قصة الكويتي والسعودي

[حـــــــور]

السعودي والكويتي....~


السعودي والكويتي... تعالوا هنا وشوفوا... بسرعة القصة ... خطيرة




كان فيه سعودي و كويتي زملاء يدرسون في بريطانيا


وبعد انتهاء فترة الدراسه قرروا يرجعون لاهلهم


فقال الكويتي للسعودي :::


قبل ما تروح للسعوديه تعال معي للكويت و بعدها رح للسعوديه فوافق السعودي وهم في الطيارة رايحين للكويت دق اخوالكويتي من الكويت وقال لاخوه ان جدتي توفت




فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدره ولا احرجه نصلي على الجنازة وكنها لاحد من جماعتنا



لما وصلوا


صلوا على الجنازة وقعد السعودي له مدة في الكويت اعجب ببنت جيران الكويتي و قال لزميله اني ودي اتزوجها


فرح الكويتي وقال انا مستعد اخطبها لك و فعلا خطبها له وخبرالسعودي اهله وسووا الزواج ورجع السعودي لديرته


وبعد مدة طويله كبرة تجارة السعودي وطلع تاجر وغني


والكويتي خسر كل امواله وتجارته فقال مالي الا اروح لصديقي السعودي اكيد بيساعدني


وفعلا راح للسعوديه وهو منتظر شوفه زميله بفارغ الصبر لما سأل عنه ووصل لبيته صار مو بيت صار ساكن في قصر وتاجر وكان الوقت متاخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا




وبعد مارجع البواب عطى الكويتي شيء من عشى السعودي


تخيلوا


---------------




فضاق صدر الكويتي


وقال هذا جزاء الصداقه المهم


وهو راجع برجليه في الطريق!
لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ الكويتي
انه هو اللي جاهم الاول واخذ المليون وتاجر بها في السعوديه وقبل ما يرجع للكويت لقى عجوز معاها بنت وقالت له


العجوز ابي اخلي البنت عندك واروح احج اذا مارجعت تزوجها وخلها عندك


لما طولت العجوز عقب الحج اتزوجها وسوا حفله الزواج بالكويت وفي اثناء الزواج وكان من ضمن المدعوين زميله السعودي


لما شافه الكويتي غضب وقال للحضور اطردوه هذا خاين العشرة والصداقه
تخيلوا انه لما جا معي للكويت


وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضله عشاااااه


---------------


تدرون وش قال السعودي....؟! ؟؟؟








قال اسمعوا واحكموا علي ......
انا يوم جاني الكويتي وهو محتاج ماحبيت اشوفه على حالته هذي عقب ماكان تاجر وكبير اشوفه صغيرومحتاج واتفضل عليه بشي من عندي عشان كذا عطيته فضله عشاي


وبالنسبه للتاجرين اللي متراهنين على مليون هذولي اخواني انا مروحهم له عشان يفكون ضيقته



اما با النسبه للعجوز اللي معاها البنت فهاذي امي والبنت هذي طبعا اختي


وش رايك ما احضر زواج اختي؟

[المندوب السامي]

لايموت الوفاء من اهل الوفاء

بارك الله فيك

[حـــــــور]

تسلم اخوي اسعدني مروركـ
الرائع

[مـعـزﯙفـه آلـحَنيـن]

قصه روعه ومؤثره ,,
يعطيك العافيه ,,

[مهند العتيبي]

قصه رائعه الله يعطيك العافيه <ياني حقدت على السعودي بس اكتشفت الحقيقه

[حـــــــور]

الاروع مروركم ياالغوالي
هههههههه انا حاقده قبلك

اسعدني مرورك

[بنت الشمري]

يعطيك العافيه

قصه معبره

وينك ياالبطه غايبه ؟؟؟؟؟

[حـــــــور]

وه فديتك وحشتيني ياقمر
انا ماادخل كثير هون
دايم بجامعه حائل