بخصوص ماده الانترنت والاتصالات

[عظيمه هيبتك ياصمت]

السلام عليكم بخصوص الاتصالات هل نشاهد المحاضرات او نحملها ونحل المنااقشات لان ابي اخلص وماادري اخاف يغيرون الدكتور ويروح تعبي ع الفاضي الوقت يمضي ولكم الشكر

[عيطموسه]

الحال من بعضه للاسف ماعرف كيف ممكن اتواصل مع دكتور الماده على اساس تغير ولا اشوف فيه احد مهتم بالموضوع هنا المشكله المناقشات غلط والمحتوى غير مطابق لبعض المحاضرات والاختبارات ماباقي عليها الا شهر !


لا تعليق...

[trook8]

كلنا مهتمين بالموضوع بس ما بيدنا شيء , ما نقدر نفتي بشيء ما نعرفه , اصلا ما احد يرد علينا .

المحاضرات تختلف عن المحتوى والمناقشات حاطين لنا الاجابات بدل السؤال . وش نقول بس

امس كنت ناوي اسال الفريدان في محاضرة التركيب اللغوي بصفته العميد عن هالمادة , لكن سحب علينا ولا جاء

فننتظر الى الجمعه الجايه فيه محاضرتين مباشرة للدكتور الزهراني المشرف على المادة نسأله
والله يستر بعد لا يسحب علينا ثم عاد ما يبقى الا نروح لهم للاحساء ونتفاهم معهم

بالتوفيق

[Shoroq]

الله يعينا بس

[ام رها]

والله حوسه بس ان شاء الله خيره لنا

[Lovelyy]

الحين لاتسون شي المحتوى والمناقشات كلها لدكتور عادل يعني بتتعبون عالفاضي
انتظروا المحاضرة المباشرة يوم الجمعة وبنشوف ايش يصير زي ماقال اخوي توركي
بعدها نقرر ايش نسوي والله يعينا على الجامعة وبلاويها كالعادة لازم يسون تعقيد
وينك يالنجار واين ايامك اما الفريدان ساحب علينا في كل محاضراته المباشرة
قال العميد قال هههه

[زورق*]

اخواني عندي ملخص من تميم مطابق للمحاضرات المسجلة علماً بأني اشغل المحاضرة يتكلم شوي واقفل

وش المحتويات اللي معتمدينها ومخالفة للمحاضرات ؟؟

والا قصدكم المحتوى المرفق للمحاضرات بالبلاك يختلف؟؟ هذا مافتحته ولا قربت منه

[~ safaa~]

ليه مايحذفوها لين مايرسون على بر

[ڪۄڒڼ ڣڵېڱ๛]