\\. ضرؤؤري للجميع ،،

[нησ0]

اولاً خير الكلام ولذتَه بذكَر الرحمن ذو الوجه الاكرَم والإسَم الإعظم والعطيِه الجُزلى
فَ سبحان الله عددَ خلقه ورضَا نفسَه وزنة عرشَه ومداد كلماتـَه ..
والصلاة على نبيناا محمد أطيب القلوب ودوائها وعافية الابدان وشفائها ونور الابصار وضيائَها وعلى إله وصحبَه وسلم تسَليِماً كثيراً ..

من صفات الله سبحانه وتعالى العدل ، فإذا دعا الداعي على سين من الناس وهو لا يستحق هذه الدعوة فلا يستجاب له وإن كان في جوف الكعبة ..
اللي لاحظته بهاا الفترهـ اللي مرت علينا وهي الاختبارات كثير من الاخوه والاخوات منهم اليآئس وبرضوا المتشاائم ومنهم من يضَع اللوم على غيرهم بإي حق لا نعلم !!

لا حَق لنااا بَ الاعتراض من بداية السَمستر وكل شي واضَح ومفهوم وكان كل اللي علينا فقط المذاكَره والحرص عليها لا أكثر قد نمر بظروف تمنعنااا ولكن لا بد من وجود خطه منظمه من قبل كل شخص قرر انو يكمل تعليمه واحنا عارفين ان العلم يبي له محهود عشان نصل الى تحيق أهدافنا ..

من وجهة نظري لا يوجد أية عذر لنا وسبق لحظاات الاختبارات ما يقارب الثلاثة اشهر بامكننا ان ننجز فيها لو بعض المقررات !
و اللي يبي الامتياز راح يعرف كيف يوصل له ؟

العِلمُ صَيدٌ والكِتابةُ قَيدُهُ *** قَيِّدْ صيودكَ بالحِبالِ الواثِقَة
فَمِن الحَماقَةِ أَنْ تَصيدَ غَزالَةً *** وتَترُكها بَينَ الخَلائقِ طالِقةَ

وفي النهاية لا أملك إلا أن أقول أنني قد عرضت رأيي وأدليت بفكرتي في هذا
الموضوع لعلي أكون قد وفقت .. وما انا الا بشر ان أخطت فمن نفسي والشيطان وان اصبت فمن الله عز وجل

واتمنى من الله سبحانه ان ينولناا اعلى الدرجات في الدنياا والاخرهــ ..

[shosho333]

الشيئ اللي لا يخفى على الجميع ان لكل فعل ردة فعل

واللي حصل من بعض الطلبه من سب وشتم و و و و ........)) كان بسبب الضغط النفسي اللي تعرضوا له من تعب وسهر وهم واجتهاد

صحيح البعض ماقدر يحكم نفسه وتجاوز الخطوط الحمراء وخصوصآ اللي تكلمو عن الطائفيه تمنيت ماينقال مثل هالكلام بس .......؟؟؟؟

والكل عارف ان للاشخاص مع الغضب مستويات ...

وكل شيئ مقدر ومكتوب للجميع ....

[Shoosh mb]

ليش يقول ركزت ع المعادلات وللإجابة شي منها راح ليلي وانا أحاول احلها 😭😭😭😭

[sabreena]

من جدكم انتم مسوين هالفوضى عشان اختبار
وسب و شتم على فشووش

اذا انتم تقولون كذا .. كيف اللي المنتظمين عندهم مية شي لشي يسونه
من ( بحوث ، نشاطات ، تجارب عمليه و تطبيقيه ... الخ ) <-- منها تجي بنتيجه ويقدر ومنها لا
وانا كنت منهم من سنتين .. وفي نفس هذي الماده كانت ( استاذه منال ) سودانية <-- الله يذكرها بالخير بكلية العلوم بالنعيرية <-- اسألو عنها وبتجيكم العلوم
تعرفون كيف الانسان السليط و الكل يهابه هي كذا

الدرس ينشرح على طريقة قروبات تسوي بحوث على كل محاضره والقروب نفسه هو اللي يشرح
يعني احنا يالبنات ,, اذا ماعندك كرزما و جرأه في الشرح بتنقصين ، اذا ماغطيتي كل الجوانب في المحاضره تنقصين ، اذا مازينتي البحث تنقصين ، اذا ماحضرتي المحاضرات تنقصين
والمحاضرات الاضافيه عد و اغلط في هالماده وعليها درجة حضور واللي يقهر ومايعترفون بسأله موضوعيه بس لازم من المقالي وتدرون بالمقالي وش يصير

عشان بس احنا ماركزنا على الكلام اللي قاله نسوي كل هالمعمعه ( شي فظيع الصراحة )
في اختبار الأخره وش بتسون

بتضاربون مع ابليس بتقلون له انت خليتنا نسوي هالشي و المفروض مانسويه
الله يصلح الجميع .. وانسو همومكم واقصر طريق للمطبخ روحو له <-- الاكل مفيد

و الشكر موصول لكل من ساهم في مستوى اول للمساعدة و للمسواه المعنوية
واجـــــآازه ممتعة للجميع ...

[M5tlf:#]

صبآح آلخخير على آلجمميع الرقي والذوق ماهو بالجامعه فقط ولاهو بالتعليم يعني مانكون راقين الااذا دخلنا جامعه مثلا ..

بس الكلام اللي صار هو فضفضه والدعوه فيه ظلم على الطلبه مع انو اغلب حلي طلع صحيح الاانه ماقول انه حلو الاختبار لانه صعب ومعقد وفيه فلسفه اكثر من اللزوم واللي شفته انا الاغلبيه دعوات ومن حق الشخص يدعي على من ظلمه او غشه والزبده الله لآيوفق هالدكتور المعقد ووحسبي الله ونعم الوكيل


وآلسسلآم ختآم ..

[sabreena]

امممممم ..

http://www.ckfu.org/vb/t464368.html

شوفو الناس الفاهمه كيف تتصرف بحكمة و عقلانيه من غير همجية
حبيت الاسلوب في الموضوع ..

[Serious Smile]

برأيي التعبير عن الرأي لا بأس منه ولكن ليس لمرحلة الدعاء عليه ..

باستطاعة الجميع ان يقول ( حسبي الله ونعم الوكيل ) فحسب

وهذا كفيل لك بضمان حقك عند الله

[تنويرة الهاتف]

مع الأسف أنا الأغلب مايحب يتعب يبي كل شئ جاهز بقول لكم رائي شخصي من تجربتي أنا لي فتره طويله منقطعه عن الدراسة وللامانه كنت متخوفه جداً من إكمال الدراسة الجامعية لكن بعد إلحاح وتشجيع من اللي حولي قررت انتسب وبسبب ظروف خاصه ما شريت الملازم ولا بديت فعلا أخذ الموضوع بجديه إلا قبل شهر تمام من بدء الاختبارات ويمكن اقل أنا وبعد ماشفت المواد والاختبارات والله العظيم والله العظيم أني أعض أصابع الندم أني ما تابعة من الأول المحاضرات وذاكرت لان اغلب المواد مؤ بس سهله إلا تافهه بس يبيلها تركيز وإخلاص فالمذاكره اغلبها معلومات عامه ومن دراستنا السابقة فالثانوي لكن بشكل موسع فايالغوالي يعني يمكن يكون العيب فينا ما أقول أن الدكاتره كلهم منصفين ولا مجحفين هم يرون أشياء إحنا مانشوفها وكل إنسان يعالج الموضوع وينظر له من وجهة نظره الخاصة لكن مؤ من خلق المسلم ولا العاقل قذف الناس وسبهم وشتمهم فقط ردد حسبي الله ونعم الوكيل .. أنا آسفه طولت بالحكي بس الي بقوله أن ولا ماده اختبرتها إلا وأناطالعه أتوقع أن درجاتي فيها اقل بكثير من درجات النجاح :( لكن الحمد الله على كل حال من الأحوال تجربه أن نجحنا فلكل مجتهد نصيب وان كان غير ذلك قدر الله ومشاء فعل شكرًا لصاحبة الموضوع

[أسماء الشمراني]

شوفو عندي كم نقطه وياليت يستوعبون اللي سايرين ضد الطلاب كأنهم يحسبون درجاتهم ماتهمهم
وقبل ما أذكرها حابه أقول مو لأنه دكتور هو معصوم من الخطأ ولازم أن كل شي يسويه صح وإن قراره سليم وأسلوبه حكيم وأن نرفع من قدره ارجعو اسمعو دكتور المهارات لما حكى عن المدرس اللي كان سبب في ادمان طالب والسبب تعامله أدري ماله دخل بس حابه أوصل إنو مو دايم هم صح واحنا غلط لان بعضهم يحط الدكاتره ملائكه وماينغلط عليهم
م أختلفنا في : قم للمعلم ووفه التبجيلا****كاد المعلم أن يكون رسولا..
لكن في مواقف تجبرك ما تتبع هذا الشيء والدكتور للأسف ماكان هذا أسلوبه ونمطه مع المراحل السابقه

أولا الماده سسسسسهله لابعد الحدود وممتعه لكن الاختبار ماكان بببساطة وسهولة الماده وهذا الشي صدمنا
ثانيا ما قلنا موب ناجحين قلنا ما بنجيب امتياز
ثالثا والاهم هنا ليش احنا بس اللي قالنا كذا ليش ماسوا هالشي بالدفعات اللي راحت !!
الدفعات اللي راحت لما كنت اجرب كويزاتهم واحل القى نفسي مجاوبه ع اغلبها وبالراحه كمان

يعني معليش في نوع من التحدي بالاختبار هذي الماده مفروض تكون مساعده في رفع المعدل مو تنزيله لانها مو تخصص يعتمد عليه دراستنا المستقبليه يعني مفروض تعاون معانا مثل ماتعاون معهم ليش التفرقه!:(

هو اعطانا خبر! طيب ليش دامه قرر يغير الأسلوب مايطلع بشي متكامل من جميع النواحي
يعني انت قررت تغير اسلوبك غيره حتى بالمحاضرات ىالمسجله نزل محاضرات جديده

زي ما احنا طلاب جامعه أنت دكتور جامعه وعليك واجبات لازم تأديها

هذا الاسلوب هو اللي سبب فشل الكثير لو إنه غير بالمسجله كان الطلاب حسو بجدية الموضوع لاتجون تقولون هو حذر هو حذر صح بس ما اتخذ اجراءات كامله مبنيه ع تحذيراته وقراراته الدنيا مو فوضه

لما الواحد يبغى يغير شي يغير أساسياته وجذوره ويبدا من جديد مو بأسلوب تشيت
وهنا الاساس المحاضرات المسجله مو الملازم يعني اذا اعتمادنا الاكبر ع الملازم اش تفرق عن الانتساب العادي !

المحاضره المباشره الثالثه اسمها مباشره اخذ وعطا بين الدكتور والطالب ليش نزلت مسجله احنا من حقنا نتكلم معاه وهذا شي مكتوب بأنظمة الجامعه قبل ندخلها وهم كانو واضحين معنا ليش نجي الحين نلقاها مسجله

واللي يقارن الانتظام فينا !
يكرفون ما اختلفنا بس احنا مادخلنا الانتساب الا لانا مشغولين في ناس تداوم يدوب يجيها وقت تذاكر وتحمل المحاضرات وتحل مناقشاتها وواجبتها واعرف كثير معنا يختبرون وهم عندهم دوامات رافضين يعطونهم اجازه !!! وين االتقدير واللي ربات بيوت تتطبخ وتنتبه لعيالها جاها ضيوف فجأه !!!! تلومونهم لا مالكم حق لانكم ماتعانون مثلهم لا تنظرون للموضوع من ظروفكم شوفو ظروف غيركم أنا لو بحكم من ظروفي راح يكون لي وجهة نظر ثانيه بس لازم نحس بغيرنا يمكن بوحده من المستويات نمر بظروفهم

ممكن في ربات بيوت عادي ماشي وضعها وامورها متيسره وممكن موضفات برضو ماشي وضعهم وعملهم متعاون معهم يعني باختصار كلن له ظروفه


كنت اتوقع الاداره اسوأ إختبار احل فيه بس للاسف تساوى مع الصحه هذا اذا ماكان افضل منها بس أقلها الاداره كان مستوى الاسئله بالاختبار من مستوى الماده وكنا متوقعين نخبص شوي فيه

آخر شي انا احتمال اكون جيد جدا او جيد جدا مرتفع تقريبا من 38 إلى 40 سؤال نقول صح اذا كان حلول الطلاب اكيده اللي نازله هينا هالشي مزعلني أكيد لاني ابي ممتاز
واللي مزعلني احس حلي كله مو من مذاكرتي أغلبه من معلوماتي العامه وبعضها تذكرتها من الاحياء الثانوي يعني درجتي معتمده ع حسب ثقافتي العامه بالماده ولسى متفائله إن هذا الشي ما يأثر ع معدلي وبإذن الله اجيب 4 وعليها
والله يعوض الجميع خير يارب وخلو العالم تفضفض شوي وتفك عن اللي جوا صدرها لا تستنشبون وكلامي هنا يعبر عن رائيي الخاص تماما ..

[ســــلآف]

حسبي الله ونعم الوكيل فيه
الله لا يوووفقه ويجعله ما يربح
والله ذاكرت الملزمه حقته مذاكره غير طبيعيه
بس وربي جاوبت من معلوماتي من معلمتي بالابتدائي
متذكرتها الله يوفقهاااا دنيا واخره ...

لكن الدكتور عبدالحكيم وش علمني
غير الخداع يشرح لي محتوى ما راح استفيد منه
ويلعب عليه في المباشره بمسائل ما راح يجي منها
أنا وش استفدت من هذا الدكتور
سالتكم بالله وش استفدتم منه
انتم ذاكرتم بدون شرح أو توجيه
نحن اختصرنا ونحن تعبنا ونحن سهرنا
لكن ما اقول الا حسبي الله فيه ونعم الوكيل
وفي كل من يدافع عنه ....... لانه دكتور ما يستاهل حتى نذكر اسمه
أنا داخله اختبر مقرر وليس قدرات .... لكن الشكوى لله