[ متجدد ] : سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!

[تآج القلوب]

عجبت من نفسي ولله العجب !
احرص على رزقي وربي كافله ..

كل العرب واللي بعد غير العرب !
لو حايلو رزقي فـ لاحدن ماكله ..

[فايزمحمد الروقي]

ذاكري .. لو يبتدي ، فيك : العنا
ريثما ؟ يعلو على القمة .. كعٓبك

وإن حصل مهما حصل ببقى أنا
راحتك لا بيّن بـ ( عينك ) : تعٓبك !

[فايزمحمد الروقي]

ولا أملك
كثر ما انتي / سألتيني
بوقتٍ ما ..
حبيبي
وش تحب فيني ؟
وقلت :
بصدقي الواضح
أحب كلك ..

[فايزمحمد الروقي]

يا معشر المُتعَبين إمن السهاد
من شاف لي جمرتينٍ موقَده !!

يا صم الابواب ما بانت سعاد
وشلون الابواب نامت موصَده !!

[فايزمحمد الروقي]

تعاند "راحتيني" راحتيها
متى تصفى المقادير الله اعلم

تبي "قبله" تطفّي جمرتيها
وانا بين الحطيم وبين زمزم !!

[فايزمحمد الروقي]

ذلٌه في الحب عزٌ وجاه
قلت ماء وجهي هدرته هدر

النفوس اضداد والا أشباه
وافيه والا نوت بالغدر

قال واللي تكتبه تنساه
قلت راح اللي حضوره شعر

كان صوتي ينكتب واقراه
قبل لايبقئ حبيس الصدر!!!!

[فايزمحمد الروقي]

سولف لـ عثراتي عن احلامي
لا تزعل لـ حزني .. ولا ترتاع

ما فيه شي .. يبعثر ايـامي
ما دام صوتك ضابط الايقاع

[فايزمحمد الروقي]

الحزن يملئ الصدر لاضاق المكان
والعين لامر النعاس وفاتها

سكة حنين بحاجة لعابر حنان
يطلق حظوظي من يدين أسباتها

[فايزمحمد الروقي]

أنا أنا ماني بأحد غيري
اللي يبيني يقبل أخطائي

قناعتي ، طبعي ، وتفكيري
أجمل ثلاث أشياء بأشيائي

[فايزمحمد الروقي]

مالي الا السكوت بوجه سود الليال
ولا لك إلا إبتسامه .. يالمساء الحقير

يوم عزم فراقي ما ترك لي مجال
إني أقول ( أحبك ) فـ اللقاء الأخير