س/فيه كلية هندسه للبنات بالاحساء ولا لا؟طمنوني الله يجز أكم خير

[طمووحهه]

السلام عليكم ورحمة الله وبركاته ،،،،،حبيت اسأل سؤال اذا سمحتوا ،الحين فيه كلية هندسه للبنات في الأحساء يعني في جامعة الملك فيصل ولا لا ؟؟؟؟؟؟؟؟لآني يوم كنت أسجل كان يطلع لي من ضمن الاختيارات كلية الهندسه فسجلت فيها والحين نزلوا جداول وما نزلوا للبنات كاتبين كلية الهندسه بالاحساء وحاطين جدول للطلاب فقط ؟؟؟هل لان السنه التحضيرية ما يحتاج لها او ايش بالضبط طمنوني الله يطمنكم ....وسؤال ثاني انا قبلوني ففي كلية الحاسب بعدين رقوني الى الرغبه الثانيه اللي هي هندسه وانا ما ابيهم يروقني ؟؟!!!كيف احول ع طول قبل الدراسة اكلمهم ولا متى ؟؟؟؟جزااااااااااااكم الله خير....

[moon 2014]

السلام عليكم

نعم يوجد هندسة للبنات في جامعة الملك فيصل ألا وهي الهندسة الطبية الحيوية

و لأنها تخصص جديد و أول دفعة السنة الماضية فأعتقد ما سجلوا شي في الموقع

و بالنسبة لمشكلتك روحي قبل الدراسة للعميد د . الفريدان و إن شاء الله ترجعين

حاسب حسب رغبتك بالنسبة للسنة التحضيرية الحاسب و الهندسة متشابهان

جدًا تقريبًا كلهم نفس المواد اللي يختلف الكليات الصحية لأنهم يعطونهم مادتين

أو أكثر مختلفة عن الأساسيات الطبية ، السنة التحضيرية بشكل عام تحتاج إلى

المذاكرة المستمرة و التركيز و التفاعل مع اللي يدرسونك و قدرة تحمل هائلة

ما أبغى أخوفك لأنك سنة تحضيرية سواء في الحاسب أو الهندسة لكن تحتاجين

للصبر لأن الدوام طويل ، كل نهاية اسبوع فيه اختبار للأنجليزي ( Reading , ..... إلخ )

ضغط هائل هذا اختصار للسنة التحضيرية و لو ذاكرتي باستمرار بيسهل الموضوع هذا

الكلام اللي يقولونه قريباتي لي

و الله يوفق الجميع