[ اسئلة اختبارات ] : رفع شكوى لمادة نظرية الترجمة 1437 هـ

[آلشامخ]

السلام عليكم ورحمة الله وبركاته

أخواني , أخواتي

الكل منا عانى من اختبار مادة نظرية الترجمة للدكتور أحمد حليمة لذا انا اقولكم كأخ الأصغر ان نرفع شكوى للتظلمات ان حالياً توني رافع شكوى لأني انا مليت الصراحة وازيدكم من شعر بيت ان قد حملتها مرتين وانا متاكد والله اني بحملها المرة الثالثة المادة هاذي هي اللي طيحت المعدل الدكتور متعمد في تعقيد الاسئله وافيدكم تراه اردني ومتجنس جنسية بريطانية . فاللي ابغاه منكم ان ترفعون شكوى عشان الجامعة تلفت الانتباه الكثير وده يتصرف بس ما هو عارف الطريقة الله الاولى اللي تتخذونها تخشون على الخدمة الطلابية ثم خدمة شؤون الاختبار ثم تلقي ملاحظة الطلبة حول الاختبار لازم الكل يتفاعل بهذا الموضوع لأني انا اخبر اخوياي رفعوا تظلم سمستر الماضي بس ما علموني اللي بعد ما طلعت نتايج والله يسهل الامور فقلت اخبركم من بدري قول الرسول عليه الصلاة والسلام ( حب لأخيك ما تحب لنفسك ) والله يسهل الامور وينجحونا بهاذي المادة ونخلص منها .

[seema**]

طيب شنكتب ؟

[izooz]

ليه حرام صراحه اختباره كان مره مكرر وسهل حتى الاسئله الجديده كانت واضحه انا ابد مو ضامنه اني اخذ درجه كامله بس الحق ينقال الاختبار مره كان بسيط

[Noway]

وش بتشتكي عليه الاسئله كانت واضحه للي مذاكر
للامانه الدكتور متساهل وكرر اسئلة الاعوام السابقه لو انك مذاكر تعديها بالراحه
وبعدين ماادري وش المقصد من قولك انه اردني ومتجنس بريطاني حنا بينه وبينه المقرر الله يهديك

[rose2014]

انا واحده مستوى ثامن وحملت الماده في مستوى خامس والحين يوم اجتهدت حليت فيها الحمدلله واسئلته واضحه وسهله مافيها تعقيد زي بقية الاترام اللي راحت
والحق يقاااااال الدكتور بصراحه ماقصر وكان متساهل معانا واللي مافتح الماد يقول انها صعبه

[Reem505]

انا بعد قد حملت هالماده بعدين صرت انتبه من حليمه واذاكر زين والحين كل مواده الي مرت علي هالسمستر جميله الاسئله مدري هو تغير ولا انا صرت دافوره الله يعينكم وان شالله الكل يعديها

[صبرجميل]

نرفع تظلم ليه بالعكس الاختبار مره جميل ع كثر الي خوفونا منه الحمدلله حلينا وامورنا ماشية تمام بس بعض الناس اذا حطت براسها انو هذا الشي صعب مستحيل تعديه ركز في النجاح وتنجح

[Sahar1985]

صراحه مشكلتك مادرست الاسئلة حلوه وبالعكس كانت اسه من الكمية المتوجده بالمقرر الاسئله سهله هاذي غلطة الي يدرس فقط اسئله بياكلها يعني احنا داخلين جامعه عشان نستفيد ونتعلم مو ناخذ شهادة فقط

[الطموح القادم]

الله يوفق الدكتور أحمد حليمة كانت أسئلته جداً واضحة وبسيطة ومافيها اي نوع من التعقيد الله يبارك له يارب ويسعده وسوف نسأل عن هذا الاختبار في يوم الحساب وهذا قول الحق الذي في أرقابنا والله يجزاه خير بارب الدكتور خير الجزاء