بالـنسبة لمدرسين و دكآترة هنسة القوى الكهربـآئية elet , و غيرها من التخصصات

[steve roman]

السلام عـليكم و رحمة الله و بركاته
بدون ما اطول عليكم

انا طالب في الكلية خلصـت اول سمستر لي تخصص هندسة كهربائية و لله الحمد
و مثل ماتعرفون الاربعاء راح ينزل المعدل و الجدول مع اسماء الدكاترة والمدرسين لكل مادة
فـ أنا حآاب اسوي تجمع في هل موضوع لطلاب الهندسة الكهربائية و غيرها من التخصصات بحيث نستفيد من الطلاب الي اخذوا المادة و يعرفون عن المدرسين الكويس ولا مو كويس كوزاته صعبة ولا سهلة
و يفيدونا انشالله و انا بدوري موجود ايضا لارد على جميع استفسارات الطلاب المقبلين على اول سمستر هندسة كهربائية او اي مادة جينيرال اخذتها هالسمستر بخصوص المادة او المدرسين مثل English 3 calculus 1, safety , physics ,

عطونا رايكم بالموضوع و شرفونا بمروركم و لو برد بسيط

[MN !]

الكالكولس روح عند الطحاينه ،، صح انه نفسيه بس يدف درجات وقبل الاختبار يسوي مراجعه وتجي الاسئلة نفس المراجعه
الانقلش يقولون شون يت كويس
فزكس ، ثيوري روح عند ازاد

[silver NEO]

فكرة حلوة أكيد لكن تحتاج تتابع القسم من فترة لفترة .. خاصة الفترة الجاية وقت الجداول

وإنا في الخدمة لو احد عنده أي استفسار عن مواد او مدرسين تخصص الالآت الدقيقة ..


بالنسبة لي اشوف ترتيب المدرسين في الفيزياء والكيمياء والكالكولست من الأفضل الى الأسوأ كالتالي :

( الترتيب حسب سمعة المدرس بين الطلاب + تجارب شخصية + ما اعرف كل المدرسين ! )



كالكولست

الأفضل :
راو
قمر خان
أحمد خان
صالح الحميدي
الطحاينة
عبدالعزيز الحميدي

الأسوأ :
حسين خان
كمال
محمد عبدالكريم ( ماما كريم ) -----← انحاااااشوا منه يا عيال الا في حال كنت تحب تجرب الجحيم في المادة هذي ( تجربة شخصية الله لا يعيدها )




درسني :

صالح الحميدي

إنسان كبير بأخلاقه وطريقة شرحهه يفهمك غصب ويزعل إذا ما فهم طالب واحد الدرس ويشيل همك .. كانت المادة عنده ممتعة لانه خلاني اكسر حاجر العقدة اللي كانت عندي من الرياضيات وتحديت نفسي والحمد لله طلعت بجريد حلو

الكوزات : متوسطة تميل للسهولة وبعد كل كوز تزيد درجة الصعوبة + يساعد في الكوزات ..

يعطيك اسألة ويقول تدرب عليها في البيت .. وفي الكوز تجيك نفس الأسألة !!


فيزياء

ما اذكر كل المدرسين للاسف . لكن حسب خبرتي

حازم -----← نظري

الكلاس هدوء لان المدرسس يشدد على إنعدام السوالف في الكلاس
مدرس يعرف يشرح ويفهم + يراجع كل حصة اي اخذت في الحصة اللي قبلها وهذا شيء ساعدني بشكل كبير
الكوزات سهلة وتقرييا كلها مباشرة

آزاد -----← عملي

شرح حلو ولكن اتوقع ان في الأفضل لكن المهم انك تفهم .. ما يدف كثير في الريبورتات لكن احسن من غيره

خان -----← عملي

معاناة في الفهم معاه وازاد احسن منه شرح لكن يدف في الريبورتات لكن وضعه تمام


كيمياء

تيجاني -----← نظري ( وهل يخفى القمر ؟ )

يالبى قلبه مدرس ما شاء الله صوته يهز الكلاس اتحداك تنام او تسرح معاه .. افضل مدرس بلا منازع

شريح درجة أولى .. الكوزات تجي من الواجبات بس تتغير الأرقام والمعادلات

قيصر باشا -----← عملي

يعرف يشرح .. بس يطول الحصة وهي قصيرة .. انسى تخلص قبل ساعة .. يخلنا نحل الكوز مع بعض

وضعه تمام في الريبورتات من ناحية الدف ويسولف وينكت ..

...

في مدرسين كثير غير اللي ذكرتهم .

هذي شوية معلومات للفايدة ..

لي رجعة إن شاء الله لو كان في استفسارات


بالتوفيق

[خرّيج الجبيل]

^

الاخ سيلفر كفّا و وفّا

من وجهة نظري:

كالكولاس ===> أخذتها عند انور حبيب .. يفهمك الكاكولاس مضبوط .. صح انه شديد شوي من ناحية التعامل ودائما يختار طلاب بشكل عشوائي ويطلب منهم يحلون بعض المسائل واللي يجاوب غلط يفصل عليه .. بس بصراحه شدته كانت سبب في متابعتنا له في الكلاس ، لان اللي يطلع جواله او يفهي معه يغسل شراعه ، لذلك تطلع من الكلاس وانت فاهم كل شي معه ... طبعا الطالب المبزوط ما راح يمدح لك هذا المدرس ابداً .

بالنسبة لافضل المدرسين للكالكولاس بالترتيب : أحمد خان ، راو ، صالح الحميدي ، قمر خان ، الطحاينه ، انور حبيب. وأبعد عند عبدالكريم وكمال

..

فيزيكس :

النظري : اخذتها عند حازم ، وزي ما قال سلفر ممتاز بالشرح ، لكن اسلوبه في التعامل يرفع الضغط ويفقع المراره .. حسيت انه يعامل الطلاب زي الجهال او الصغار .. بس على كل حال هو من النوع اللي يشرح ويحلل المحاضرة كامله وما يحب ياخذ ويعطي مع الطلاب.

العملي : اخذتها عند خان الباكستاني ، لا بأس فيه يمشي الحال بس فيه ناس احسن منه بكثير

بالنسبه لافضل المدرسين نظري بالترتيب: شبارو ، الاسدي ، حازم قاسم ، ازاد ... العملي: الاسدي ، شبارو ، العلوي ، ازاد ، خان

..

انقلش 3 : اخذتها مع سجاد احمد الباكستاني .. أكثر مدرس يدف درجات وما يدقق بالتصحيح واسلوبه وتعامله حلو مع الطلاب

بالنسبه للمدرسين فاكثرهم ممتازين مثل سجاد و توم مايكل الامريكي وشون يات البريطاني المسلم .

..

سيفتي : ماده حفظ في حفظ ، لازم تحفظ اول باول عشان ما تتوهق بالميدتيرم والفاينل .. انا اشوف ان المدرس ما يفرق في هذه الماده.
أنا اخذتها عند ابو طوف الاردني ، بصراحه شرحه جدا ممتاز ويفهمك صح ، طلعت من عنده بـ a

بالنسبه للمدرسين اللي اعرف انهم ممتازين عندك هيثم و حمدان وابو طوق .. وزي ماقلت لك المدرس مايفرق بهالماده كثير.

..

كيمستري: كنت موفق بالمدرسين في هذه الماده .. النظري اخذته مع محمد شريف العراقي شرحه جدا جدا ممتاز .. والعملي عند عبدالرشيد السيرلانكي المطوع، محترم جدا جدا وشرحه رايق وحبوب

بالنسبه للمدرسين : النظري ماتفرق عند محمد شريف او التيجاني كلهم ابطال .. العملي عبدالرشيد أو جلال وبعدهم تيجاني ، وانتبه تاخذ محمد شريف عملي لانه يدقق بزياده في العملي من ناحية الدرجات.

أهم شي تبعد عن واحد سوداني اسمه ابشر .. انحش منه سواء نظري او عملي لانه جدا سيء

..

ملاحظه : المدرسين احتمال يتغيرون كل فتره اما بسبب استقاله البعض او حضور مدرسين جدد الى الكليه .. يمكن يكون فيه مدرسين جدد افضل من اللي ذكرتهم انا بس اني ما اعرفهم.


عالعموم هذا اللي عندي ، واي استفسار انا حاضر .. ولاتنسى اخوك من صالح الدعاء

[MN !]

اخوي سلفر عندي كم استفسار على بعض المدرسين والشغلات في الانسترومنت وياليت تتواصل معي عن طريق الواتسب ٠٥٦٣٣٧٩٩٧٧

[ali3010613]

موضوع حلو و انا كخريج راح اقول لكم منو المدرسين الي راح يرفعون ضغطكم في قسم الهندسة الكهربائيه
اولا: شعبان و هذا انسان طيب اخلاقيا مدرس للاليكتريكال مشين 1، 2 و ترانزمشن اند دستريبيوشن و لكن ما راح تشم منه ريحة الدرجات الزينه و يدقق في كل شي سواء بالغيابات بالاخطاء الموجوده بالتقارير و ربي لو انك تنسى رقم ما راح يتغاضى عنك يعني لازم تمشي على الفورم الي يعطيك اياه بالضبط

ثانيا: ابراهيم صالح مدرس للالكتريكال ماشين 1، 2 و انا شخصيا ما افهم شرحه مطلقا و صاحب تحرشات بالكلاس يدور المفهي عشان يحرجه بسؤال

ثالثا: شوقي المرزوق و هو انسان متناقض في شرحه و في الاختبار راح يجيب اساسأله ما تدخل مع الي شرحه نصيحه ابعدو عنه

رابعا: مهند الزرع و هو مدرس مفهي بارد شرحه ما ينفهم و لكن ما يقصر بالدرجات

فيه مواد تقدر تختار الدكاتره و فيه مواد للاسف ما تقدر لانه يكون لها دكتور واحد فقط و اسأل الله ان يعين الجميع