ليت أنا يابعد قلبي لي قلوب

[إحساس رسام]

كان هالليلة بهاكي ماهو عادي
كنتي انتي
وانتي لمّا تكوني انتي
ماهو عادي
كنتي إعجاز وسحرر
كنتي دنيا من طهر
كان نورك في جبين الكون بادي
كان في صمتك طرب
كان في عيونك شغب
كان حسنك للحسن يرسي مبادي
كنتي في أجمل حضورك
كنتي في أعدل غرورك
ولمّا طافتبي عيونك
واستقرت في فؤادي
كنت أنا اتخيلك
وكنت أنا أتأملك
كنت أنا أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي
آه لو باكر لأمسي يلتجي
يترك الليلة ليالي ومايجي
آه أنا من غدر باكر كم أخاف
ياخذك مني وأنا لقلبي شغاف
حزنها في غيبتك مر وشجي
آه أنا من غيرك أنتي وش وجودي ؟
آه أنا كم أبي باكر لو تعودي
آه من ذكرى بتشعلبي سهادي
لمّا كنت أتأملك
ولمّا كنت أتخيلك
لمّا كنت أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي
يا ملاذي ومنتهاي وأولي
إيه أحبك فوق ماتتخيلي
ليت أنا يا بعد قلبي لي قلوب
لجل مافي كل لحظة بك أذوب
كل إجاباتك أنا
لا تسألي
ما أبي شمسك يواريها مغيب
لو جروحي منك
مادودي تطيب
ياللي سعدك منتهى غاية مرادي
آه كم أشتاقلك
آه كم أحتاجلك
آه كم أشتاقلك وأحتاجلك
في القرب والا في بعادي
أنتي إحساسي الأكيد
وأنتي دمي اللي بيجري
في الوريد
أنتي ياعمري بلادي


كلمات الشاعر..عبد الرحمن بن مساعد
غناء .فنان العرب .محمد عبده

[اورجوان]

!!



يعطيك العافية أخوي

ظنيت ان انت اللي كاتب القصيده ! !

مشكور ع النقل و سننتظر شيء من كتاباتك

تحياتي لك

[أسيل]

يعطيك العافيه احساس
واختيار موفق

[إحساس رسام]

هلا ارجوان اسيل

الف شكر لكم

[مدى]

وااااااااو

رووووعه

بصراحه في البداية توقعت انك انت

كاااااتبها

صح لسااااان شاعرها

وتسلم اياااااادي ناقلها

مشكوووووور يعطيك الف عااافيه

احتراااااامي وتقديري

[إحساس رسام]

ياهلا بك .....مــــدى

[دفا الروح]

إبداااااااااع ....

فكرتك إنت كاتبها ....بس نقلك حلو ...

وأن شاء الله نشوف شي من خط يدينك..........

[الموت البطيء]

صح لسانك اللي نقلها لنا
اغنيه لما تسمعها ما تمل منها

ربي يعطيك العافيه
مشكور اخوي احساس على النقل الرائع

[شمعة القلوب]

يعطيك العافيه وجعله في ميزان حسناتك