ما اهمية اختبار تحدد المستوى + ( مشاوره )

[حلم بدا ينضج]

السلام عليكم ورحمة الله وبركاته

اخباركم ؟

على العموم ابي ادخل بزبدة الكلام

اشوف فيه اختبار يسمى تحدد المستوى

وش اهمية هذا الاختبار

و بالنسبه للدراسه بصناعيه صعبه ولا عاديه

له مستقبل ولا لا

مستقبلها بالسلك الخاص او الحكومي

و الشي الثاني ابي مشورتكم

ادخل ولا لا

راسي ما فيه صناعه :103:
ولا عندي ميول له

كان طموحي الطب و لكن ما انقبلت :no2:

علما بان نسبتي 92 بالثانويه
و القدرات 78

و التحصيلي 71

وش رايكم ادخل على بركة الله

ولا انتظر الترم الثاني او السنه الجديده

ادري اني زودته :011:

[//AMAZING//]

وعليكم السلام ورحمة الله وبركاته

- اختبار تحديد المستوى هذا يحدد مستواك في الإنجليزي بس لافيه سقوط ولا نجوح ولا له علاقه بالقبول

- صراحة مستقبل الصناعية قوي جداً يعني الشركات يثقون في الكلية بشكل كبير وفي مخرجاتها


اخوي انا ماأنصحك تضيع سنة كاملة على الفاضي
وبالنسبة للطب اذا كان صح ميولك وقدراتك تناسب تخصص الطب رح لها التخصص والله يستر عليك حتى لو ماانقبلت في السعودية وكان عندك طموح راح تدبر نفسك لو تدرس في السودان ولا كشمير ماعندك مشكلة ...

اهم شيء تتعرف على نفسك وش انت تحب وش تتقن وين انت متميز فيه
وتروح للتخصص اللي يناسبك في اي جامعة او كلية وتكون قوية ولو تدرس السنة التحضيرية في الجبيل يكون
احسن لك اقل شيء تستفيد من الإنجليزي والرياضيات ويكون عندك مهلة تفكر في انك تنقل لجامعة او
حتى لو تروح بعثة او غيرها
هذا اللي قدرت عليه اخوي وإنشاءالله الأخوان يفيدونك

ونصيييييييييييييييحة لا تضيع على عمرك سنة كاملة !!!!

[حلم بدا ينضج]

الله يعطيك العافيه

احسن لك اقل شيء تستفيد من الإنجليزي والرياضيات ويكون عندك مهلة تفكر في انك تنقل لجامعة او
حتى لو تروح بعثة او غيرها

كيف طافتني هالفكره !!
مشكور اخوي و الله يسهل طريقك

[maro]

شوف يا غالي
انا بالثنوي 89 قدرات 83 تحصيلي 80 كويس
ما قبلوني ولا جامعة بالتخصصات الصحية عشان ما جبت 90 :) طيب
البترول ما قدمت اساسا عساس انا باكون طبيب اسنان بالذن الله بس لمن قدمت عالكليات الصية بالجامعات كلهم يبون 90 ثنوي والبعثات بعد رفضوني فدخلت الصناعية بالجبيل وان شاء الله بادرس ميكانيكا باخذ دبلوم وان شاء الله باكمل البكلوريوس هذا الي صارلي يعني شوف درجاتي وما اخذوني بالكليات الصحية
انت درجاتك اقل فما اتوقع تخش عالسنة الجاية او الترم الثاني ((ما اقصد شماته بس عشان اوضحلك ))
انصحك توكل وخش الجبيل وبراسك البكلريوس لانك مشاء الله درجاتك افضل من غيرك بكثير

اما تحديد المستوى جيب العيد وانت فاهم(( زيي)) عشان تدرس من البداية وانت مقبول مقبول ان شاء الله

[حلم بدا ينضج]

انا بالثنوي 89 قدرات 83 تحصيلي 80 كويس

اجل كم يبون ؟

انا باكون طبيب اسنان

الظاهر اني اتشابه جدا مع ظروفك
حتى انا كنت ابي طب الاسنان

انت درجاتك اقل فما اتوقع تخش عالسنة الجاية او الترم الثاني ((ما اقصد شماته بس عشان اوضحلك ))

ما عليك وصلت الرساله

اما تحديد المستوى جيب العيد وانت فاهم(( زيي)) عشان تدرس من البداية وانت مقبول مقبول ان شاء الله

الظاهر هذا اللي ابي اسويه

[maro]

المشاركة الأصلية كتبت بواسطة حلم بدا ينضج

اجل كم يبون ؟


الظاهر اني اتشابه جدا مع ظروفك
حتى انا كنت ابي طب الاسنان


ما عليك وصلت الرساله



الظاهر هذا اللي ابي اسويه

جامعة الدمام بكلية الطب كانو يبون النسبة الموزونة 92 يمكن والتمريض للبنات وصلت 95 تقريبا

على العمو الله يوفقك ويارب نتقابل :)

[حلم بدا ينضج]

و الله شي يشرفني
لك اجمل تحيه

[*.*أبو عوف*.*]

اخواني اداري منتظم..وش معناه(وش التخصصات اللي تندرج تحته..)

وفق الله الجميع

[hashim]

اسمعني يا اخوي

انت اولاً من وين..؟
ادا من الشرقية فقدم ع المنح الداخلية وادخل كلية صحية اهلية او وحده من الكليات الصحية الحكومية
كلية الأمير سلطان العسكرية للعلوم الصحية بالظهران, كلية سعد الأهلية للتمريض و العلوم الصحية, كلية التمريض بالأحساء, كلية محمد المانع للعلوم الطبية و معهد المانع الصحي بالخبر


وفيه عندكـ جامعات وكليات واااجد في المملكة بالتاكيد راح تقبلكـ وحده منهم ادخل الرابط وشوف الجامعة اللي تناسبكـ وقدم فيها

http://ar.wikipedia.org/wiki/%D9%88%...AF%D9%8A%D8%A9

وهدي الكليات (معظمها صحية)
http://www.mohe.gov.sa/ar/studyinsid.../Colleges.aspx

غير جامعات البحرين اللي ادا فلحت فيها راح تضمكـ الملحقيه للبعثة وترجع لكـ كل فلوسكـ اللي صرفتها

[حلم بدا ينضج]

المشاركة الأصلية كتبت بواسطة *.*أبو عوف*.*

اخواني اداري منتظم..وش معناه(وش التخصصات اللي تندرج تحته..)

وفق الله الجميع

صحيح ان مكان الاستفسار خطا

بس طبعا انت عارف ان التقني احسن من الاداري

الاداري ادارة مكاتب

هذا اللي اعرفه