انا أول المنسحبين .. مين الثاني

[haaadee]

والله كنت ناوي انسحب اذا حملت ماده

بس كلامكم شجعني كثيرا

ابي اشد حيلي

دعواتكم

وان شالله نشجع بعض ونكمل المشوار
ومافيه شي يجي بالسااااهل


يااارب توفيقك

[إحساس]

اذا انت ماذاكرت ما راح تعدي


واذا انت مذاكر مذاكره بسيطه .. راح تعدي على الاقل كل المواد الا الافتصاد



واذا انت مذاكر عدل راح تعدي


اما .. متكي وتبي تنجح :) ما اعتقد وانا انصحك تنسحب على الاقل تخفف عنا تعليقات البلاك بورد

وبعدين المفروض ماتحط مثل هالمواضيع تحطم زملائك .. لآن كلنا متفائلين وعندنا عزيمه


ارقى تحيه

[Abu Ibrahim]

السلام عليكم شباب شابات المنتدى

انني اوجه هذا الرد الى الاخ mR.faZ
اولا / لا داعي للاحباط فاباذن الله ناجحين جميعا وعلى قول المثل الشعري
ومن يتهيب صعود الجبال..... يعيش مدى الدهر بين الحفر
ثانيا / بعض الموضيع في المنتدى للاسف تعتبر من وجهة نظري انها ارجاف وترهيب للاخرين
مثل الى يبي ينسحب والى يقول ان الدكاترة معقدين والبعض الاخر يرمي حمله او غلطه على فلان وعلان
ثالثا / الشخص يلوم نفسه اولا واخيرا انا واحد من الناس ( الواجبات و المشاركة كلها اخويي سوها لي) مادري ايش الطبخه الين قبل الاختبار بشهر خذيت اجازة وقعت للمذكرة حنى اطفالي وامهم اهملتهم.
رابعا / نصيحة للجميع
- بالله عليكم شباب الوقت الي عندنا فرغ ايش كثره -
انشاء الله الترم الجالي وبحسبه بسيطه نبدع
نفرض عندنا خمس مواد مثل الترم الاول
1- نزل المحتوى و المحاضرات المسجلة لكل المواد
2- لنفرض ان كل محاضرة مدتها ساعة ونصف وعدد المحاضرات اربعة عشر محاضرة لكل مادة
(5 مواد ضرب 14 محاضرة ضرب 1,5 ساعة = 105 ساعات) لو الواحد يعطي نفسه من ساعة الى ساعتين يوميا - ويلخص كل الي يفهمه - نقدر نمر على جميع المواد في شهر ونصف
3- معظم المواد سهله وتقدر تفهمها مع شرح الدكتور
شباب بليز شدوا حيلكم وخلوا عنكم الارجاف والاحباط

[فهـد]

طيب ياخوي اذا انت مقرر تنسحب خلاص
ليش تسأل مين الثاني ؟!!
حرام تحبط غيرك وتحط من عزيمتهم

[مشعل الأحمد]

ياخي تسجيلك بالجامعه خطوه حلوه نحو التقدم ليه تبي تنسحب عشانك ما ذكرت وما حليت ...؟

اذا ما حليت فالخطا منك لانو اكيد ما ذاكرت يعني كل واحد يحصل اللي سوااه بيده

المهم اكتب موضوع يحمس ولا لا تكتب << هذي الزبده

[maljahmi]

الله يلعن ابو التحطيم

احنا بعد ما درسنا وفرحنين بالقبول وشكلها ما يتم الفرح

الله يوفقكم والله يعينا على الدراسة

[اناقادم من بعيد]

انا بغير التخصص والا ...............................

[حلمي الامل]

من جد حرام تنسحب
اسمع كلامي الله يهديك

كنت اسوء حاله منك
وحتى الان

لكن والله مااخلي طموحي يضيع انا حلمت حلمي وبحققه ان شاءاالله

فكر انك ماسك شهادتك ورافع راسك وراس اهلك
مافيه احد اقل منك

اسمع كلامي

والله يوفقك للي فيه خير يارب

[سكرتيره جامعية]

اولا ## مساء الخير ##
واحيكم من كل قلبي هذي اول مشاركه وتوني اسجل في المنتدى من عشر دقايق عن جد استفزني الاخ االي يبي ينسحب // خييييييييييييييييير ان شاء الله انا طالبه معكم في إدارة اعمال وتوني مخلصه امس اختبار المحاسبه ومريت بضغوطات وانا اعمل في قطاع خاص من 7 صباح الى 4مساء وراتب زي وجه المديره وعملي بعيد عن بيتي و مواصلات وسالفه طويله واداوم الخميس ماعندي الا الجمعة اجازه وكل العايله اخواني وخواتي بعيالهم من الخميس لاخر ليل الجمعة يالله القى وقت راحه افتح البلاك بورد ولا ادري وش اخبار الجامعة وعندي عجوز كل يوم لازم اتعشى معها واقهويها ولا فكرت ابداً اني اترك هذي الفرصة فرصة جامعة الملك فيصل اقصاد ميسره وجامعه عريقة ولن تتكرر وشتبون يعني الجامعه العربية الحرامية الفاشله والا جامعة عبد العزيز الي اقصاده كل يوم تزيد تقول اسهم
خير ان شاء الله وانا ماذكر احد درس بجامعة وماعمره ماطلعت لها ماده ولا مواد بعد حنا مو بمدرسه .. واذا طلعت لك ماده ولا بعد مادتين وشفيه حاول وجرب والله انا طلعت من اختبار الاقتصاد وانا اضحك من المسخره الي سويته والله ولا فقره يعني صفررررررررررر من 70 ياخواني والرياضيات الاسئلة كانت سهله بس سحبو الاوراق وماخلصت حتى النص ولا افكر اطلع لا تتهور وتطلع لا انت ولا غيرك ياعالم وش كثرهم الي يخيسون في الجامعة سبع سنوات .. اتمنى لكم التوفيق لاتطلعون وتخيبون الظن فيكم انتم الرجال المستقبل وسيدات المستقبل اسفه طولت عليكم كثير بايييييييييييييييييييي

[إبتسامة]

هـو مراح ينسحب خصوصاً أن النتايج للحين ماطلعت بس يبي يشوف ردة فعلــكم ويختبركم ..

أنا لو أحمل كل المواد بكمل


ياأنـا ياالجامعـة غيري مو أحسن مني