[ محتوى مقرر ] : (( مـادة المقـال - Essay ))

[shadow22]

الله يسعدك يا غدو ويوفقك دنيا واخده ويسعد كل جز فيك

[ميمي كساب]

المشاركة الأصلية كتبت بواسطة ~Ghada

وهذا الملف النهائي بعد إضافة الكوفر
من الأخ سليل المجد




يلا ذاكروا

تابعت معك أول بأول وإن ماكانت لي ردود كثيرة بموضوعك لكن والله أدعي لك يوفقك ويسهل لك مثل ماساعدتينا وحببتي الماده بشكل مش طبيعي أبدا...

وأسأل الله ما يضيع لك تعب وياخذ حقك من كل اللي اخذوا تعبك وينسبوه لأنفسهم.
((هنيئا للمظلوم بالجنة))
أسأل الله يتحها عليك ويوفقك وييسر لك مثل مايسرتي وساعدتي بهالمادة.

دمت بود

[أم نورة]

كلمة شكر ماتوفيك حقك .. ربي يوفقك ويسهل عليك كل اختباراتك و لأعلى المراتب يااارب

[وفاء الشمري]

ربي يسعدك ويحقق امانيك غاده

[ترآنيم الغلآ]

عسسسى يدينك ماتمسسها النآر يعطيك ألف عآفيهه

[هاني 1]

الله يجزاك خير ويوفقكك ياااااااارب

[حماااده]

هذرة لاربع المحاضرات الأولى

-شرح عربي سريع ، بمحاولة قدرة الاستطاعة للتنسبق

- إجابة مسبقة :مدري وش بيجي في الاختبار ، لاني مدري كيف الدكتور بيسأل اسئله

بس اللي اعرفه ان الهدف من التعليم هذي المادة انك تكتب مقال + تعرف كيف تقرأ المقال بسهولة ،

-يعني ممكن الشرح ما يفيدك في حل الاسئـلة

انا اشرح بشكل عام ولا اشرح خطوه خطوة بس ادور حول المعلومات اللي في المحاضرة

---------------------------------------------

المحاضرة الأولى والثانية والثالثة

البرقراف : paragraph

هو مجرد جملـة او اكثر بشرط انه يحمل فكرة ويشبعها ، تجي مثل الإجابة على سؤال بشكل قصير ،

وتجي بشكل طويل مثل كتابه المقاله او كتابة الكتاب ،

اذا جيت تكتب برقراف فلازم دائما تبدا ( بمسافة خمس احرف (كمبيوتر او من كتابة يدك ) ) <الزامي

--------------------------

البرقراف اللي تبع المقال :

لازم له جملة الموضوع The topic sentence

+ جمل داعمـه Supporting sentences

+واحيانا يكون فيه The concluding sentence

سبق ودرستوا هذي في الانشاء

-----------

، اول شيءقبل ما ندخل في الأولى لازم تعرف العنوانtopicهومختلف عن جملة الموضوع The topic sentence يعني لا تخلط بينهم

مثلا الحين لو أقول الذهب < هذا اسم ،

او أقول الذهب الممتاز < هذا يعتبر عنوان فقط

يعني بالعادة ما يكون في الجملة ( فعل )

مثال Ahmed who the best one in the world

هذا يعتبر عنوان Topic

ولا يعتبر جملة توبك لانه ليست جملة مافيها فعل

اما The topic sentence عبارة عن (جملة كاملة : ودرسنا الجملة الكاملة في المنظومة النحوية ) مثلا يقولك الذهب يمتاز بثلاث خصائص < هنا حط لك ( ايش بيتكلم عنه ) انت الان فهمت ان البرقراف حقه بيتكلم عن هالثلاث فهنا تسمى جملة العنوان او تسمى الفكرة الرئيسة main idea نه

وعندنا بالمنهج مسمى اخر للفكرة الرئيسة في جملة الذهب يمتاز (بعدد من الخصائص ) < بـ CONTROLLING idea < يعني الفكره اللي تتحكم بالعنوان

A topic sentence contains both a topic and a controlling idea.

عادة جملة العنوان ( تكون اول جملة ) في البرقراف الوحيد ( مو في المقال اللي يتكون من برقرافات بعدين تنتكلم عن المقال) بس بشكل عام الغالب هي اول جملة بس أحيانا لازم تفهم البرقراف كامل علشان تستنتج وش الفكرة تبع الموضوع ،

وهذا شيء يساعدك في الاختبار : في حال عدم معرفتك وش جملة التوبك شف اخر جملة ، ممكن تساعدك في فهم ايش التوبك وتعرف وشو الخيار المناسب بس طبعا اخر جملة يعتبر ( الجملة الختامية ) بس هذي الجملة أحيانا تعيد الفكرة الاصلية للتوبك

من شروطـه الجملة الموضوع : ما تكون تفاصيلة محددة مرة

too specific احمد يلعب كورة

ولا تكون too generalالذهب ممتاز

Gold is good < هذي جملة كاملة ( فيه مساعد الفعل is بس مشكلتها ما تصلح جملة التوبك لانها جملة ( عامة )

Good gold < الذهب الممتاز < هذي تعتبر topic مو جملـة يعني تصير incomplete ليست جملة كاملة

***********************

معلومات إضافية :

وعلشان تتعلم كيف تكتب ( جملة التوبك في (المقال) بأفضل الأساليب )

الجمل اللي تبدا كذا

There are many reasons to (bla bla bla)
there are two reasons of .. .
بدل reasons
(ways ) or (different … of) (benefits of ) )cons of – pros of

There are many reasons why we have to learn English
There are three reasons why Ahmed is good friend
اقدر أقول
Ahmed is good friend because ( he is helpful , friendly , smart )
واتكلم عن الثلاث صفات هذا ما يعتبر
specific too
ولا يعتبر عام
too general
فيكون توبك كويس ومقبول
**************************************
-------------------------------

الجمل الداعمة للفكرة Supporting sentences ، هي اللي تكون بوسط البرقراف الواضحه منها بنتعلمها في المحاضرات الجاية بس هي اللي تبدا بمقدمات بالعادة زي firstly , second , then , next

also + in addition .. الخ

بس أحيانا لازم تفهم البرقرراف علشان تعرف انه انتقل لجملة داعمه أخرى ،

---------------------------------------------

The concluding sentence

هذي تعتبر الجملة الختامية ، هي عبارة عن اعادة نفس جملة العنوان The topic sentenceولكن بمفردات ثانية

او تجيك على شكل مبسط للفكرة بذكرها من الأولى للاخيرى بشكل خلاصة

وتجي بهالحاله أطول ، وتكون (بالغالب) هي اخر جملة

ومن شروطها ما تفتح فيها سالفة جديدة ،،تجيب فكرة جديدة ،

في ( البرقرافات اللي بالمقال ( المقاله = 3 برقرافات او اكثر اتوقع ).. ما يحتاج انك تحط لكل برقراف منهم خاتمـه ) ليش لان أصلا المقدمة لحالها لها ( برقراف مستقل ) والخاتمه لها برقراف

****************************

تعليق خارجي : أصلا لكل برقراف في Essay عدا المقدمة والخاتمه (فكرة أساسية يعني جملة التوبك) في بعض المقالات فكذا البرقراف اللي يكون في الBODY <بالعادة تكون له جمله ختامية هذا حسب ما تعلمته ويعتبر من افضل المقالات الاكاديمية اذا حطيت كذا ( المقصود بالبودي < اللي يكون ثاني برقراف وثالث .. الخ المهم ما يكون لا الأخير ولا الأول ) طبعا ( برقراف المقدمة ( الأول ) يكون جملة العنوان الذيسس حقته شاملة لكل الأفكار اللي في البودي)

*****************************

----------------------------------------------

Synonyms في المحاضرة الثانية المفردات < مدري وش الشطحه هذي في المنهج

بس بيقولك ان المفردات أحيانا ما تعني نفس معنى المفردة

بحيث لو اقولك ، قبيح ، او أقول غير جيد ( قبيح ) < فيها جراءة ، وغير جيد < فيها مجاملة

---------------------------

هذا سبق وشرحتـه بس اقتبـسه لانه ممكن يجيب عليه أسئلة ! اذا كان دكتور نص

A concluding sentence serves two purposes:
1. It signals the end of the paragraph.
2. It leaves the reader with the most important ideas to remember. It can do
this in two ways:
• By summarizing the main points of the paragraph
OR

• By repeating the topic sentence in different words.

---------------------------------------------------

في صفحة 10 كملف بي دي اف او صفحة 9 كرقم من ملخص غادة

محطوط الكلمات اللي تساعدك في إيجاد الجملة الختامية

اللي بفاصلة وبدون فاصلة

ترى هم يقصدون اذا جت في الأخير ،

لان therefore و thus < هذي تجي بالوسط هي بدل So وسبق وتعلمتوها وهي من اساسيات الانجلش ولكن اذا جت بالاخير بدون مناسبه لجملة اللي قبلها تفهم بانه يقصد ( بشكل عام للأسباب اللي سبق ذكرها )

اما اللي بدون فاصلة ( مجرد انك اضفت ( that طبيعي تكون بدون فاصلة

بس هذي الخواتيم وواضحـه من الصياغة وش تعني

كانك تقول بالعربي : واتضح لنا أعلاه انـه ... واتضح لنا انه .. من هذي الأمثلة عرفنا انه .. .

-----------------------------------------

المحاضرة الرابعة

Unity كلها خربوطـه < لا تهتم فيها

هذي من مميزات البرقراف ( الوحيد )، انك ما تشطح

مثلا جملة الموضوع ( التوبك ) انت قايل انك بتتكلم عن فوائد الانترنت ، ما تشطح وتتكلم عن اضرارها انت لازم تقرر انك تتكلم عن فكرة وحدة في كل برقراف وليس في كل المقال

ووترى أحيانا تكون فيه أفكار مترابطه في نفس البرقراف اذا كانت الفكرة تتصل مع الفكرة الثانية بشكل صحيح

************************

زيادة معلومات خارجية :

مثلا انت تكتب مقال ، والمقال طبعا ( من اكثر من برقراف ) وتبي تكتبها عن اضرار وفوائد الانترنت < مع بعض هذي الفكرة الأساسية Thesis Statementبندرسها بعدين ،

البرقراف الأول بيكون المقدمة اللي فيها Thesis Statement

البرقراف الثاني ( الأول من البودي ) تكلم فيه عن الاضرار والبرقراف الثالث ( الثاني من البودي) تكلم فيه عن الفوائد ، بعدين في الأخير الخاتمه ،

ولكن بعض طرق المقالات ( مقالات المقارنة )

تقدر تتكلم بالبرقراف الوحيد عن الفائدة + الضرر اللي يقابلها ، مثلا تتكلم عن سهولة الحصول على المعلومة الانترنت وفي المقابل عن الحصول على معلومات كاذبة ،

******************************

وفيه نوع من الشطاحات اللي تكلم في ( الجمل الداعمة ) ، مثلا جالس تتكلم عن سهولة السفر في العصر الحالي ، وجبت جملة تدعم فكرتك سهولة الموصلات ، وجود السيارات والطائرات ثم شطحت وجلست تتكلم عن أنواع الطائرات وعدد الكراسي فيها !!

----------------

هنا السؤال الوحيد اللي حسه ممكن يجيب لكم ( مقاله ويقول طلعوا الجملة الشاطحة )

sentences that are off the topic < هذي ضيعتها

او يقول unrelated لا علاقة

او يقول not related

----------------------------------------------------------------------------------

Coherence

هذي تعني hold together

خايف يكون دكتور نص ويجيب من هالخرابيط

المهم الانتقال من جملة لجمله لازم تكون منطقية ومتسق logical and smooth

ويجي هالتماسك مع

1. Repeat key nouns. كرر المفاتيح الأساسية ( حسب البرقراف عن شخص او عن جماد او عن غير محسوس )
2. Use consistent pronouns. استخدم الضمائر المناسبة ( يعني تكون الضمائر العائدة مناسبة قرامريا )
3. Use transition signals to link ideas. استخدم إشارات التنفل من الأفكار
(Next , first , however , …) مثال

4. Arrange your ideas in logical order. رتب افكارك منطقيا

ونتكلم عليهم بالتفصيل

---------------------------------------

رقم واحد Repeat key nouns. انك تعيد الاسم اللي يتكلم عنه الموضوع افضل لك وهو يقول ( اسهل طريقة لتحقيق التماسك) استخدام الاسم بدل الضمير

، بس معلومة خارج المنهج ما ذكرها " اللي تعلمته انه شين كل شوي تعيد الاسم اذا كنت تقدر تغير

مثلا بتتكلم عن صديقك ، أحيانا تتكلم عنـه بـ ahmed + he + my friend او توصفه بصفة سبق وتكلمت عنها ،

علشان يكون المقال حقكك ( افضل وتاخذ عليه درجه اقوى ( في الايلتس ولا التوفل )

-----------------------------

اما رقم اثنينUse consistent pronouns موجود مثال في صفحة 14 كملف بي دي اف و13 كمطبوع في ملزمة غادة مثال بسيط عليه وهو واضح من اسمه يعني تستخدم us في المكان المناسب وتستخدم their او have .. حسب الاسم اللي تتكلم عنه

فمثلا تتكلم عن الذهب ، اكيد الضمير اللي يعود له it ، مو تشطح

--------------------------------------------------------------------------

انتهت اربع محاضرات

وانتهيت من 15 صفحة

صراحة نسبة اني اكمل 20%

لاني صراحة اكتشفت اني جالس اهذري ولا أتوقع ان الشرح مفهوم او يبي يضيف شيء

اذا كان عندي وقتـ في الدوام كملـت الهذرة

شرحي جاء من الاقتباس ملزمة غادة + فيصل < وشوله تفتح ملزمتين < كنت ابي احدد وين اذاكر من أي ملزمة ، بس كل واحد يقول ان الاكوس

المادة ما اشوف فيها شيء ينتذاكر حتى الان

انا سبق واختبرت هذي في معهد

الطريقة كانت

الجدول الموجود في المحاضرة الخامسة 40% منه ألاسئلة

10% استخرج العنوان والجملة الختامية

50% اكتب مقال

بس هنا أخاف تجي المادة نص

بالتوفيق ،

وشكرا لك غادة على هذه الملزمة وفقك الله

[كارزما]

.
.


يسعدك ربي كمل .. ويخلي أحمد البست مان في الكون كله .

[استغفرررالله]

حماااده أو غاده نداء بليز
الواجب الثالث آخر سوال الي اي جمله متوازيه من وين جاء هذا السؤال المحتوى كامل مافيه أي موضوع عن توازي الجمل بالله ممكن شرح هالنقطه

[حماااده]

^ ما حليت الواجبات الى الحين :| ولا ادري عن المنهج كله بس شرحت اللي درسـته ،
ولا أتوقع اني بذاكر المنهج الا باليوم الفاضي اللي قبل الاختبار

لاني ادرس ( ادب عصر النهضة تبع المستوى الرابع + فكر +ادب 17 +ظهور الروايه ) < كلهم مشتركين :( قمة اللخبـطة