عذرا ياطالبات العلوم

[جُوريّة أهلها]

وهـ ياقلبي بس لحظه وحده شفيكم اللي تحطمت واللي انقرفت واللي فرحانه على شي ماصار
بس لحظه احب اقول أن مستحيل بنت في الكليه تاكل وتخلي وسخها وراها إلا إذا كانت وحده الله يعينها على نفسها أولا قبل مايعين الناس اللي حولها عليها
والحين نجي
لأول شي اللي فرحانه أنه بنات آداب راحوا عننا فأبشرها أنهم موجودين عندنا وماطلعوا والكليه الزرقا فيها بس جغرافيا وعربي وبسسسسسسسسسسسس
أما بقية الأقسام الثانيه كلها عندنا ما تحركت
لا وأبشرك اللي بالكليه الزرقا يجون يزورون صديقاتهم دائما عندنا

نجي الحين للي تحطمت واللي انقرفت يابعد قلبي عليكم والله مو لهادرجه اللي انتوا متصورينها أنا أول ماسجلت كنت احسب اني بلقاها وبلقاها من كثر ماتكلموا عنها بس هذاني درست فيها 3 سنوات وباقي لي سنه وماهي بها الصوره البشعه
بالعكس قلبوو انتوا الفروض تنظرون لسيئاتها من الناحيه الأخرى الأيجابيه
مثلا
الجلوس على الدرج فيه نفع لك ولغيرك أول شي لك ما تتأخرين على المحاضره لأنك لو تأخرتي ممكن تنطردين وماتسوى عليك ولغيرك ممكن تكون وحده ماره من عندك وتحسينها مختبصه بالرياضيات ومضيعه لدرجة أنها تمشي وتكلم روحها تقومين عاد أنتي وتساعدنها بخبرتك صح ههه

والزحمه في الكفتيريا تذبح وهذا أحد محاسن الكليه تعمل لك رجيم أجباري لأنك تخافين تدخلين بها الزحمه ويخرب شعرك وتنعفسين فما له داعي افضل

وهكذا كل أمر له كما أنه له ناحيه سلبيه فله أيجابيه ايضا ابحثي عنها وتفائلوا بالخير تجدوه

[صاحبة الهمة]

حبيباتي ألي ماسجلوا بالكلية وألي مستجدات ..في كليتنا ستتعلمين أشياء كثيرة وهي..:066:
الصبر..الإيثار ..التعارف{وأنتبهي من صديقة السوء..ومن أناس أغنيهم عن التعريف إن شاء الله إنكم فهمتوا}..الإجتماع والإتفاق.. التعامل مع الأخرين..
والله يعينكم على..الحر ..الزحمة..الجو الكئيب..والمناظر المؤسفة:no2:..حبطكم في هذي مو
لكن بإذن الله راح تتأقلمو من الوضع ..ويصبح شئ عااااادي..
بالتوفيق

[دموع رياضيه]

ههههههههههههههههه

تسلمي

[حلاتي..بحركاتي]

سلام

الموضوع فيه وجهات نظر كثيره و فيه سلبيات و اجابيات

الغلط مو الجلوس عالدرج بحد ذاته الغلط في رمي مخلفات الأكل يعني انا مستغربه على الأقل يحترموا ان هذي نعمه


و بعدين الكليه في اماكن مختلفه تناسب جميع المزاجات ودك بهدوء روحي عند الدرج ودك بهيصه قعدي بالصاله و خصوصا هنآك عند آداب والله حلوين ينفهون عن الخاطر هذا أذا ودك تغيرين جو

و أذا ودك تنعزلي عن الناس روحي قعدي برا أيام ما يكون الجو حلو ((عند حديقة العميده)):t1:

و اذا انتتي عندك وقت فضاوه فكري بالكفتيريا ما انصحكم تروحوا لها وقت البريك لانها بتاخذ نص وقتك و انتي بس تشتري فطورك و لا يمديك بعد تاكلي الصراحه نص ساعه غير كافي

[تفاح]

يا حلييلكم ..

من سالفة الدرج إلى سوالف متشعبة و موضوعات عديدة

أقولكم شي يا اللي متقرفين مدري منحبطين من وضع الكلية

ترى الكلية حلوة << تفكيين خخخخخخخخخ

بس الشي الوحييييد اللي يبغى لها هو ( الترميييييم ) لان مبناها قديييم .. هذه المشكلة بس


و بالنسبة للمكيفات أنا أقولكم سر لا تعلمون أحد

ترى الجلوس ع الدرج صار موضة قديييييييييييييمة مرة مرة .. ما احب أجلس هناك

تدرون ليه ؟ قولوا ليه

في مكااان سري و حلو و بارد أقولكم وشهو ؟؟



شفتوا ع4 اللي عند الكافتيريا .. القاعات اللي فيها فاااضية اغلب الاحيان

هناك الجو خياااااال و بااااااارد تحسين بوناسة .. احسن من الدرج اللي تقول يضربونها برجلهم

و فكرة الحلوة اللي بالمصلى حلووة .. بس المشكلة بالمصلي بعيييييييد مشوار على ما توصلين

لكن ع4 يا حوووبي له .. قريييب

عمووووما الصيف رااااح و الجو outside هالايام يجننننننن << ترا outside متعووووب عليها


رددووا (( الكلية جميلة ))

[عضو هيئة تدريس]

السلام عليكم ورحمة الله وبركاته
أحبائي أعضاء المنتدى
أتمنى أن تقبلوني عضو جديد وأكون مفيدة لكم , أنا أستاذة في الكلية سرني كثيرا هذا النقاش بخصوص الكلية ولكن هذا لايكفي أن نتناقش فقط بل لابد من تحرك فعلي لتغيير بعض الظواهر السلبية التي نراها وتزعجنا
مثال على ذلك
كونوا جماعة تسمى بعيون النظافة تعمل على التوعية بأهمية المحافظة على النظافة بأسلوب جديد ومبتكر
ويكون نية الجميع التناصح على الخير و التعاون على البر والتقوى لأنه لاتوجد فائدة من النقد اذا لم يكن له تأثير في أرض الواقع
ومشكورين وأسفة على الإطالة