بما انكم مستوى ثاني وجربتو الاختبارات ...مساعده لمستوى اول

[أم زيودي]

والله الاختارات كانت حسب مذاكره الشخص
ولاكن افتكرت الاختبارين الى طلعت عيوني منهم الانجليزي والتحرير العربي يمكن عشان ما احبهم
الانجليزي حملته والتحرير عديته والحمد لله
لاكن نصيحتي ذاكري بتركيز ولكل مجتهد نصيب

[ديانا]

أنــا أتـــذكــر الانقلش جانا تاافه لا تشيلو همه والقطع نفس ما هي جتنا أذا كان يدرسكم نفس الدكتور غسان
والأحصاء بس ركزي ع المرااجعه هي نفس أمتحانا والله اني تحسفت ما ركزت عليها أتذكر سؤال جانا نفس الأرقام حتى مو مغيرهم
بس نصيحه لك أختمي المواد من الحين لانه قبل يوم الأمتحان يالله تراجعين وطبعا من غير التوتر اللي تكوني فيه
بس ما عليك الله يسرها عليك وتوكلي ع الله
أتمنى أني أكون أفدتك

[❥┍ἯᾇḸᾆ]

وهـٍ فديييتكمٍ طمنتوونيٍ كونتٍ ح’ـييييل خ’ـآآآيفه

|||

[السوسنة]

الحمد لله بشكل عام الأسئلة كانت متوسطة ..

بس نصيحة لك ركزي جدا على العلماء بمادة ( مقدمة بالتربية الخاصة ) لأن أغلب الأسئلة كانت عن العلماء .

ومادة ( التحرير العربي ) إذا تقدرين تحفظي الأمثلة اللي بالمحتوى احفظيها كويس .

وباقي المواد ولله الحمد كلها حلوة والله يارب يوفقك ويوفقنا .

[MemmE]

انا اتذكر أكثر شي أسستفدت منه بالاختبارات النهائيه وهو الشي اللي خلاني اجيب معدل عالي أول ولله الحمد ..

أسئلة الاختبارات المستويات اللي قبل كانو ينزلونها في المنتدى وأطبعها وأذآكرهـآ في يوم الاختبار والحمد لله فـآدتني كثيييييييييييييييييييييييييييييير ..

الاحصاء ماطلع عن المراجعه اللي عطانا اياها في النهايه ..
علم النفس كل الاسئله اللي ورى المحاضرات والمراجعه الاخيره اللي نزلها ماطلع عنها
التحرير والصحه ذاكرتهم من اسئلة العام
مقدمه لآآآآآزم آلكتااااب كللله صمممم
مبادئ التربيه من المحتوى
انجليزي من الاسئله اللي بالمحتوى


وبالتوفيق

[ريومة الشرقية]

عليكم السلام
ماقصروا الاعضاء
مووفقه
...

[رغد الشرقية]

شوفي يقلبي حطي في بالك نمط الاسئله مش زي الثانويه العامه لالا تختلف تعتمد على التركيز والذكاء لكن مو لدرجة الترهيب والتخويف اللي قالوها لك صح احنى مرينا بهذه الخوف لأنى الأنسان عدو ماجهل
ابتدي ذاكري زين وختمي المواد قبل الاختبارات بأسبوعين وبعدها امسكي ماده ماده وقريها واقري اسئلة المراجعه وتلاخيص البنات لا تركزين على ملخص معين او على اسئلة معينه وركزي ولا تقرينهاعلى السريع لالا بتمعن اقري الماده بشويش وحاولي تجيبين امثله على اللي تذاكرينه من حياتك اليوميه ركزي على العلماء في مادة التربيه الخاصه الانجلش اتبعي تعليمات الدكتور تراه وفي ومايجيب شي مانوه عنه الصحه واللياقه من الملزمه والتحرير من اسمعي المحاضرات زين وكذالك الاحصاء تابعي معه محاضرة محاضرة وحلي الواجب اللي يعطيكم اياه مبادء التربيه من المحتوى علم النفس ذاكريه من المحتوى ومن الاسئله اللي ورا كل محاضرة ونتي تذاكرين اقفلي على نفسك وتخيلي اللي تذاكرينه تشرحينه لنفسك وكنك معلمه في فصل مع الطالبات جربي ذا الطريقه وبتعجبك اذا كان عندك صديقه او قريبه معاك حاولو ونتو جالسين تتبادلون المعلومات وكل وحده تختبار الثانيه في المعلومات واستفيدي من اسئلة المستوى اللي قبلك من اسئلة مراجعه وتلاخيص مشان تتعرفين على اسلوب الدكاترا ولاتنسين الاذكارات اليوميه ايام الاختبارات لا تنسين قرأة المعوذات واذا اقبلتي على قاعة الاختبار اقري سورة النصر

وربي يوفقك حبيبتي

[مجموعة أوراق]

شموع مضيئه اثلجتي صدري بكلامك الوافي

فالي وفالكم التوفيق

[عفوك ربي]

شموع كفت ووفق جاوبتك ..

اهم حاجة لاتخافي ولا ترتبكي ..

وبتسهل ان شاء الله ..

اللحين عندك وقت من اليوم كل مادة 3 ايام لما تختمي المواد كلها وبعدين راجعي كل يومين مادة وكذا تكوني مرتاحة وخلصتي كل المواد وراجعتيها قبل الاختبار ..

والحمدلله عدينا وانتي قدها وبتعدي وبااحسن معدل ..

ولا عليك من الي يقول الاسئلة صعبة الدكاترة ماقصروا ..

انتي شدي حيلك وموفقة ..

[مجموعة أوراق]

عفوك ربي جزاك الله خير وبالتوفيق للجميع
بصراحه كنت احاتي
بس الحين الحمد الله ريحتوني نفسيا شكرا لكم جميعا ماقصرتو