[ جميع الأقسام ] عن ايش يتكلم اختبار القبول للغهـ الانجليزيهـ ؟

[حلوة ودلوعة]

العفو طالبه جامعيه ولو خوات نعين ونعاون
بس حبيت اضيف شئ نسيته انه الاسئله تتبدي سهله وتقوم شوي شوي تصعب يعني اول مابدات حليت لي كم سؤال بس بعدين بدت تصعب وكل ماصعبت حسيت نفسي ضايعه يعني الاسئله تدرج وثاني حاجه حتى لو وحده شاطره مره على هالوقت مايمدي لانهم كثير55 فقره بس اهم شئ الخوف ارميه ورا ظهرك مهما كان يعني كل اللي عليكم تسونه تذاكون قرمر اهم شئ وتقوا الانجلش عندكم ودخلي الاختبار وانتي مطمنه والباقي على الله لانك سويتي اللي عليك علشان حتى لو ماطلع اسمك ماتلومي نفسك

[ارتـــواء.]

المشاركة الأصلية كتبت بواسطة احتواء

السلام عليكم ورحمة الله وبركاته ..
ربي يوفقك كل بنت ويعطيها على قد نيتها .. حبيت بس ارد عالموضوع بما انه انقلش
اختي الغالية حلوة ودلوعه ..
بما انك اختبرتي وربي سهلها عليك وتقولي انو الاختبار صعب ومفردات غريبة ..
انتي من خلال معلومات ودراستك السابقه . والانجليزي بالنسبة لك صعب سابقا !!
والااختبارات السابقه سواء كانت ثانوي او متوسط , او الانجليزي العام في الكلية .
كنتي تاخذين فوول مارك . هل كنتي تفهمين الدكاترة.. بس حبيت اعرف مستواك بالانقلش
لأن البنات اللي معي يقولون مو صعب كثيير . اللي يصعّب الاختبار رهبته فقط واذا كان مستواك ممتاز فبتدخلين
بسهوله .. هذا والله أعلم . .
حنّا بنقدّم اختبار والله يستر ومتفائلين كثيير . . .

أولا أنا مع كلام أختي : حلوة ودلوعة باللي قالته لأن فعلاً ما كان في تنظيم وكان توتر وإزعاج وكل شوي تدخل أستاذة وتقولنا تعليمات وتطلع واللي تدخل تهاوش يعني يمكن ربع أو نصف الوقت راح على هاالأشياء غير أن الوقت فقط 45 دقيقة على تقريبًا 60 سؤال آخر شيء منها كان قطعة. طبعًا بعد كل هالأشياء يعني يوم جيت أبدأ أحل طالعت الساعة إلا ما بقى إلا نصف ساعة وقدامي 60 سؤال! وبغض النظر عن سهولة أو صعوبة الأسئلة الوقت غير كافي. في البداية سميت بالله وبدأت أحل وأغلب الكلمات كان فيها صعوبة مع أن اللي أحله كان قرامر يعني شيء مايقيس المفردات, وأنا أحل إلا يقولون الوقت قرب يخلص أنا انصدمت لأني باقي أوراق كثير ما أدري كم عددها فضلاً عن القطعة اللي في النهاية طبعًا ما قرأتها, أخذت أحل أي شيء بس عشان أسلم الورقة, يعيني الحين أنا ما أقدر أحكم على الامتحان لأن نص الأسئلة ما قرأتها لكن الأشياء اللي قرأتها فعلاً كان فيها صعوبة ويمكن التوتر صعبها زيادة., وطلعت من الاختبار وأنا مصدومة كليًا..
أقول هالكلام مو لأني مو شاطرة في الانجليزي أو يعني بالعكس أنا كنت شاطرة فيه في الثانوي جبت فيه 100 والمواد العامة الثلاثة كلها جايبة فيها a+ وبالراحة بعد,وأفهم على الأستاذات بسهولة في مواد الأنجليزي العامة حتى الحين يوم تخصصت ما أشوف أنه صعب, وللعلم قبل الاختبار اختبرت نفسي من اختبار في النت حق اللي بيدخلون أرامكو وكان 60 سؤال وجبت فيه 50 من 60 يعني أنا دخلت الاختبار وأنا واثقة,حتى أستاذتنا إنجليزي يوم ناقشناها في الاختبار قالت أنا أطلعت على الأسئلة وفعلاً كانت المفردات صعبة, يعني الاختبار ما كان على مستوى الطالبات. أنا ما أبي أخوفكم لكن هذا اللي صار وأهم شيء حلو جميع الأسئلة..
وعذرًا على الإطالة,, بالتوفيق لكم..

[احتواء]

الله يعييينا . ويوفقنا . وانشاءالله يسهلوو الاسئله شووي .. انا عنددي كتاب انجليزي للانقلش العام اسمه
نورث ستتار وللعلم ومو هذا الكتاب اللي درسناه غيرووه ...
ينفع اذاكر منه قرامر وهالاشياء اللي داخل ؟؟؟

[حلوة ودلوعة]

trustful girl ثنكيوو من جد هذا اللي صار حتى الكل قال انه مو على مستوى قدراتنا هذي الاسئله لناس متمكنين ويالله يحلوهم لا تخافوا ترا حظ خخخخخ بس سوا اللي عليكم ذاكروا والباقي اللي ماتعرفونه اختاروا وبس

احتواء ذاكري من المواقع فيه شرح للقاعدات الان مايحضرني اسم المواقع بس اذكر اني راجعت اغلب القواعد من المواقع مره فادني وبعدين رجعت للكتب اذا قدرتي توفري كتاب نيو هورايزن ل لفل ون تقريبا فيه اغلب القواعد المهمه وشوفي كتب المدارس بعد فيها اشياء مهمه راجعي بس القواعد فيهم اتمنى افدتك

بالتووووفيق

[احتواء]

طب حبيبتي من وين آخذه كتاب نيو هورايزن ل لفل ون

[حلوة ودلوعة]

شوفي احد دارس اخذيه من عنده انا لو بعده عندي كان عطيتك اياه من عيوني بس عطيته بنت عمتو وضيعته
شوفي ااذا ماحصلتيه اعتمدي بالمركز الاول على المواقع وحتى كتب الثانويه تفي بالغرض ولا تضيعي افكارك بالكتاب اللي عندك ذاكريلك من شئ يركز على الاشياء الرئيسيه والمهمه بالقاعدات
ان شاء الله اذا شفت المواقع اللي ذاكرت منهم راح اضيفها هنا

[ارتـــواء.]

المشاركة الأصلية كتبت بواسطة احتواء

الله يعييينا . ويوفقنا . وانشاءالله يسهلوو الاسئله شووي .. انا عنددي كتاب انجليزي للانقلش العام اسمه

نورث ستتار وللعلم ومو هذا الكتاب اللي درسناه غيرووه ...
ينفع اذاكر منه قرامر وهالاشياء اللي داخل ؟؟؟

هذا هو نفسه كتابنا حق الانجليزي العامة, ممكن يفيدك, لكن الصراحة أنا راجعت بعض كتب الثانوي وبعض المواقع التي تعطي نماذج حق اختبارات, لكن صدقيني أحس كل هذا ماله فايدة ماأدري لكن في وقت الاختبار ما أحس في وقت للتفكير أو تذكر بعض الأشياء.
بالتوفيق,,

[ارتـــواء.]

هذا موقع يفيدك :
http://www.englishjet.com/english_co...test_level.asp


موقع آخر:

http://www.englishforarabs.com/quizesmenu.html

موقع اختبار:

http://www.nadialsalam.com/?act=artc&id=2566

[Julia Brokter]

يااربي يسعدكم على تجاربكم ونصايحكم

والمواقع الحلوهـ اللي انشالله راح استفيد منها


فديت كل من رد علي وبرد قلبي انشالله نحل الاسئلهـ
ونتخصص اللي نبيهـ