[ جميع التخصصات ] : جواليييي ضآيع

[Miss MK]

انا مرا ضااع علي بالجاامعه ولاحصلته ودورت بالكلاسات
و الامن كل يوم اسالهم ولا لقيته فيه بناات نفسها ضعيفه
وتاخذ اي شي الله يهديهم يااارب تلقينه ��

[qamr]

الحلال مايضيع ابدا يرجع لك
توكلي على الله ويرده لك

[تو النهار]

الرقم عطلته ولجوال بعد محد يقدر يستخدمهم بس لي لقته ترجعه ماراح تستفيد شسي منه

[آنسه مشاكل]

الله يرد لك ضالتك , وجعل اللي تاخذه بنيه سرقه , تلف الدنيا فيها وتذوق مراررة شي سرقوه منها

وياليت السراقه تفكر انها بتنحشر ف قبر همن بيوم القيامه تتحاسب وتندم ع شي تافه , مارح يفيدها الجوال

^ احقد بكل معنى الكلمه ع اللي ياخذون شي مو لهم وينامون مرتاحين حسبي الله ونعم الوكيل

[لموي الحربي]

حبيبتي الله يهديك شلون تركتية / اللي اخذته عساها ماتتهني فية

[تو النهار]

يمكن وحده لي معاي في لقاعه شافته وشالته لان اخر محاضرة ولم حظرتنا الدكتوره كان في بنات عشان الحظور

[صوت الضمير]

إذا الجوّال انسرق ,, فإني أقول للسرقته ,, حبيبتي .. كلّنا نغلط ,, و ما فيه أحد منا معصوم عن الغلط ,, لكن المصيبة هي ( الإصرار ) على المعصية ,, حنّا ما نبي نلومك عشانك سرقتيه لأنك بشر ( منتي معصومة ) و لكن نلومك إذا أصريتي على السرقة و خلّيته معك و ما جاك إحساس بالنّدم ,,

أختي اتقي الله و رجعيه ,, لا تخلّين لأي أحد مظلمة عندك ,, وربّي لو ما حللتك صاحبته بتروحين ورآ الشّمس

يعني مو أي أحد بيآخذ حقها منك , لا ,, آللي بيآخذ حقها منك هو ( العزيز الجبّار المنتقم القهّار ) يا ويله ثم يا ويله آللي يتعدّى على حقوق الناس ,,

الله يغفر لك لو عصيتيه هو , لكن إذا كان فيه شي بينك و بين عبد من عباده ( فالوضع يختلف ) ,, ما تتعدّى السالفة إلا إذا تحللتي من الشخص آللي ظلمتيه ,,

هذا موقف ,, أذكر قبل 6 سنوات ,, أعرف وحدة من البنات ضحكت على وحدة في منتدى ( أخطت في الإملاء ) و والله من بعدها و هي كلّه تخطي في الإملاء ,, جتها عقوبة من ربّي ,, الحوبة تبطي بس ما تخطي

يعني إذا كان هذا شي بسيط ,, تعاقبت البنت عليه ,, أجل لو شي أقوى منه ؟ إنك تسرقين جوّال وحدة من البنات ؟

والله يا بنات عندي قصص و مواقف وقفت عليها بنفسي ,, و أذكر وحدة سرقت فلوس و بعد مرور سنوات ع الموضوع صابها ( تلبس جان ) و تغربت حيل حيل حييييييييييييييل !!

و لا الظّلم أحذّركم منه ,, عقوبته أبد ما هي سهلة ,, الكافر آللي هو كافر لو ظلمتيه و دعا عليك ,, يستجيب ربّي دعوته و هالشي معروف ترى ,, حتّى الكافر ما يجوز تظلمنيه حاله حال المسلم ,, و أسألوا مشايخ الدّين إذا حابين تتأكدون .. أجل وشو تحسبون الظلم هيّن ؟ أجل كيف لو ظلمتي مسلمة موحدّة ؟؟

فآللي ظالمة أحد ,, بسرقة و إلا كلمة و إلا شي ,, تلحق على نفسها و تتحلل من آللي ظلمته و إلا لا تقول بعدين ياااا ليت أشوف فلانة آللي ظلمتها !

والله لأحب رجلها بس عشان تسامحني و يرفع عني الله العقوبة آللي صابتني !!!

[تو النهار]

ببناتت رجا لاحد يتهم إحد بالسرقه يمكن عند وحده من لي كانو معاي بالقاعه وماقدرت تسلمه ويمكن وصل الامن او شي لمن نداوم ثلاثا نشوف كيف

[عطر الجنه1]

بنات المفروض تحملون برنامج التتبع ع اي جوال البرنامج رهيب مره وتقدرن تحطين فيه رقم سري في اي جهاز ثاني
عن طريق الدخول ع حسابك بالبرنامج وتقدرين تبيعن الجوال تشوفين وين مكانه وفي اي منطقه واذا قربتي من المكان تقدرين تخلينه يدق والي سارقه مايقدر يسكت الجوال يعني يفضحححه

[تو النهار]

المشاركة الأصلية كتبت بواسطة عطر الجنه1

بنات المفروض تحملون برنامج التتبع ع اي جوال البرنامج رهيب مره وتقدرن تحطين فيه رقم سري في اي جهاز ثاني
عن طريق الدخول ع حسابك بالبرنامج وتقدرين تبيعن الجوال تشوفين وين مكانه وفي اي منطقه واذا قربتي من المكان تقدرين تخلينه يدق والي سارقه مايقدر يسكت الجوال يعني يفضحححه

وش اسم لبرنامج