|
منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
![]() |
|
أدوات الموضوع |
#1
|
||||
|
||||
للبنات اللي ماشين تمام بهالتخصص .
السلام عليكم حبايبْ
بنات انا مستوى رابع انقلش بعض المواد حملتها مرا وبعضها مرتين والحين ماخذه انذارين ومعدلي نازل كثير فكرت ان طريقة دراستي غلط ف حبايبي ابي تجاربكم ابي اعرف طريقه ادرس فيها وتخليني امشي فيه لان انذارين مو شويه ضايق صدري كثير واحس اني ضايعه وانا احب هالتخصص كثير ف ابي مساعدتكم وارائكم بطريقه حلوه ومجربه اقدر امشي فيها كويس بالتخصص لاني جد جد محتاجه فزعتكم بهالموضوع بالذات عذرا ع الاطاله وانتظر ردودكم ![]() |
![]() |
#2 |
أكـاديـمـي
![]() |
رد: للبنات اللي ماشين تمام بهالتخصص .
وعليكم السلام ..
انا حملت ماده وحده طول هالسنتين وضاق خاطري صدق بس كنت عارفه انا اللي مقصره بحق الماده كانت تحتاج مذاكره وحفظ اول بأول وانا كنت مهملتها غير كذا المواد الباقيه للامانه انا مو من النوع الحريص بالمذاكره والمجتهد بس حبي للتخصص ولاني مابي احمل واتأخر هو اللي مخليني الحمدلله ماشيه . مستوى رابع بطبيعته صعب وبيصدمك لانه اول البدايه فإذا انتي حابه التخصص وتبينه لاتتحطمين عادي الاغلب يحملون ويرجعون ينجحون باعلى الدرجات بس لاتخلين الحمل يهبطك وتأكدي انه خيره من الله اكيد وشدي على نفسك بالمذاكره اول بأول بتتعبين وممكن تكون النفسيه ابدا ماتساعد بس استعيني بالله واستمري لانك بالنهايه بتبتدعين بتخصص تحبينه وبيكون طريقك لتحقيق احلامك بإذن الله ❤️. وصدقيني لما تتعبين بجد بالاجتهاد غير النجاح بتحسين بلذة عظيمه بتخليك تنسين التعب ❤️ |
![]() |
![]() |
#3 |
أكـاديـمـي فـضـي
![]() |
رد: للبنات اللي ماشين تمام بهالتخصص .
وعليكم السلام أختي روح الصداقة ولا يضيق خاطرك كلنا لازم نرسب بمادة أحيانا نكون نحضر المحاضرة ونكتب ونحل لكن نتفاجئ بالرسوب وممكن يكون سبب رسوبك شيءبسيط مثلا واجب وعليه عشرين درجة ونقصتي أو حسب أسلوب الدكتورة تكونين ما تعودتي عليه
أول شيئ لأخذتي هالمادة بتدرسينها ادرسي نظام الدكتورة وش تعتمد بالشرح ؟كيف طريقة شرحها ؟ نوع أسلوبها في التقييم ؟ ثاني شيء الدكتورة أكيد راح تعطيكم التوصيف واذا ما طبعته بتنزله بالبلاك بورد حطي لنفسك ملف لها المادة من أي نوع ومثلا ورقة خاصة تكتبين فيها جميع الواجبات لكل واجب تعطيه لكم عاساس انه ما تنقصك على الواجبات ولو نقصتك تقدرين تراجعينها بكل ثقة الحين نجي على توصيف المادة طبعا تمسكين التوصيف وتشوفين المحاضرة اللي بتجي شنهو عندكم وطبعا هي تكتب وش راح تأخذون وطبعا اذا ما نتي عارفة وش كاتبه ترجمي أو أسالي أحد يساعدك لترجمته ثالث حاجة التحضير من التوصيف يعني قبل بيوم أمسكي الكتاب واشري على الفصول اللي راح تدرسينهم لأنه في أقسام أكيد ما راح تدرسونه في الكتاب وحطي لنفسك فواصل للكتاب رابعا جيبي دفتر ملاحظات وشوفي وشتقول الدكتوره أهم الحاجات الي تركز عليهم غالبا تجي بالأختبار أكتبي بترتيب ونظمي الفقرات وحضري بالبيت عاس الدكتورة لا شرحت تركز المعلومه عندك نجي للقاعة اختاري لنفسك مكان مريح يعني لو يجلس أحد جنبك وكثير كلام بشتت تركيزك ولو جات وحدة كثيرة اسئلة بالقاعة وسط الشرح بع بتضيعك خذي لك مكان مريح تستوعبين وتقدرين تركزين بالقاعة لو المادة كانت من النوع اللي يعتمد على الحفظ حاولي أنك تفهمين بعدها تحفظين وعاساس ما تنسين كثير لأنه تمر ها الحالة تذاكرين وفجأة ما تتذكرين لآزم تتعمدين على الكتاب بمذاكرته حسب طريقتك جزئية أو كلية أو موضوعية طبعا البحوث والعروض لازم تراعين فيها حاجات أنه مثلا الترتيب للبحث والغلاف والمصدر العرض حاولي تختاري الوان فاتحة الخط توضحينه تدربين نفسك على الشرح بشكل مثالي ويكون نفس اسلوب الدكتورة وطريقتها عاساس ما تعلق كثير نجي على الواجب افهميه =حللي السؤال وش طالب فقره فقره= بعدها شوفي وش المطلوب ؟ تقدرين ان شاء الله تحلين وانتي فاهمة ومستوعبه وتدربي على المادة في البيت طبعا نجي للأختبارات الدكتورة قبل اسبوعين من اختبار الميد ترم تجمع االطالبات وتقول لك وش راح يكون أسلوب ألأختبار موضوعي ومقالي واختياري او بكون نوع واحد فقط من الثلاثة طبعا لو حددت لك راح تقدرين تذاكرين بكل تركيز وداومي على حضور القاعة عاساس تعرفي وطبعا كل دكتورة بتحدد لك وش راح يجي من الفصول تقدرين تأشرين على الكتاب او تكتبين على دفترك الخاص للمحاضرات وبكذا يسهل عليك المذاكرة حاولي تذاكرين بعمق وتذاكرين قبل المادة بأسبوع او 2 عشان تقدرين تقسمين الكتاب لفصول وتذاكرين الفصول على راحتك وما تظغطين على نفسك حاولي تكونين أنتي بنفسك كيف نموذج الأختبار راح يكون وتدربي عليه سوي لنفسك برنامج أنه تذاكرين كل أسبوع بعد المحاضرة المحاضرة اللي قبلها وتحضرين اللي بعدها وتكتبين أسئلة حسب نوع المادة عاساس تكونين نموذج خاص فيك للتدريب مع كل محاضرة ورقتين للتحضير وللمراجعة وراح تستفدين كثير منها وتساعدك طبعا قبل الأختبار بيوم ذاكري أهم الجزئيات اّا طبقتي ها الطريقة ان شاء الله تنجحين بها المادتين وما راح يكون عليك الا المراجعة ويسهل عليك كل حاجة طبعا قبل ألاختبار حاولي ما تراجعين بسرعة بتأني وبهدوء عاساس ماتضيعين لمن تكتبين على الورقة قسمي ورقة الآختبار رقميهم بقلم الرصاص بدء من السهل للصعب ادرسي كل سؤال وش طالب وكيف طريقة حله السؤال الصعب حاولي تركزين فيه وش طالب ؟ كيف طريقة الحل ؟ وقبل كل هذا لاتستعجلين في الحل والخروج حلي بكل تأني ولو صعب عليك س}ال اقرئيه مرتين أو ثلاث حتى تفهمين طبعا التوتر لا تحاولي تتوترين كثير لأنه ممكن يسببب لك نسيان وياريت لو كنتي وضحتي وش المادتين عاساس يفيدونك الأخوات بالتجارب وكيفية المذاكرة ونوعها للمادتين أتمنى لك النجاح في المادتين ان شاء الله أكون أفدتك ولو بشئ بسيط عن طريقة المذاكرة وأتمنى لك التوفيق والنجاح بالمادتين |
![]() |
![]() |
#4 |
أكـاديـمـي
![]() |
رد: للبنات اللي ماشين تمام بهالتخصص .
اهم شي تاخذين عند دكاتره زينين لان ماهما اجتهدتي فيه دكاتره ما يقدرون ويرفعون بنات مايستاهلون ويظلمون بنات يستحقون فاهتمي به النقطه و بعدين اجتهدي وسوي الي عليك وما بتلقين الا الي يسرك بنات كثير مشو بالانجليزي وهم مستواهم اقل من المتوسط وما يذاكرون الا باوقات الاختبار ومادامك تحبين التخصص بتمشين فيه
|
![]() |
![]() |
#5 |
أكـاديـمـي ألـمـاسـي
![]() |
رد: للبنات اللي ماشين تمام بهالتخصص .
مشكورين كثير ماقصرتو الله يوفقكم يارب
هي مو مادتين انشاء 1 حملته مرتين واللغويات حملته واستماع واستيعاب ونثر لاروائي وقرامر 2 حملتهم الترم هذا اللي راح صرت احمل مواد كثير كل ترم عشان كذا جيت سألتكم قلت ابي شي يبعد هالاحباط عني وامشي فيه ويسهل ان شاءالله |
![]() |
![]() |
#6 |
أكـاديـمـي نــشـط
![]() |
رد: للبنات اللي ماشين تمام بهالتخصص .
وعليكم السلام
حبيبتي ولا تزعلين ولا يضيق خاطرك الكل يحمل ماده وثنين وثلاث اهم شي لا تتحطمين والغلط اللي صار حاولي تصلحينه المذاكره مالها طريقه معينه شوفي انتي كيف تحفظين وتستوعبين اسرع كل واحد له طريقه خاصه فيه تناسبه وتناسب طريقه تفكيره ممكن في اساسيات تعتمدين عليها والباقي حسب اللي ترتاح فيه وتقدم فيه افضل من الاساسيات الدكتوره اللي تسجلين عندها اسألي عنها قبل كيف تشرح ايش تحب كيف تتعاملين معاها علشان تتعاملين معاها ع هالاساس وفي اول المحاضرات حاولي انتي بنفسك تفهمين هالاشيا لان مو كل البنات يعطونك صوره واضحه كل واحد وحسب موقفه واللي فهمه من هالدكتوره ثاني شي لا تفوتين المحاضرات الاولى هذي المحاضرات تشرح لك فيها الدكتوره طبيعه الماده ووش هي بالضبط دايما خلي معاك نوت سجلي فيه اللي تقوله الدكتوره لان الكتابه تياعد في الحفظ واذا ماقدرتي تلحقين اخذي تفريغ ذاكري اول باول وحاولي ماتطلعين من المحاضرة الا وانتي ماخذه فكره عامه عن المحاضرة اممم اي لا تغيبين او تعتمدين ع احد في نقل المحاضرات حضورك حتى لو مو فاهمه شي تهتم فيه الدكتوره لا تجلسين جنب وحده تتكلم كثير حتى لو تسألك عن المحاضرة لانها بتشتتك حتى لو كانت صديقتك بالنسبه لي احب اذاكر في الليل لما يكون الجو هدوء ومافي ازعاج انتي شوفي في اي وقت يكون مخك شغال اكثر في الاختبارات حاولي انك تقفلين كل الاجهزه ولا تستخدمينها الا لضروريات وتشيلين الاشياء اللي تلهيك عن المذاكره وتضيع وقتك عن نفسي نفعت معاي هالطريقه السمستر اللي فات وموفقه انشالله |
![]() |
![]() |
#7 |
أكـاديـمـي ألـمـاسـي
![]() |
رد: للبنات اللي ماشين تمام بهالتخصص .
كل اللي ردوا علي
واختي هيّا نبتسم الله يوفقكم دنيا واخره يارب العالمين ويسهل عليكم كل صعب ان شاءالله مشكورين كثير وماقصرتو يا مال الجنه |
![]() |
![]() |
#8 |
أكـاديـمـي ألـمـاسـي
![]() |
رد: للبنات اللي ماشين تمام بهالتخصص .
طب اخر سؤال الله
الحين جيت بشيك على موافقة المشرف يعني بشيك كيف الطريقه مالقيت ايقونة خدمات الجامعه اللي منها ادخل على موافقة المشرف !! يعني هي ماتفتح الحين والا فيه شي غلط عندي وبرضو جيت اشيك على المستوى الاكاديمي حقي لقيت مكتوب جنب الحاله :قبول القيد !! وش يعني .؟ وانا ما اتعذرت او اجلت ترم من قبل ؟ انتو يطلع لكم كذا ؟؟ |
![]() |
![]() |
#9 |
أكـاديـمـي فـضـي
![]() |
رد: للبنات اللي ماشين تمام بهالتخصص .
أختي روح الصداقة اذا أنتي مقدمة على تغيير التخصص ممكن معناته انو تم قبولك في التخصص اللي تبقينه لكن ما فهمت موافقة المشرف لأيش وضحي أكثر عاساس نساعدك ان شاء الله
|
![]() |
![]() |
#10 |
أكـاديـمـي ألـمـاسـي
![]() |
رد: للبنات اللي ماشين تمام بهالتخصص .
انا ماقدمت على تغيير تخصص هو تخصصي انقلش من اول
موافقة مشرف لان معدلي نازل عن 2 ف لازم اخذ موافقته قبل تسجيل المواد بس ماطلع لي بالموقع مدري هو فيه مشكله والا يمكن مايطلع الحين ويطلع لا قرب التسجيل! يطلع قبل بحالتي "فعال" بس هالمره شيكت لقيته قبول قيد !!!!!! مع اني ماقدمت على طي قيد ولا شي قاعده ادرس عندهم عادي |
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
[ صعوبات تعلم ] : غرفة مذاكرة لااعداد برامج تربوية لصعوبات التعلم | ام ريناد5816 | تربية خاصة 6 | 81 | 2014- 5- 20 02:57 PM |
[ المستوى الثامن ] : اسئلة المواد التاريخية لعدة مستويات في رابط واحد | ياسر البكري | التاريخ | 4 | 2014- 5- 19 10:00 PM |
[ المستوى الخامس ] : ملخص اصول البحث الجغرافي | ابو وليد60 | الجغرافيا | 3 | 2014- 5- 15 06:11 PM |
[ المستوى الخامس ] : ملخص جغرافياء الصناعه والطاقه --النوماس | ابوسلطان3 | الجغرافيا | 10 | 2014- 5- 13 01:46 PM |
[ صعوبات تعلم ] : |*|~هنا~ مذاكرة(دراسه حاله لصعوبات التعلم)^_^ | فرولة توت | تربية خاصة 6 | 90 | 2014- 5- 12 05:00 PM |