|
منتدى كلية التربية بالجبيل منتدى كلية التربية بالجبيل ; مساحة للتعاون و تبادل الخبرات بين طالبات كلية التربية بالجبيل و نقل آخر الأخبار و المستجدات . |
![]() |
|
أدوات الموضوع |
#1
|
|||
|
|||
بنات رياض أطفال ادخلوا هنا ضروري
السلام عليكم
شلونكم بنات مع الإجازة وناسة صح !! أنا يمكن أحول إلى كليتكم السنة الجاية رياض أطفال وأبي منكم خدمة ![]() أبي أسماء المواد لسنة أولى ونبذة مختصرة عن كل مادة ومين يدرسها : دكتور أو دكتورة وأسلوب كل واحد فيهم لأني أبي هذا القسم بس خايفة انه مايعجبني أو أتندم :mh19: لأني أدرس حاليا دراسات إسلامية بالدمام :150: أنتظركم ![]() |
![]() |
#2 |
أكـاديـمـي
![]() |
رد: بنات رياض أطفال ادخلوا هنا ضروري
اهلين همسة
مرحبا فيك بكليتنا........ الصراحة انا مو من قسم رياض اطفال بس حبيت ارحب فيك بالكلية خخخخخخخ وان شاء الله بنات رياض اطفال يفيدونكـ...تقبلي مروري:bye: |
![]() |
![]() |
#3 |
أكـاديـمـي
![]() |
![]()
اهلا فيكِ اخت همسهـ بكليتنا وبقسمنا الممتع
انا من قسم رياض اطفال وان شاء الله راح اكون السنه القادمه آخر سنه لي القسم جدا ممتع .. وراح تستفيدين من دراستك فيه في حياتك الخاصه قبل العامه .. فيه مواد سهله ومواد صعبه لكنها جميعا ممتعه .. وتحاكي الواقع .. لان هالقسم قريب بعلم النفس ولكنه خاص بالطفوله .. راح اذاكر لك بعض المواد اللي اذكرها وان نسيت ماده واغيرها ان شاء الله البنات راح يفيدونك راح تدرسين بسنه اولى سيكلوجية رسوم الأطفال>>> وهالماده تتحدث عن ماهيه رسوم الاطفال بكل مرحله من الطفوله المبكره الى سن 13 سنه .. وتتعرفين فيها على نفسيه الطفل من خلال رسوماته .. مفاهيم جغرافيه >>> وهالماده تتكلم عن كيف تدرسين الأطفال المفاهيم الجغرافيه او الطبيعيه من حولنا بأسلوب شيق وسهل للطفل .. أدب الأطفال >>> وهالماده تعرفك على تاريخ ادب الأطفال.. وآراء الأدباء اللي خصوصا اكتبوا في مجال الطفوله من اشعار للطفل واناشيد .. أسس علم النفس >>> وهالماده تعرفك على الأسس والمفاهيم والمصلحات الرئيسيه لعلم النفس بشكل عام ... وبعض الأسس النفسيه للطفل ولكن بشكل بسيط .. وراح تتوسعين اكثر بهالماده بكل سنه .. مهارات يدوية للمعلمة >>> وهالماده عملية بحته .. وراح تآخذين فيها الطرق الاساسيه لعمل وصنع الوسائل التعليميه للطفل .. مدخل رياض الأطفال>>> وهالماده راح تاخذين فيها تاريخ تأسيس رياض الأطفال .. وطرق العلماء القدامى في تدريسهم لرياض الأطفال .. فيه ماده بس مااذكر اسمها لكني اذكر اسم الكتاب اللي درسناه فيها وهو ( الطفل من المهد إلى الرشد ) وبهالماده تدرسين فيها نمو الطفل من هو جنين ببطن امه الى سن الرشد اي 22 سنه .. وراح تدرسين كل شي بالتفصيل عن مراحل نموه بكل مرحله .. راح تدرسين ماده عامه للغه العربيه .. وماده للثقافه الإسلاميه .. هذا اللي اذكره .. وبالنسبه لمن يدرس الماده .. مااقدر احدد لك .. لأن المواد مايثبت دكتور بتدريسها .. فرضا السنه هذه درسها دكتور السنه اللي بعدها تدرسها دكتوره وهكذا في جميع المواد .. اتمنى اني افدتك ولو بالقليل ... وان نسيت شي ان شاء الله البنات ماراح يقصروا معاكي تمنايتي لك بالتوفيق .. دمتي بود :m22asmilies-com: |
التعديل الأخير تم بواسطة صمت البوح ; 2009- 6- 27 الساعة 08:05 PM |
|
![]() |
![]() |
#4 |
أكـاديـمـي نــشـط
![]() |
رد: بنات رياض أطفال ادخلوا هنا ضروري
لاتنس ذكر الله*
يسلموووو حبيبتي على الترحيب ويكفيني مرورك سلمتي صمت البوح أول شي بالتوفيق بدراستك وعقبال التخرج ياااارب ومشكووووورة على هالنبذة عن المواد الله يعطيك ألف عافية من كلامك المواد شكلها ممتعة و شيقة بس مدري أنا جدآآآآآ محتارة بين رياض الأطفال و الدراسات الإسلامية لأن قسم الدراسات بالدمام وانا ساكنة بالجبيل من جهة أقول حرام تضيع سنة كاملة داومتها من الجبيل إلى الدمام إذا حولت وأرجع سنة أولى من جديد ومن جهة ثانية أقول وش لي بهالمشوار اليومي المتعب أحول للتربية وأريح عمري فـــ وش تنصحوني :mh19: |
التعديل الأخير تم بواسطة همسة ; 2009- 6- 27 الساعة 09:21 PM |
|
![]() |
![]() |
#5 |
مشرفة سابقاً
![]() |
رد: بنات رياض أطفال ادخلوا هنا ضروري
انا قسمي رياض اطفال ولكن في كلية التربيه بـ الاحساء ..
راح اقول لك وجهة نظري .. اذا كنتي تحبين الأطفال ومستعده تسحملينهم ادخلي القسم .. بس لا تفكرين مجرد تكفير انو سهل .. صحيح ممتع لانه من واقع الحياه يعني لو عندك اخوانك صغار بنات خواتك او اخوانك .. او اي حد صغير في العيله راح تكونين مبسوطه تطبيقين عليه الي درستي ![]() لكن القسم جدا متعب بالنسبه للأعمال واعماله الفنيه كثيره لوح وسائل وشغلات .. و سالفه لها اول ما لها اخر بالنسبه للأعمال .. وبعدييين حطي في بالك بالتطبيق والشغل لو حصلتي وظيفه << شبة نادر التوضيف في هالقسم .. راح يكون متعب من حيث الوسائل والتعامل مع الأطفال لو كنتي مو مره مع الأطفال وعصبيه !! يعني لازم تكووون اعصابك في ثلاجه و تكونين بارده والاهم من هذا كله عندك ثقه كبيره في نفسسك .. لان الاطفال ممكن يتريقون عليك او يعلقون تعرفين بزارين .. تستحملين تنطين ع الحبل وتقلدين صوت الديك و تركضين وتجرين مع الأطفال ..؟ هل عندك هذا كله ..؟ اذا يا هلا فيك بالقسسم ![]() .. بالنسبه للمواد صحيح انا مو بكلية الجبيل لكن تقدرين تتطلعين ع الخطه الدراسيه وتعرفين المواد .. باين من المواد الي ذكرتها الاخت صمت البوح الاتفاق بس في مدخل الى رياض اطفال ![]() |
![]() |
![]() |
#6 |
مشرفة سابقاً
![]() |
رد: بنات رياض أطفال ادخلوا هنا ضروري
وهذي الخطه الدراسيه للقسم في كلية الجبيل
تقدرين تتطلعين عليها :: http://www.kfu.edu.sa/ar/Colleges/Ed...ergarten3.aspx احسها مره صعبه .. بالنسبه لي اتوقع موادنا اسهل ![]() |
![]() |
![]() |
#7 |
أكـاديـمـي نــشـط
![]() |
رد: بنات رياض أطفال ادخلوا هنا ضروري
اعضاء هيئه تدريس قسم رياض الأطفال جدا حبوبيين
ومبدعين تحيااااتي |
![]() |
![]() |
#8 |
أكـاديـمـي
![]() |
رد: بنات رياض أطفال ادخلوا هنا ضروري
هـلآ بك آختي همسة
أنا متخرجـة من رياض آطفال لي سنة من كلية التربية بالجبيل ودرست 4شهور بروضة القسم حلو وممتع وبصرآحه المواد ماهي صعبة مافي شي صعب على اللي يجتهد وبالنسبة للمواد تغيرت بعد ما صارت تبع جامعة الملك فيصل عدد المواد قليل وانحذفت مواد حنا درسنها وكانت صعبه علينا يعني تطمئني القسم حلو إذا كنتي حابه تدخلينه ومثل مااقالوا الاخوات آعصابك بارده وعندك ابدآع في الأعمال والتفنن والاعمال رآح تكون كثيره في السنتين الاولى رآح يعجبك القسم حياك الله.. أنا آعطيك فكرة بالنسبة لي دخلت القسم وأنا كنت آبغى قسم فنية بس حبيت القسم ومشيت فيه والحمدلله تخرجت ولله الشكر أن شاء الله آكون آفدتك تحـيـآااتي لك |
![]() |
![]() |
#9 |
أكـاديـمـي فـعّـال
![]() |
رد: بنات رياض أطفال ادخلوا هنا ضروري
لوو سمحتوو ابي اعرف هل القسم هذا موجود بكلية الاداب ؟؟
وكم سنة ندرسهاا ؟؟ |
![]() |
![]() |
#10 |
أكـاديـمـي فـعّـال
![]() |
رد: بنات رياض أطفال ادخلوا هنا ضروري
هذا القسم مش موجود بآداب الدمام .. موجود بتربية الجبيل .. وتربية الأحساء .. |
![]() |
![]() |
مواقع النشر (المفضلة) |
الكلمات الدلالية (Tags) |
أطفال, ادخلوا, بنات, رياض, هنا, ضروري |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
يا بنات محتاجتكم ضروري (اولى تاريخ) | SWeeeeSaaaah | منتدى كلية الآداب بالدمام | 16 | 2009- 6- 4 03:14 PM |
ادخلوا ماراح تندمون | asas | منتدى ماقبل الجامعه والاستفسارات الأكاديمية العامة للطلاب المنتظمين | 10 | 2009- 5- 14 01:04 PM |
بنات الجببل ساعدوني ضروري ..الله يفرج لكم | أبي أنجح .. | منتدى كلية التربية بالجبيل | 5 | 2009- 3- 27 08:03 PM |
بنات الانتساب والانتظام س 4 دراسات ضروري | هبوره | منتدى كلية الآداب بالدمام | 7 | 2009- 2- 14 03:36 PM |
بنات رياض اطفال وتربية خاصه و بنات كلية التربيه هع .. | غلا الدنيا | منتدى كلية التربية | 12 | 2009- 1- 13 09:06 PM |