[ كلية الطب ] : استفسارات حول دراسة الطب في جامعة الملك فيصل

[Malmousa]

السلام عليكم روحمة الله وبركاته .
أهلا وسهلا ، عندي استفسارات تتعلق بطبيعة الدراسة في جامعة الملك فيصل .

أنا الآن عندي خيارين ابتعاث أو جامعة الملك فيصل

مشكلتي لغتي الانجليزية ضعيفة، فهل هذي تسبب لي إعاقة ومانع من دخول الجامعة

وهل الاعتماد على اللغة في الجامعة كلي ، و أتمنى تفصلوا لي في هذا الأمر

وكيف جو الدراسة وضغوطها وصعوبتها

[Aishah Sa]

عليكم السلام ورحمة الله وبركاته
قبل كل شي محد يقدر ينصحك ايهم افضل لك الابتعاث او الجامعة الاستخارة افضل شي ...بس برأيي ان اذا الانسان من النوع مايتحمل يبعد عن اهله مو كويس ان يختار الابتعاث اما اذا هو يشوف اذا ابتعد راح يذاكر اكثر فهو يحسبها ع حسب وضعه
طبعا مو كل التخصصات بالجامعة تحتاج لغة الا السنه التحضيرية بكل تخصصاتها اللي هي (الطب البشري ..البيطري للطلاب فقط.. الهندسة لطلاب ..العلوم الطبية بس فيها تمريض... علوم الحاسب وادارة الاعمال...الصيدلة الاكلينيكيه...الهندسة الطبية...الحقوق) واما الطب شي حلو ان الانسان يكون مستعد ومحضر نفسه ويحاول يحسن من لغته قبل السنه التحضيرية ولو رجع فيني الزمن بقوي لغتي قبل التحضيري.. بس هذا مو معناه ان اللغه هي الكل بالكل بمعنى انا دخلت الطب بدون ما استعد ولا درست شي و ما كانت لغتي قوية مع ذلك مشيت بس الموضوع يحتاج الى جد ومذاكرة يومية بالذات ان الانجليزي عليه 5 ساعات من كل ربع يعني لو المواد الثانية تمشي ع الحفة والانجليزي درجة عالية راح تعدي السنه التحضيرية اللي لازم تجيب 3.5 من 5 بالمعدل ولا تحط في بالك انك تعدي وبس لا حط في بالك انك تجيب تفوق لان غالبا اللي يفكرون بالنجاح بس ماراح ينجحون... وطبعا كل جامعة فيها ضغوطات وصعوبة بس ممكن تخف الضغوطات اذا رتبت وقتك وحطيت جدول للمذاكرة ومايمنع ترفه عن نفسك وتكافأها ...عن نفسي فكرت اكثر من مرة اني احول عن الطب لضغوطاتها بس تأكد ان كل طالب وطالبة فكر بهالشي بالطب بس اذا انت داخل الطب برغبة صدقني بتتحمل ولما تشوف النتيجة اللي كنت تبيها راح تنسى التعب ع العلم ان اول مادخلنا الجامعة درجاتنا نازلة وتحطمنا بس هذا طبيعي وبعدين ع ماتاخذ ع الدراسة والوضع راح ترتفع درجاتك وتوصل للي تبيه ....عذرا عالاطالة ماادري اذا جاوبت ع سؤالك بس لان سؤالك عام جدا ياريت تحدد شنو الاسئلة اللي تبي الاجابة بالضبط واذا قدرت بجاوب عليها

[Malmousa]

يعطيك العافية ... أنا كنت أجعل اللغة مانع لي من الدراسة بالسعودية

وبعد المشاورة وجدت أن الأمر طبيعي ومع ضغط الدراسة تجيني اللغة و ...

[fatma_tth]

الله يعطيك العافية، بالتوفيق للجميع

[Mohamme]

اللغه معتمده اعتماد كلي للتخصصات الصحيه ، طبعا الجامعه تعطي اول سنه انجليزي

دراسه الطب يبي لها اهتمام كلي وتفرغ لها ،


اذا انتي من النوع الي تعتمدي ع نفسك وتدبري نفسك برا من اكل واغراض ودراسه وبعد عن الاهل ( ترا مو سهل اذا اول مره بتروحين لحالك م انصحك لعده اسباب )

اما اذا كانت رغبتك طب وتحسي نفسك انك حتصيري دكتوره طبعا بغض بعيدا عن الوقت اليومي للمذاكره ( مو صعب بس يبي لها اهتمام يومي عشان ماتنسين )


بالتوفيق بكل الحالتين ولاتنسين استخيري وشوفي وش مرتاحه له