مستجدات تخصص التمريض :)

[Amani Alsinan]

المشاركة الأصلية كتبت بواسطة rashoon

مسسآكك ورد
آتمنى تكوني بخير وكل امورك تمام مع الوضع الجديد
من آسبوع كنت آفكر أسألككِ عن نظامكِ بالمذاكرة آيام سععد
خبريّ معدلكِ ككآن ععآليّ

آحنا الحين بويكك 3
اول وثآني آسبوع تعرفين الي ضآيع بالطوشه ؟

مو بس بالنظام حتى بالدرآسه
يعاملونكك ع انه اوريديّ انتيّ مهيئة لكل شيء
يعني لمآ تدخل المس وتبدأ تقرق شوي توقف تقول وين بنات الفاونديشن ؟
تذكرون ذي مو , آي اخذناها مع بعض وبعدها تنقز للسلآيد الي بعده
لاحظت هاللشيء بأغلب المسآت وصآير ينرفززززز
رغم انه م في الا 9 مدري 10 فاونديشن والبآقين آحنا

هالأسبوع حسيت انه خلآص لاززم اشتغل ع نفسسي
بدوا سوالف كوزات وخرابيط :\


أسئلتي :-

اخذتي فاونديشن ؟
كيف كان نظام يومكك !
(الهيومن بدي ) كيف كنتي تذاكرينه ؟
لاني كل م اذاكرة م يمدي اراجعه الا كل شيء طاير

وإذا عندكك كومنتز ع المسآت اي شيء ي ريت تقولينه

وكل شيء تتوقعين ممكن يفيدنيّ من طريقة مذاكرة من حوسة اسايمنت قوليه لا تبخلين علي فيه :((

جد حسيت تعبت وم بعد سويت شيء

ثانكس الوت

السلام عليكم ..

هذآ المسسج جآني من أخت معنا ب الكليةة ..

طبعاً ف البدآية احب ابارك للجميع بالقبول و اتمنى لكم كل الخير
اول نقطه انا اول ما تخصصت التمريض بعد ترم التحضيري او الفاونديشن لقيت كم كبير من الدكاتره او الأستاذات دايم يقولون اخذتوه بالفاونديشن ولا يركزون على المعلومه بشكل اكبر
مع ان كان معنا ثنتين " نيو تيك " دخلوا بدون فونديشن

بخصوص هذا الموضوع انصحكم بطلب ملازم ترم الفاونديشن التي تخص مواد الهيومن بودي و المادة الثانية الأسايمنت
راح تلاقونها بالمكتبه او اطلبوها من اي بنت بالتحضيري

طبعاً بخصوص اللغة الانجليزيه و خصوصاً " الريدينق" من جهتي حسيته متعب اكثر من اللسينيق او الرايتنق
وكنت اكثف وقت اكثر عليه
واذا تبون مواد الأنجليزي تسهل عليكم ترجموا كثير سواء كلمات طبيه او غير طبيه اي شيء تشوفونوه قدامكم ترجموه ك فضول هذا الشي ينفع كثير
اسمعوا اجنبي و للغه كثير
وانا لجل اقوي للغتي صرت اسمع مقاطع انجليزيه و ابحث عنها مكتوبه ف اسمع و اقرا بنفس الوقت و تدخل براسي مفردات اكثر بنطق سليم و املاء سليم
هذا بخصوص الأنجليزي

لهيومن بودي انا كنت ادرسه عند فاطمة الشيخ ماكانت خياري وماكان لي خاطر انها تشرح لي
لآني اشوف شرح زينب لخنيزي احسن
لكن كلن و طريقة فهمه و تفرق من بنت لبنت
كانت الأستاذة فاطمه تعطينا المحاضرات بسلايدات بور بوينت
وكنا نرجع لها وكان عندنا كتابين
anatomy and physiology in health and illness
&
human bodu
الأول ماكنا نرجع له الا اقل القليل
و كتاب لهيومن بودي كان مرجعنا دائماً فيه
طبعاً انتي اثناء الشرح حاولي تركزين على لسلايدات
بعدها ارجعي البيت و اقريهم و اقري الكتاب و حاولي تربطين بينهم
طبعاً كانت هالمادة المشكله عند كل الطالبات لآنها بالكتاب دش على بعض
..

و انا اخذت ترم فونديشن ماكان بختياري كنت مجبره عليه لآني جيت متأخره
لكن بالعكس استفدت منه كثير
وكنت ارجع من دوامي حول 3 العصر وفي ظرف كانت اختي بالحرس فما اكون بالبيت الا 5 المغرب
كنت ايام الأختبارات انام لي شوي ليما 10 و اسدد سهر ليوم ثاني اذاكر و اروح مواصله
بس بالأيام العاديه ما انام و اراجع اللي اخذته و احاول اقوي للغتي بالنت اقرا كثير و اسمع
و يمكن تضحكون لو اقولكم كنت اسولف مع نفسي بالأنجليزي هههه
و فكرة تسجيل المحاضرات جربتها بجامعة الملك فيصل ما استفدت منها شيء
و بسعد ما اظن الدكتورة راح تقول شيء خارج لسلايده او الكتاب

و المسات تبع سعد التخصصي ماشاء الله كويسات مع الطالبات و متعاونات
واذا البنت مشت طوالي و حسوا منها الفضول و الشغف لتخصص ذا تعاونوا معها بشكل كبير
كل استاذه لها اسلوبها الخاص بشرح لكن يعتمد على مستوى استيعاب و ذكاء الطالبه
لكن مع المراجعه اول بأول راح يسهل عليكم كثير

و بخصوص الأسايمنت ان شاء الله ان اسعفني الوقت راح انزل موضوع شرح له

لكن الآن بقولكم شغلات مختصره عنه

الأسايمنت يعتبر عن حسك التعبيري بالأنجليزي و قوة ربط الأشياء مع بعض
و امتيازك بكيفية التسلسل من فكرة للثانية
طبعاً هم اكيد راح يطلبون رفرنسز لا تقل عن 5
و اغلبها من كتب و ارتكلز
قبل ما تدرجين اي رفرنسز
1 الأرتكل تأكدي من تاريخ كتابته
2 اقري الرفرنس و افهميه قبل تدرجيه
3 تأكدي ان الرفنس راح يفيدك و يقوي من الاسايمنت حقك
4 حاولي تناقشي كل فقرات او الأسايمنت ككل بطريقة مميزه و سلسه بعيده عن التعقيد

وفي طريقه كنت اسويها كنت اكتب جمل بالعربي تختص بالموضوع المطلوب ثم اترجمها بالأنجليزي بالمفردات المناسبة
و الجمل المناسبة و اركبهم مع بعض

هذا كل شيء للآن و الموضوع مفتوح لكم :)

[foshya]

آهلين ..
كيف آلحآل ؟!..

بَنوتآت عندي إستفسآر .. آنآ فونديشن
آبغى آسآلكم عن طريقةة آلمدآكرة .. لآن آنآ ميح ميح في آلآنجليزي
مآ آعرف شيء فيهه زين آعرف آقرآ بَسسْ غير كِذآ مآعرف شيء وكَمْ كلمةة
آبغى آعرف آللي عدو في في آلفونديشن وكآنو ميح وصآرو آلحين بلآبل كيف كآنت طريقتهم في آلمذآكرة و آلفهم وتعرفو آطلع مآ آوصل آلبيت إلآ 4 آو 5 لآن من آلخبر للقطيف ومآيمدي آنآم ولآ آرتآح
للحين مآخذنآ شيء عَدل مآتعمقنآ بَسسْ آحسس كل نوم مآدري وشو يقولو آلمسآت
حَتى لو حآولت آفهم آجمع كلمةة مني منآك بآلموت آفهم .. وَ آلحل يَعني ..
آبغى طريقةة سَهلةة ومريحةة ..

[Rowny]

أول شي الموضوع جميل

شكرا ياعز

بالنسبة للاخت فوشيا

اتمنى انك قريتي الموضوع عز لأنو رح تلاقين اجابه لسؤالك

وهي انك اهم شي ثم اهم شي انك تترجمين كل شي اي كلمه صعبه كلمه تحسينها دايم المس تكررها او

تلاقينها بكل ماده لازم تشتغلي بالترجمه وانك تحضري اول باول ركزين على مواد انقلش اما مواد الساينس

رح تحتاجينهم بسنه اولى بالذات الفاونديشن كل شي فيه مهم مهم لاتضيعينه باللعب او تتساهلي لانو اذا

ان شاءالله انتقلتي للمرحله سنه اولى رح تحسين انك استفدتي من فاونديشن..

معظم الطالبات اللي ماسبق لهم التحقوا بجامعات او مدارس اهليه او دورات انجلش دخلوا فاونديشن مايعرفون

يتكلمون انقلش ولاشي بس مع لايام ولاهتمام بالدراسه من البدايه يكون مستواها مواقل من طالبه في سنة امتياز باللغه ..

(الانقلش كله مصطلحات حتى تربطين جمل وتناسقي موضوع ...الخ)

اتمنى انك استفدتي الموضوع ..

آسفهـ ع الإطاله

[نداء جعفر]

ثانكسس ع الموضوع
موضوع مفييد بجد
انا بالانجليزي مو مرره
وان شاء الله اسسوي الي قلتوا علييه
والله الموفق