[ مذاكرة جماعية ] : أدب الأطفال , د. ابراهيم الشّناوي / الاربعاء 5 - 4 - 1440 / الفتره الثانيه

[skon aljro7]

ما ان وضع جيبيتو الحطاب لمساته الاخيره على بونوكيو الا راح يركض بالشوارع وجيبيتو يلاحقه و تدخل شرطي بالموضوع ومسكه وسلمه لابوه , وجا له واخذه بيجر اذنه ولا نسى يحط له اذن ><"
فمسكه من رققبته والناس تتفرج واخذه للبيت وهو يهدد وويتوعد بنروح البيت وهناك الحساب قام الشرطي والقى القبض على الابو .

وراح بونوكيو فرحان ويسرح ويمرح لين رجع البيت واسمع صوت ! صوت مين هاذا قال صرصار الليل هاذا صوتي انا وهاذا بيتي صار لي اعيش فيه 100 سنه
وقام ينصح ويوعظ في بونوكيو ولكن بدون فايده واخر شي عصب بونوكيو واخذ مطرقة وضرب بها الصرصار ><"
واخر شي رجع البيت جوعان وكل محاولاته لايجاد الطعام فاشله
وطلع يتسول طعام ومافي فايده ورجع بيتهم وشاف نفسه مبلول من المطر انسدح بجانب مدفأة النار وغفى
واوتعى على صوت الباب ولا هاذا ابوه ( جيبيتو ) افتح الباب ياولدي ! قال له ماقدر والسبب كان انو رجوله احترقت من النار وشويات وشاف له الابو مدخخل ودخل البيت واعطى بونوكيو
4 كمثرات واكلهم ,
وبعد عدة محاولات من بونوكيو يترجى فيهم ابوه انو يصنع له اقدام اخرى وافق الاب شرط ان يكون بونوكيو ولد مهذب يسمع الكلام ويروح المدرسه
كان جيبيتو حطاب فقير فصنع له صديريا من ورق مقوى وزوج احذيه من لحاء الشجر وقلنسوة من لبابة الخبز
قال بونوكيو .. كيف اروح المدرسه وماعندي دفتر هجاء ؟ قال الاب مو مشكله انا بتصرف ولبس المعطف الممزق حقه وراح ورجع معاه دفتر هجاء بس المعطف مو معاه ؟
اين معطفك يا ابي قال بعته لكي اشتري لك دفتر الهجاء
كان الاب الحنون يبي ولده يروح المدرسه ويتعلم مهما كان الثمن , ويوم ثاني ومن الصباح وبونوكيو بيروح المدرسه شاف عرض للعرائس واستهواه ولكن كان يحتاج المال للدخول
وقام وباع دفتر الهجاء ودخل عرض العرائس .........................

[skon aljro7]

.
.
.



.
دخل ونوكيو المسرح وكان في دميتين اسمهم هاركلين وبنشينيلو يقدمو العرض وشويات ويدخلو الدمى بونكيو معاهم ويقدمو عرض في بدايته كويس وبعدينن جابو العيد ههه
وبهالوقت دخل صاحب المسرح كان شخص قبيح وضخم ومنظره يجيب الرعب كان له لحيه سوداء طويلة جدا تصل الى الارض وعيناه كناقوسين من الزجاج الاحمر تتوهج داخلهم النار
وكان فمه بحجم الفرن ويحمل سوط كبير من ذيول الثعالب والثعابين معا ويلقبوه ب ( أكل النار )وكان معصب ويقول لبونوكيو ...
جاي تسوي ازعاج لكن بتشوف وش بيصير لك =)
ونادى هاركلين وبنشينيلو وامرهم يججيبو بونوكيو و عالمطبخ ,,كان فيه خروف ينطبخ له والحطب الموجود مو كفايه وقال راح يحط بونوكيو مع الحطب عشان تولع النار
وبونوكيو يصرخ ويترجى ويتوسل وشويات ولا اكل النار يعطس ! >وكانت هاذي علامة انه تأثر
قال هاركلين هاذا معناه انه شفق عليك , قال اكل النار اوكي ماراح احطك مع الحطب بس انا مصر على اني اكل الخروف وهو مطهي بصورة كويس
فلكيذا راح احط هاركلين ونادى ثنين من الدمى كانو على شكل رجال شرطى وامرهم يقيدو هاركلين ويحطوه بالنار ولكن بونوكيو مارضى راح يترجى ويتوسل احرقني انا بدال هاركلين والخ
قال اوكي خلاص ماراح احرقكم ثنينكم وراح اكل الخروف وهو مو مستوي وامري لله --"

[skon aljro7]

لما سمعت العرائس عن الافراج قامت ترقص وتغني للفجر وربح اكل النار الكثير من المال وفرح وعطى بونوكيو 5 قطع ذهبيه وقال له روح لابوك
وهو بالطريق شاف ثعلبب اعرج وقطه عمياء وحاولو ينصبو عليه ويقولو له راح نعلمك طريقه تخلي ال5 القطع الف والفين
وبهالوقت جا طائر اسود يقول لونوكيو لاتنصت لنصيحة رفقاء السوء
وقبل لايخلص كلامه التهمته القطه وقالت عشان يتأدب ومايتدخل بحوار الناس
المهم قال بونوكيو وش الطريقه الا تخلي ال 5 قطع الف والفين ؟؟
قال الثعلب سهله بدال ماترجع البيت تعال معانا الى ارض البوم وهاذي الارض فيها حقل مقدس يسموه حقل المعجزات
اذا حفرت حفره وحطيت فلوسك فيها وظليت تسقيها ماي راح تشوف شجرة جميله تحمل الجنيهات كما يحمل الكوز الذره وانبسط بونوكيو وراح معاهم
وظلو يمشو لمسافات لين تعبو ووقفو في حانة جراد البحر ,
تعشو وطلبو لهم غرفتين فرفه للثعلب & القطه وغرفة لبونوكيو وقالو له صحينا بالساعه الفلانيه
وراحو تعشو ونامو وشويات اوتعى بونوكيو على صوت الباب قام وتجهز وعطى صاحب الحانه قطعه نقديه مقابل العشى والنومه وبقى عنده 4
وسأل عن اصحابه قال تقدمو عليك طلع وظل يمشي الدنيا ظلمة وفجأه حشرة صغيرة تومض ...
من انت ؟ قال انا روح الصرصار المتكلم راح انصحك نصيحة ارجع لابوك ومعاك القطع الذهبيه ال4 قبل لاينصبو عليك رفقائك ابوك مسكين وفقير وقاعد ينتظرك
بس بونوكيو مايسمع النصيحه قال راح اضاعفهم وبعدين ارجع . واختفى الصرصار
وشويات ولا يقطعو طريقه لصوص وبالواقع كانو هم القطه والثعلب ولكن لفو انفسهم بأكياس الفحم فماعرفهم بونوكيو وحط الفلوس بفمه عشان يحافظ عليهم وحاول يهرب منهم
ودارت بينهم معركة ونتيجتها انكسر مخلب القطه
وبونكيو يركض يركض ولما تعب تسلق شجرة صنوبر وماقدرو الثعلب والقطه يتسلقو , فوضعو الاخشاب تحت الشجره وشغلو النار نزل بونوكيو وتابع الهرب
لين شاف بيت ابيض ظل يطرق يطرق محد يفتح لين انفتحت النافذه وطلعت بنوته جميله شعرها ازرق وقالت مافي احد بالبيت الكل ميت قال لها اكو انتي موجوده افتحي الباب قالت
انا بعد ميته وشويات وجو الثعلب والقطه حاولو يقتلوه بالسكين ولكن بونوكيو خشبه صلب فما تأثر
فقررو يشنقوه وعلقوه على شجرة بلوط وخلوه متعرض للرياح الشمالية وقالو لبكرا بتكون مت وراحو عنه

[skon aljro7]

-


جت الطفلة ذات الشعر الازرق شافت التمثال معلق على شجرظ البلوط , وشفقت عليه صفقت بيدها 3 مرات ظهر صقر كبير تحت امرها
وامرتها ينقر الحبل عشان ينزل بونوكيو وفعلا سقط من اعلى وقالو انه حي قريب بيموت
صفقت مره ثانيه مرتين بايدها طلع كلب اسمه ميردرو وكانت هيئته هيئة السائق
قالت له اسرع ياميدرو خذ اجمل عرباتي وروح لشجرة البلوط وجيب التمثال المسكين وكعلامه لفهم الكلب على اوامر الجنيه هز ذيله 3 مرات
وفعلا راح ميدرو بالعربه اللي كان يجرها 100 فأر أيبض وربع ساعه والا هو وبيكونوكيو عند الجنيه ف بيتها
ونادت على افضل الدكاتره وقدمو 3 دكاتره وهم غراب وبومه والصرصار المتكلم وشخصو بونوكيو كل واحد شكل
وشويات يرتعش بونوكيو ويسمعو صوت صياح ونحيب واكتشفو انه حي
قامت الجنيه لمست جبينه شافت انه مصاب بالحمى فذوبت محلول ابيض في نصف كاس ماي وقالت له هاذا الدوا راح يفيدك طعمه مر ولكن بيساعدك على التعافي واذا شربته بعطيك قطعة سكر
قال لها اعطيني اول السكر واكلت قطعه وقطعتين وثلاث ولارضي يشرب الدواء
عند هاذه اللحظه انفتح باب الغرفه ودخلو 4 ارانب سوداء كالفحم يحملون نعش ,
قالبونوكيو لمن هالنعش ؟ قالو لك .
قال انا مامت ! قالو انت مريض وماشربت الدوا الحين بتموت ’ خاف بونوكيو واخذ الدوا من الجنيه وشربه على طول وتعافى

[دائما قمه]

بداية القصة يا سكون غير موجودة في المذكرة بنفس اللي قلتيه

انت جبتي القصة من نفس ملزمة الشناوي ؟
لانه بدايتها عند الشناوي على طول من يوم فكر يسوي له ولد !!

[سلطانه فارس]

المشاركة الأصلية كتبت بواسطة دائما قمه

بداية القصة يا سكون غير موجودة في المذكرة بنفس اللي قلتيه

انت جبتي القصة من نفس ملزمة الشناوي ؟
لانه بدايتها عند الشناوي على طول من يوم فكر يسوي له ولد !!

شوف محاضره ١٤ انها مفصلله :(204)

بالتوفيق

[skon aljro7]

جبت القصه من الروايه

[skon aljro7]

قالت الجنيه والحين يابونوكيو قول لي شصار معاك قام يكذب وكل كذبه يطول انفه لين صار مايقدر يتحرك من كثر ماطول خشمه قالت الجنيه الكذب ينكشف على طول
وقام بونوكيو يصيح ويصرخ وخلته على هالحال نصف ساعه وبعدها حست بالشفقه عليه صفقت بايدها وتجمع عندها الاف الطيور نقارين الخشب وبدأو ينقروا
انف بونوكيو لين رجع لحجمه الطبيعي قال بونوكيو انتي طيبه جدا انا احبك , قالت انا بعد احبك شرايك تصير اخوي الصغير واصير اختك الصغيرة
قال اوكي والبابا ؟ قالت البابا بعد نخليه يجي معانا قال جد ؟ انا مشتاق له لو تسمحي لي اروح له قالت اوكي لكن لاتتأخر
طلع بونوكيو يركض وتوقف عند شجرة البلوط لانه تخيل انه سمع صوت
وشاف الثعلب والقطه , واو صديقنا العزيز بونوكيو وقامو يسولفو شوي وسألوه عن نقوده قال انهم معي في جيبي قالو فكر ماتبيهم يصيرو الفين ؟
قال ايه لكن مو الحين بكرا الحين بروح لبابا قال الثعلب للاسف انه في سيد شرا الحقل ومن بكرا مابيسمح لاحد يدفن فيه شي , وافق بونوكيو وراح معاهم وبعد مسافة وصلو لارض
اسمها مصيدة الاغبياء وكانت ارض غريبه عجيبه ودفن ماله فيها ورجع قريته , وشويات ورجع للحقل المعجزات وهو يفكر كيف انه راح يصير غني وانيق
ورجع للحفره الا دفن فيها المال ويسقيها الماي والببغاء يضحك عليه ويرد يسقيها ويرد الببغاء يضحك عليه
شفيك تضحك ؟ قال انه اصدقائك الثعلب والقطه انتظروك تغادر واخذو فلوسك وراحو ><"
ماصدقه بونوكيو وظل يحفر يحفر يدور الفلوس بدون فايده , راح بونوكيو للمحكمة وكان القاضي فيها قرد عجوز وقص له القصه وانتظر الحكم العادل
ولا القاضي يضرب بالمطرقو ويقول خذوه الى السجن وظل بالزنزانه لمدة 4 شهور لين تغير حاكم مدينة مصيدة الاغبياء و احتفل و امر بانو السجناء كلهم يطلعو
وطلع بونوكيو

[mimi mohammed]

مشكوره على ملخص القصة ..

سؤال سريع:
الحين في ملف اضافي عن المحتوى ولا لا ؟؟
ناس تقول الملف الإضافي خاص بمحتوى القديم وفي ناس تقول حتى الجديد فيه

[راكان 1435]

السلام عليكم
بحكم تشابه محاضرات الشناوي ادب الاطفال مع الدكتور السابق ؛ هل يكفي مراجعة الكوزات السابقه والاسئله؟