[ اسئلة اختبارات ] : اختبار بحوث الأعمال "ظاهره الرحمة وباطنُه العذاب" !!

[R m z]

والله ياخوي دامك شايف أن الاسئله مستهتره بقدراتك العقليه و الفكريه و ذكائك الخارق

فأنا اقترح عليك سحب اوراقك و التقدم لجامعه هارفرد أو اكسفورد


فهي من أعرق الجامعات بالعالم ولا تقبل الا العباقره فقط مثلك و شرواك طال عمرك !!!!!



----



بيض الله وجه الدكتور و جعل ربي يسهله امور حياته و يوفقه وين ما لقى وجهه

على الأقل الطالب ضمن انه ياخذ درجات سنعه لو بماده وحده تخدمه في المعدل


كفايه بقية الدكاتره مو مقصرين !!!

[سلطان العوفي]

معقووووله فيه نااااس كذااا ...

الدكتور الحماد هو من يقااال عنه دكتور فعلا ..

متمكن من مادته نزل بالمحاضرة الرابعة عشر جزء ثان

كل هذا يريد ان نلم بالمادة من جميع النواحي ..

وفعلا من خلال متابعتي له رسخ الشئ الكثير ولله الحمد وهذي فائدتنا الحقيقية

ماااقوول الا كثر الله من امثاااله ورحم الله والديه ...

ودي اشوف بعض اجابات اللي مسوين دوافير لو الاسئلة موضوعية

لكم تحياتي ..

[الحلم1]

مو اسلوب هذا وانا صادفتني مع مادتين

[mona-a]

مع مادة فيها تعدادات كثير اكيد استخدام خيار جميع ماذكر شي في مصلحتنا

بس ما انكر الدكتور بالغ في استخدام هذا الحل و فكرة (أ،ب) بشكل يشتت

[abu loulwah]

المشاركة الأصلية كتبت بواسطة امورة وايد

حسبي الله ونعم الوكيل

بالله هذا موضوع
قلت العقل مصيبه

+one

[ابو عزام]

انا بنظري الدكتور اسئلته نفس الاسلوب بالضبط الترم الماضي واللي قبله .

ماهو لازم الاسئله تعجبنا كطلبة انتساب ولاهو لازم نجاوب 50 سؤال صح .

ابتعدوا عن التشاؤم وخلوكم متفائلين .

ان نجحنا بتوفيق من الله وان حملنا المواد هذا من فعل انفسنا .

يعجبني موضوع انطباعك بعد الاختبار وامقت اي موضوع يتجاوز هذا الامر .

الدكتور كتب اسئلته بنفس الاسلوب والطريقه الترم الماضي واللي قبله واتوقع ان الطالب اللي قرا اسئلة الترمين الماضيين ينجح بأذن الله .

اذا لم نحصل على 70 درجه نسئل الله ان لايحرمنا 30 درجه من الاختبار .

كلنا نتذكر مبادئ الاحصاء ونكبة النجار ونجحنا بفضل الله ثم بمساعدته .. ويصدمنا بالترم اللي بعده بأنه يجيب الاسئله حتى بنفس الارقام .

كونوا متفائلين واحسنوا ظنكم . فسؤ الظن يولد الحقد والحقد يولد التشاؤم والتشاوم يولد الفشل الفادح .

تقبلوا ودي واغلقوا هالموضوع واحذفوووه بعيداً حتى لايقولون الدفعات القادمه بأننا متشائمون .

[الحل الصعب 14]

فيه ناس متناقضين صراحه ماعاد عرفنا لهم !!

الله يجزاه خير ويكثر من أمثاله

[مايميزني نك]

اولاُ السلام عليكم
وصباح الخير
احب اوجه رسالتي للدكتور الله يبيض وجهك ويكثر من امثالك التي نادر وجودها وانا خريج واشكرك من كل قلبي على اسئلتك الاكثر من الرائعة والله يوفقك ويفتحها في وجهك وين مارحت
وبالنسبة للطلبة اللي يقولون انه مستخف فينا عشانه حاط لكم اسئلة سهلة لعن ابو ابليسكم استحو على وجيهكم
الدكتور ان حط اسئلة صعبه رحتو شكيتوه ودعيتو عليه وبهذلتوه
وان حط اسئلة سهله قلتو مستخف فينا على اساس انكم طلبة من طلاب اليابان متعودين على الاسئلة الصعبة وانتم ماذاكرتو الا اسئلة اختبار الترم اللي فات وجايين الاختبار انا افضل ان الموضوع يغلق لعدم الفائدة منه

[عيد الشمري]

الله يجزا الدكتور خير , والله ماقصر

وياليت كل الدكاتره يقتدون به والله رجال طيب ومقدر الطلاب والطالبات الي عمده

[عيد الشمري]

المشاركة الأصلية كتبت بواسطة مايميزني نك

اولاُ السلام عليكم
وصباح الخير
احب اوجه رسالتي للدكتور الله يبيض وجهك ويكثر من امثالك التي نادر وجودها وانا خريج واشكرك من كل قلبي على اسئلتك الاكثر من الرائعة والله يوفقك ويفتحها في وجهك وين مارحت
وبالنسبة للطلبة اللي يقولون انه مستخف فينا عشانه حاط لكم اسئلة سهلة لعن ابو ابليسكم استحو على وجيهكم
الدكتور ان حط اسئلة صعبه رحتو شكيتوه ودعيتو عليه وبهذلتوه
وان حط اسئلة سهله قلتو مستخف فينا على اساس انكم طلبة من طلاب اليابان متعودين على الاسئلة الصعبة وانتم ماذاكرتو الا اسئلة اختبار الترم اللي فات وجايين الاختبار انا افضل ان الموضوع يغلق لعدم الفائدة منه

افضل رد على الموضوع شكراًُ لكاتبه