنة هي سنة تحضيرية يدرسون فيها المواد العلمية ( كيمياء - فيزياء - أحياء ) و اللغة الإنجليزية بشكل مكثف ..
و لا بد يآخذون في أول سنة معدل 3 من 5 عشان يروحون لسنة ثانية
و ألي يدرسونهم دكاترة من كلية العلوم

4-انا شفت كافيتيريا في الفصول الدراسيه هل يوجد غيرها في الجامعه؟

كل مكان تروحه في الجامعة .. رايح تشوف كفتيريا
و لا تنسى .. فيه مطعم كبير .. تشوفه مقابل لمبنى عمادة القبول و التسجيل

[msb2012]

مشكووووور اخوي

بس ممكن اذا ماعليك امر تعطينا صور لكلية الحاسب من الداخل

وبعض المعلومات عنها مثل القاعات وغيرها

يعني لازم التهيئه النفسيه

وبعدين شسالفة الجامعه ويا الصافي دانون00؟؟؟:003: :003:

[بـــو أحــمــد]

msb2012
العفو أخوي ..

اممممممممم:mh19:
للأسف ما عندي صور لكلية علوم الحاسب و تقنية المعلومات
بس ما عندي مشكلة لو حبيت أروح معاك الجامعة و أعلمك على كل شي
و أخليك تدل الكلية :003:

وبعدين شسالفة الجامعه ويا الصافي دانون00؟؟؟

هههه:003: .. الظاهر هذا أتفاق بين الجامعة و بين الصافي :s17:

[msb2012]

طيب اخوي بو احمد

انا سمعت ان احنا راح نحضر اللقاء التعريفي يوم 26
وبعدها ماراح نجيي للجامعه الا يوم 3 رمضان(السبت اللي بعده)

عشان تبدأ الدراسه الكلام صحيح؟

[بـــو أحــمــد]

msb2012
بخصوص الدراسة في الأسبوع الأول ..
الكليات الصحية بعضها تبدأ من أول يوم .. و فيه كليات من ثاني يوم


أما الكليات غير الصحية .. كانوا يبدأون الدراسة من يوم الثلاثاء - الأسبوع الأأول

أتمنى أنك تتواصل مع الدكاترة أو إدارة الكلية بخصوص هذا الشي
و رايح يعطونك الجواب الشافي