[ اسئلة اختبارات ] : انطباعكم بعد اختبار انشاء وتعبير 2

[raraalshrey]

يااارب الكل ياخذ الدرجه اللي يتمنى... صراحه خوفتوني من الدكتور عندي يوم الثلاثاء انشاء 1

ماادري ايش قصة الدكاتره مع التاتو ... يعني اللي استنتجته انو مركز على القطع ...وهل الفرغات الاغلبيه كانت كلمات او حروف جر

والله من جد ارتعبت من الماده

[Lamar2]

أنا نيلت في الماده برضو
بس الدكتور سوا اللي قال !
يعني قال ركزو عالقطع والمفردات راح تنجحو بدرجه طيبه وركزو على قطعة التاتو
وفعلا هدا الا حصل بالإختبار

بس هو كدكتور سئ شرحا وأسلوبا

مااااااا يعرف إنجليييييييييزي إحنا أحسن منو

[بخت الغرور]

مدري ليه السعودي يتزبل كذا
حسبي الله ونعم الوكيل بس

[شيخة الحسن]

امتحان بااايخ اللي ركزنا عليهم ماجاب منهم شي

الله يسستر بس اهم شي نعدي

[вяιgнт мσση]

المشاركة الأصلية كتبت بواسطة babz

عمار المعاني ، دكتور بماتحتويه الكلمة من معنى ، متمكن من المواد الي يدرسها
وشرحه جدا واضح الله يجزاه خير ، ودايم اطلع من مواده وعندي كمية معلومات ممتازة واستفيد !
بس يصدمني بالاختبارات

ادخل اختباره وانا اقشم فصفص من كثر الثقة وان المادة سهلة
بعدين اشد شعري باسئلته الي تجيب المر

حبيت اقشم فصفص من كثر الثقه

والله صراحه كلنا حسينا بفرق باسلوبه في 3 مواد الي هي ( مقال ، صوتيات ، مهارات التحدث ) كانت جميله بمعنى الكلمه .

بس ان شاء الله حظكم يكون احسن مننا وتكون اسهل واسهل ، والواحد لازم يكون متفاءل مهما كان دكتور الماده كويس او سيء .

بالتوفيق لكم جميعا ..

[Rasta]

[بسمة22]

بصراحة كلمة حق من اول وهي في صدري لكن بعد كمية هالمحشة على الاستاذ لازم اقولها لان الساكت عن الحق شيطان اخرس
الامتحان هذا من اسهل الامتحانات اللي ممكن تجي طلاب في السمستر الاول
الدكتور شرحه سيئ وعنده كميات اخطاء لكن بالنسبة للامتحان جزاه الله خير والله ما قصصصصصصصصصصصصصصصصصصر نهااااااااااااااااااااائيا الا في شي واحد هو انه ما ماكان فيه تنويع وهذا الشي مو بس هو اللي سواه امتحنت ادب والدكتور فوزي بلع كم محاضرة ولا جاب منها بتاتا البته امتحنت قضايا ونفس الطريقة يعني مو بس هو اللي سوا كذا اما في مستوى الصعوبة فكان سهل جدا ولا يرقى لمستوى رابع حتى
الاستاذ نبه عالمفردات وجتنا المفردات نبه على قطعة التاتو وجتنا التاتو حذف لنا قطع وغيره ماحذف ولاشي وموادهم دسمه وغثييثة زي الادب
وش بغيتوا اكثر من كذا ؟؟ يجي يحل الورقة لنا مثلا؟؟
ولا بغيتوا دكتور زي عمار المعاني يشربكم الانجليزي شرب وفي يوم الامتحان تاكلون منه اكبر كف في حياتكم ؟
امركم عجيب يا مستوى رابع اتقوا الله ولا تدعون عالاستاذ واللي يقولون انتم عندكم لغة لا والله ما عندنا لغة لكن اكيد فيه خلفية للمادة ولا ماكان تخصصنا انجليزي لان اللي ما عنده خلفية كانه يحفر في صخر
وهذا مو معناته انو استحالة ينجح او يتعلم لا بس اكيد راح يكون بصعوبة خصوصا في البداية ومع الاجتهاد وتطوير الذات والمتابعه راح يتقدم اما اللي ماعنده ما عند جدتي ولايفتح الكتاب الايوم الامتحان ولا قبله بكم يوم ويجي يعترض عالاسئلة فاتوقع انه ظلم نفسه قبل لا يظلم الدكتور
وهذا الشي كل واحد المفروض يعرفه وانا والله ما اقصد اني اقلل من شأن احد لكن حبيت اوضح بعض الامور اللي يمكن ما انتبهتوا لها.
وفي الاخير اتمنى لكم كل التوفيق وكل النجاح في الامتحانات القادمة

[Lamar2]

طبيعي طالما شرحو سئ ومو بس شرحو , أصلا ماهو داري عن الماده هوا اللي يسأل الطلاب !
طبيعي تكون أسئلة الإختبار تافهه وسهله ويساعدنا
من مصلحتو !
لو عمل العكس حتيجي على راسو

[ذكرى محمد]

المشاركة الأصلية كتبت بواسطة سامي-

الحين راجعت القطع من جد الدكتور يقول انجحو لكن ....
ع العموم تذكرت يوم تجي للهندي حق البقالة تقول له عندك شطه يقول لا ما عندك
هذا مثلنا الضمائر وحروف الجر الله بالخير .,,

ضحكتني وش جاب طارى الشطة والهندي

[ريم الفلا 33]

السلام عليكم جميعا / بصراحة انا اضم صوتي لصوت الاخت بسمة 22 . الاختبار كان جدا سهل للي مذاكر طبعا والمادة من الاساس كانت سهله واصلا المادة عباره عن قطع وكلمات وبعدين فين القرامر اللي يقول عنه البعض ؟؟؟ انا مااذكر ان المادة فيها قرامر . الاسئله كانت سهله لكن عيبها عدم التنويع وكانت اكثر الاسئله عن القطع والقليل منها عن المفردات صح ان اسلوبه اختلف عن اسئلته العام وكانت العام مو بس سهله الا وصلت لدرجة التفاهه من سهولتها يقولك الجواب انا هنا قدامك مافي غيري بالاختيارات . اما هالسنه غير اسلوبه مع انه لو تلاحظون فيه كثير من الخيارات اتبع فيها نفس اسلوبه العام يعني تجيك كل الخيارات خطأ الا واحد هو اللي صح يعني الزامي تختاره هو .
والدكتور الله يجزاه خير ذكر بالمحاضرة المباشرة اننا نركز على حروف الجر بالقطع و فعلا كان اكثر اللي الفراغات عن حروف الجر صح ان بعضها يلخبط لكن اللي ذاكر اكيد راح يحلها .
بالنسبه لي انا اشوف ارحم من غيره عالاقل ماطلع من المنهج .
والجاي احسن ان شاءالله شدو حيلكم .بالتوفيق للجميع