الدراسه ام الزواج ؟؟؟!!!!

[SoOoMaAa]

السلام عليكم ..

انا بالنسبة لي اشوف افضل للبنت انها تتزوج .. لو انها اضطرت انها تختار بين الدراسة والزواج

لكن لو حصل لها الجمع بينهم سيكون افضل بالطبع ..


لاني اعتقد بان البنت في مجتمعنا لازم تكون متزوجة .. بحكم القوانين والانظمة والعادات والتقاليد

لان البنت ماراح تقدر تكمل وتعيش حياتها بدون رجال يوقف جنبها وتعتمد عليه .. لان طبيعي الاب ما راح يعيش معها للابد ولا الاخوان راح يتفرغون لها ..


وبالطبع فيه حالات من النساء قدروا يكونون حياتهم ومستقبلهم بدون رجال .. لكن قليل جدا ونادر ..


باختصار الحرمة عندنا بدون رجال ما تعيش

مابي البنات يفهومني غلط لكن هذي عاداتنا وتقاليدنا وانظمتنا


والواقع يفرض نفسه على الجميع

[BeeB]

وعليكم السلام

انـــــــــا ضد الاخ سوما في ماقاله

يااأخ على اي أساس تحكم ان البنت ماتعيش بدون رجـــل؟؟؟ عطني المبررات اللي تخلي المرأه ماتقدر تعيش بدون الرجل ؟؟

لااا تعيـــــش وتكمل حياتها طبيعــــي ... إلا تربطون المرأه بالرجـــل ؟؟ ليش؟؟

مافي شي اسمه هاذي عاداتنا وتقاليدنا وانظمتنا وش هالرجعيـــه؟ ..
ارقواا شوي يااناااس متى بتطلعون من الظلمه اللي انتوا فيها الى متى نظل متمسكين بالعادات والتقاليد ليش مانفكـــر قبل مانطالع هالعادات اللي لها 20 سنه او اكثر .. بعدين انتوا ليش دايما تفترضوا ان البنت رح تعتمد عليكم انتوا يالرجال ابي افهـــم ؟؟
قال ايش قال البنت في مجتمعنا لازم تكون متزوجــه طيب واللي مو متزوجه وش محلها من الاعراب ماتقدر تعيش ؟ خلاص توقف حياتها بس لانها مو متزوجـــه ؟؟

الواحد يفكـــر بعقلــه اولا قبل مايقعد يتبع له عادات وتقاليد مايدري من حاطها..
والبنت مو فوق راس ابوها او اخوانها هي بتعيش حياتها وبتدرس و بتنظم امورها وبتشتغــل بأي مجال تحبه وماراح تربط روحها فيهم ...
المـــرأه لها حقوق مثل ما للرجل حقوق ولها حق الاختيار مثل ما للرجل حق الاختيار بالتالي تستطيع ان تحدد المسار الذي ستخطوه نحو اهدافها وطموحاتها

وســلام

[دونات]

الزواج مهم وهوالمستقبل الحقيقي ..
لكن .. وهو الأهم أرى أن الأهل يجب أن لا يزوجو أبنتهم ألا أذا كانت مستعده لتحمل المسؤوليه .. والزوج مناسب ..غير كذا مافيه داعي للأستعجال ..
ومن تجربه أشوف أن الزواج أحياننا يكون دافع للبنت أنها تجتهد ..
كثير بنات مانجحو ألا بعد زواجهم .. لان الموضوع صار تحدي بالنسبه لهم ..
فالمسأله على حسب الظروف ..

((وترى المره تقدر تعيش بدون زوج ..وأحلى عيشه..
وكما أن الأب غير باقي ,والأخوان بعد حتى الزوج مو باقي للابد..))
المسأله أقدار ..وكل ميسر لما خلق له ..

[SoOoMaAa]

عفوا اختي يمكن انتي فهمتيني غلط ..


لكن انا اقولك ليه المرأة ما تقدر تعيش بدون رجال ..

1- كيف تقدر تروح وتجي
2- كيف تنهي اي اجراءات حكومية تعليمية صحية .. الخ
3-حسب النظام ما تقدر تتصرف او تسوي اي معاملة حتى شخصية .. بدون موافقة ولي الامر .. حتى تجاوز عمر 55 سنة
4- اذا ما عاشت في بيت زوجها او ابوها او اخوها وين تعيش !! "" لحالها "" << مدري مين الي بتسويها ههههههه
5- ..
6- ..
7- الخ

حبيت ابين لك بعض الاشياء الي حضرتني ..

ولو حابة تتأكدي من كلامي شوفي الناس روحي واسألي وشوفي كيف تعاني البنت العانس والمطلقة والارملة ..
يا اخت BeeB حنا في مجتمع لا يمكن للمرأه انها تعيش فيه بدون رجل وبس ..


اما بخصوص الاخ او الاخت دونات صحيح كلامك ان الاب ماراح يعيش ولا الاخوان ولا الزوج .. لكن لو تكلمنا بالمنطق في الغالب الي تكون متزوجة ومات زوجها عندها عيال يوقفون معها ..:)


وبالأخير هذا مجرد رأي شخصي

[BeeB]

الحيــــن انا قلت ان البنت تقدر تعيش لحالها ؟؟؟ ليش وين قاعدين ؟؟؟


احتـــرم رايك الشخصـــي بـــــس ما أدري عن اي عانس تتكلم ؟؟؟
والمطلقة والارمله هذولا اللي تقول انهم يعانون ايه ليش يعانون في احد مضايقهم يعني ؟؟ بدل المعاناه والكلام اللي مايودي ولايجيب تروح تدور شغل او تكمل دراستها او تشوف لها مشروع كذا تقدر تكمل حياتها ...


انا مو ضد الزواج ولا ضد ان البنت تتزوج اصلن هذا مو منطقي في الكلام انا اللي اقوله ان البنت بعد ماتضمن شهادتها ووظيفتها
بعدها يصير النصيب ان شاالله .. واذا ماصار نصيب يعني تنتهي حياتها وماتقدر تعيش ؟؟؟مو معقـــول ؟؟

اخيرا حبيت اقول انا لما ارد على احد هذا مو يعني تغيير آرائه او اقناعه بوجهة نظري لا هو مجرد ابداء رأي وتوضيح للافكار فقط لاغير

ســـلام

[SoOoMaAa]

اختي BeeB اشكر لك لطفك وذوقك الرفيع ..

بس انتي تتكلمين بالمثاليات والافتراضات الناجحه وانا اتمنى هالشي لكل انسان وانسانة ..

لكن الامور مو على الكيف تجي ..

[BeeB]

مافهمت عليــك .. أي افتراضات ناجحه ؟؟ انا افترضت شي؟؟

الامور مو بالكيف تجي !!!! <<< كيف يعني وضح كلامك اخوي؟؟


ياليت اللي يعلق تعليقات على جنب يوضـــح عشان نفهم ونتبادل الافكار مع بعض

وانا بعد اشكر لك لطفك وذوقك

ســـلام

[همس اللليل]

أنــــــــــــــــا من رئي الشخصي الزواج ستر وأستقرار
ومافي وحده ماتبقي الستر وتحس بالأمان أحترم رئيكم ومتابعه لكم

[همي اشيل همك]

والله انا اشوف الوحده تخلص دراسه اول وتكمل تعليمها وبعدين تتزوج .......

يعني لااااحقه ع الزواااااج .........

المهم تحصل تعليمها وثقافتها .... ثم الارتباط ...

لان الزواج غالبا مايكون عائق في اكمالها لتعليمها ........

[BeeB]

الزواج سبب للاستقرار والامان مـــــــع الشخص المناسب المتدين مـــع اللي يفكر مضبوط ..

عمر الزواج مارح يريح البنت إلا اذا كان الزوج مسؤوووول

ياما زواجات صارت نقمه على البنت ياما بنات تعذبوا وتبهذلوا مع ازوجتهم مارح افصل بهالنقطه عشان ما أطلع عن الموضوع :no2:

ســـــلام