اي شيء يصعب عليكم في المحاسبه تعالو هنا

[أبو راكان.]

الطرف الخجول



اصارع النعاس مدري صعب عليك شيء أو أنام

اصحى صلاة الظهر إذا فيه اسئله اخدمتكم في حلّها في ذلك الوقت





سامحوني إن قصّرت مع أحد

و أدعوا الله أن يوفقنا جميعاً

[ابو منيف]

المشاركة الأصلية كتبت بواسطة أبو راكان.

يقول يستهلك بطريقة مضاعف القسط الثابت

لاقلنا 1/4*100=25%

25%*2=50%



عيوني فهم السؤال نصف الإجابه لا تصير مستعجل اقرأ السؤال مرتين أو ثلاث قبل تجاوب نصيحة اخ لأخوه

يارب عساك تنجح وتعرس وتوظف وتيسر امورك نسيت وتجيب معدل 4.6 ان شاء الله

[أبو راكان.]

المشاركة الأصلية كتبت بواسطة ابو منيف

يارب عساك تنجح وتعرس وتوظف وتيسر امورك نسيت وتجيب معدل 4.6 ان شاء الله

آمين بس سالفة تعرس تكفى لا تقوله

ترى تزعل ام راكان و أنا ما أقدر على زعلها

[ŠəήśнάΪяо ˝]

الله يوفقكم وفالكم +a

[الطرف الخجول~]

المشاركة الأصلية كتبت بواسطة أبو راكان.

الطرف الخجول



اصارع النعاس مدري صعب عليك شيء أو أنام

اصحى صلاة الظهر إذا فيه اسئله اخدمتكم في حلّها في ذلك الوقت





سامحوني إن قصّرت مع أحد

و أدعوا الله أن يوفقنا جميعاً

لا خيووووووو نام مرضى تروح مواصل ههههههههههه

انا شبعانه نوم وبحرمك النوم ولووووووو شايفني نذله

ولذحين اموري تمام واذا عندي صعب باجلها للظهر

نام نوم العوافي

<واقول بتروح معي القاعه فزعه بس ولا عشان <~ اعترف

[أبوسعيد]

الله يعطيك العافية يا أبو راكان ويخلي لك أم راكان

ما قصرت مع الزملاء

[ليثاوي الرياض]

أبو راكان
جزك الله كل خير

اسمك و افعالك و توجدك و اخلاقك شي كلنا نفاخر و نفتخر فيك

[@بناتي حياتي@]

صبااااح الخيرات ياناس في شي مجنني وش الفرق بين المركز المالي وقائمة الدخل ألحين مثلا الشي اللي ينقص ينحط في قائمة المركز المالي والا الدخل يعني مثلا عطاني جدول في الجدول مدين ومافيه اعداد في خانته ودائن وموجود فيه 8000 وفي الملاحظات الجرديه مكتوب ايراد العقار الشهري 500 ريال ولقد تم تحصيله ابتداءا من 1/4/1432
س1/ مبلغ ايراد العقار المقدم الذي يجب ان يظهر بقائمة المركز المالي في 30/12/1432؟
أ/3500 ويظهر ضمن الخصوم
ب/4000 ويظهر ضمن الاصول
ج/4500 ويظهر ضمن الخصوم
د/3000 ويظهر ضمن الاصول
سؤالي كيف أطلع الناتج وكيف طلع

[دلال الشمال]

وانا بعد جنني نفس السؤال حاولت بكل الطرق ومالقيت نتيجه

اللي متاكده منه انه يظهر ضمن الخصوم المتداوله

يعني الاجابه (أ) او (ج)

[أم ديم]

المشاركة الأصلية كتبت بواسطة أبو راكان.

أول شي اختي ام ديم

علشان تعرفين أكثر في المحاسبه ابي اعطيك كم فكره وابيك تحفظينها مثل اسمك

تخيلي قدامك سبّوره مثلا

أوكي

اقسمي هالسبّوره إلى قسمين بالنص يعني قسم يمين و قسم يسار

القسم اليمين أكتبي عليه من فوق مدين

القسم اللي يسار اكتبي عليه من فوق دائن

الحين صار عندنا سبّوره مقسومه قسم يمين ( مدين ) وقسم يسار ( دائن )

اللي يمين اكتبي فيها الحاجات هذي
مخزون اول الفتره
المشتريات
مردودات المبيعات
مسموحات المبيعات
الخصم المسموح به
وقدّام الحاجات هذي تكتبين إلى حـ /
مثلا : إلى حـ / المشتريات ،، إلى حـ / مردودات المبيعات

الحين هذي كلها وين موجوده أكيد تعرفين ان هذي الحاجات موجوده في ملخص الدخل
يعني كل اللي مكتوب عليها إلى حـ /
تكون طرف ثاني في القيد ( والقيد طبعاً اسم للي تقولين مانتي فاهمته اللي يتكون من حـ / إلى حـ /

طيب مدام هذي كلها مكتوب قدامها إلى حساب / مردودات مبيعات إلى حساب مشتريات أجل من حـ / وش بتكوووون

أكيد بتكون من حـ / ملخص الدخل ـــــــــــــــــ إلى حـ الأشياء اللي قلت لك

وهذا يسمونه إقفال الحسابات ذات الأرصده المدينه (( لا تنسين القسم الأيمن من السبّوره المديييييين أوكي ))

خلصنا الحين من المدين واللي في الجانب المدين اللي قلت لك فوق كلها قدامها إلى

نجي الحين للقسم الأيسر من السبّوره
وأبيك تخلّين الحاجات هذي ثابته عندك إلى أن تفهمي كامل الموضوع وبعدين أعلّمك فن المحاسبه عشان ما تنخدعين في اسئله الامتحانات

الحين نروح وين ؟؟ الحين نروح للقسم الثاني اللي يسار . لا تنسين السبوره

نكتب على القسم اللي يسار دائن ونحط فيه الحاجات هذي
من حـ / المبيعات
من حـ / الخصم المكتسب
من حـ / مسموحات المشتريات
من حـ / مردودات المبيعات
من حـ / مخزون آخر المده

ومدام هذي الحسابات المبيعات والخصم المكتسب و مسموحات المشتريات ومردودات المبيعات ومخزون آخر المده كلها مكتوب قدامها من حـ/

أكيد بيكون الطرف الثاني هو ملخص الدخل لأننا إلى الحين في إقفال الحسابات في ملخص الدخل

يعني نكتب من حـ / المبيعات مثلاً ـــــــــــ إلى حـ / ملخص الدخل

هذا اللي يخص اقفال الحسابات في ملخص الدخل

بعدين نجي لإقفال الرصيد في ملخص الدخل

يعني اذا كان عندنا ربح اكيد بيروح لحساب المالك ونكتبه كذا

من حـ / ملخص الدخل ــــــــــــــ إلى حـ / راس المال

لكن لو خساره مثلاً

نكتبه كذا
من حـ / راس المال ــــــــــــــ إلى حـ / ملخص الدخل

لأن رأس المال هو اللي يتحمل الخساره ولازم نعوّض الخساره اللي صارت في ملخص الدخل


إذا فهمتي الشرح أعلاه راح نكمل و نشرح زياده لأن هذي أساسيات







مخزون آخر المده يظهر في ملخص الدخل وقائمة المركز المالي بجانب الاصول كذالك عشان ما يصير عندك لبس بعدين

ابو راكااااااان كمل الله يوفقك وضحت لي المعلومات هاذي