يوميات ينايريـه ♥ !

[Amina Saleh]

-

تععععرفون شعور الخوف والتوتر والقلق؟

اييييه مريييت فيه من يومين ومنهاره لـ درجة قلت خلاص مابي أدرسَ !

الزبده ابليس مستقعد لي بس يخسيّ يتغلب علي

اليوم بالكليه مر اليوم مثل شـربة المويـه

مرتاحه لـ أخر حد والله أستانس بالكليه ,, بس فيه شي مضيق صدري !!

مادري ليه كذا يصير لي " سخـافه "

بس ارجع للبيت يبدأ يوسوس لي إبليس وأتضايق وأتنرفز وتخنقني العبره :(

و أفكر فـ بكرا وش بيصير ووو إلخ .. الزبده كيف اتخلص من هالشي؟

طاقات سلبيه وهذي مش من صفاتي أبي اوخرهاا مابيها وانا عارفه ان بس عشان اول مره اختلط بمكان زي كذا بس مادري ليه يجيني هالإحاسيس الخايسه

لدرجة فقدت لذة الأكل اصلا ماقدر أكل اطبخ لنفسي وما اقدر اكل غير لقمة وأكبه !!

والله العظيم من بدأ إسبوع دوامي وانا عايشه عالماي !!!

الماي عمري ماشربته بكثره كثر شربتي له هالأسبوع
دعواتكم لي

[Amina Saleh]

- كورنيش الخبر .

اللهم سخر ليّ من حظوظ الدنيا ماتعلم أنها خير ليّ

وأصرف عني كل ماهو شر لي

[Amina Saleh]

-
على قلبي الخميس..

اليوم عندي محاضره وحده وتبدأ الساعه 10 وربع وتنتهي 11:50 فيه احلى من كذا؟
فـ لذلك اتفق قروب الكلاس ان نحضر من 8 ونص و اللي 9 بيجون كلن حسب منطقته
كونه اول اسبوع دراسي خربوطي سامحين لنا , بس راح نبدأ بالجد الإسبوع الجاي بإذن الله

فـ قلت دامي مروقه اصبّح على مدونتي الجميله ,

و صباحكم رضا الرحمن يارب

[Amina Saleh]

سلام عليكم
طار الويكند بـ غمضة عين وبدينا بالجد اليوم .
الحمد لله كان يومي حلو وجدولي خفيف .. انبسطت لما دريت إن بتكون عندنا مادة عربيه !
مادة الاثيكس " اخلاقيات في الممارس الصحي " شي مثل كذا .
هف مليت من طلاسم الإنجلش عاد بكرا الجدول شوي خايس " ريدينق ورايتنق و سبيكنك "
يع محاضره الريدينق واللسنق حدهم مملين لإن المس وحده تعطينا اياهم فـ ماعجبني إسلوبها
والإسبيكنق هه زوين يعني و الرايتنق عاد انا احبه بس يتعبني كثثثير ..
والماث انا من جمبهاا .. افهم بالشرح بالوقت نفسه لكن وقت الاختبار؟ أتنح
بالماث ما أحب اتعب نفسي وهالشي أدري غلط بس وش أسوي ><"
الزبده بس كذا كتبت كم سطر عشان مابي اهجر مدونتي
تصبحون على خير

[Amina Saleh]

- مرحباً
أحوالكم يالربع
هالإسبوع بدينا بالكرف بس الحمد لله المسّات متعاونات معنا ومتساهلين
بس لسى مادخلنا بالعميق

يحسبون لنا إن هذا الأسبوع الثالث وأساسا هذا الثاني ندوام فيه
عاد بعد ألإجازه راح نبدأ بالكويزات وانا شايله هم هالسمستر والله
ابي اعديه ب أي طريقه اغلب المسّات ماحفظت اشكالهم وألخبط بين اسمائهم
لدرجة كتبت بـ ورقة خارجيه كل مس ومادتها ومع ذلك ماني قادره أحفظ !
تحسنت نفسيتي هالإسبوع وصرت أكل أكلات مب زي أول اسبوع , الحمد لله
بكرا عندي 3 محاضرات وبينهم بريكات طويله ..
و شايله هم الإسبيكنق مرا صعب هذا
قالت لنا طالبه بالتمريض إن اسلوب المسّ مش كويس (مسّ مشاعل) مع الطالبات عاد الله يكفييني شرّرها وتتغاضى عني

+

[Amina Saleh]

السلام عليكم
< كل مافتحت المدونه وبكتب ... كله انسى كيف اكتب يومي !

دوامي دايم بالكليه اروح الساعه 7 وربع و أول محاضره تبدأ 8 الصباح .
محاضرتين ورى بعض وبعدها يبدأ بريك الفطور .. 20 دقيقه وبعدها تكون مخاضره
كل المحاضرات مدتهم 40 دقيقه البعض ياخذها كلها والأغلبه ياخذ من 35 دقيقه
هذا شي حلو صراحه ..

بعد المحاضره اللي تكون وقتها من 10:15 الى 11:10 يبدأ بريك الغدى الى الساعه 12 بالتمام .
المهم فـ غالبية الأوقات الدكاتره يطلعون قبل يخلصون الوقت فـ يكون عندنا اوقات كثيره فاضين
فيه بنات يتسغلون هالوضع فـ يتكلمون مع الليدر حق كلاسنا إن يكلمون الإدارة
ويقدمون كلاساتنا ونطلع بدري ! شي زين والله ..
المهم , مادري كم مره قلت المهم بس يلا خن أكمل لكم ..
اليوم الخروج اساس الساعه 1 بس الغو بريك الغدى وخلوها محاضره
فـ لذلك انا متعوده بهالوقت صرت اتغدى بالجامعه !!!
يعني لما رجعت البيت مييييته من الجوع تخيلو !! يعني تعودت اكل بهالوقت ^^ بريك الغدى بالكليه !
الزبده اليوم تقريبا مطنقره مادري شفيني
بكرا عندي إختبار فوكابلري. ويارب اجيب فيه فل مارك :(
كان بيكون عندنا اختبار هذا الخميس كمبيوتر بس للإسف تأجل
وبتزيد درس جديد اعععععع !

وكل الاختبارات بعد العيد من اول اسبوع دوام
يعني هذي الإجازه أفرح فيها ولا أدرس فيها :(يالله إن شاء الله تكون كلها مثل شربـة الموييه

ورا ماتقيمون مدونتي حطو لي 5 ستار إذا استاهل يعني :D !

وبس هذا كل ماعندي ل هالإسبوع كله ,

[Amina Saleh]

-




إجااازه سعيده للجميع وكل عام وأنتم بخير
خبصت بإختبار الفوكابلري بس شكل ماعليه درجات والبعض يقول فيه درجات
ماعرف ميين أصدق بس يلا ماعليه حتى لو عليه درجات ونقصت بعوضها بالجايات ..
كنت انتظر الإجازه على أحر من الجمر ويوم جات أحس مادري كيف !
تعرفون اللي تعود على نظام الدوام وتعود على كل شي فيه ؟
ايه انا كذا .. بس يلا الحمد لله .
تخيلو اول مانداوم بيكون عندي اختبار يوم الاربعاء رايتينق وريدينق ><"
مرررا واااو يعني استانس ولا أدرس .

وبس ..

[Amina Saleh]

-
صباح العيد ..
أول شي مبروك تمديد الإجازه . الكل ماشاء الله فرح فيهاإ . . الله يديم الفرح علينا
و الخبر الثاني تأجلت الإختبارات اللي كانت مفروض ثاني دوام من بعد الأجازه لمدة اسبوع !

الحين بـ أحس بطعم الإجازه .
المهم عيدي هالسنه بيكون مختلف عن كل اعيادي
اول يوم عيد فالصبح أكون عند جدتي وبعدها ارجع البيت وقت الظهريه يعني .
وارجع المغرب ! لكن هالمره بيكون عندي زواج .. زواج صديقتي

لخبطه يعني مادري كيف عيد وزاج وبنفس اليوم :s !
اانا متعوده كل سنه اشوف ناس معينه بس بالعيد
لكن هالمره ماراح اشوفهم :"(
لكن الجايات أكثر بإذن الله
و كل عام وأنتم بخير.

[Amina Saleh]

-
سلام عليكم .. انا إنسانه محافظه جداً على إذكاري فالصباح ولكن المساء مش دايممااَ .
يـ إن تجيني حالات مرض تخليني أفكر بـ إني أترك الكليه وأجلس بالبيت
وملازمني هالتفكير إن لاجلست وش بسوي بالبيت :(
بموت من الضيقه والقهر . بدينا أختبارات كلاس تست 1 وضايقه فيني الدنيا
ماعرف هل من الإختبارات او خوف من هالترم بكبره
ارجع البيت اكون مهمومه وأفكر فـ بنات الجامعه والجامعه كلها !!! مادري ليش
واصلا بالجامعه مافيني الا العافيه وأضحك وأسولف مدري ليه لارجعت البيت اقلب اصير نفسيه
حاولت اشغل نفسي بـ اشياء مثلا مسلسلات اطلع من جو الكأبه اللي انا فيه
طبعا يومي لايخلو من الصياح ,, احس بإختناق بالحلق كثثير ودايما يجيني :/
تعبت من التفكير وأشيل هم بكراا .. ابي انسى هذي الأشياء لإن كانت ملازمتني من ايام الثانوي
لين تأقلمت عالبنات و المدرسه وتعدل وضعي .
الحين رجعت هالحاله مع الجامعه .. ويارب يفرج همي ويبعد عني هالضيقه .


> هذي فضفضه يمكن تريحني لاكتبتها <


..

[Amina Saleh]

**

كن غريبُ القلب ،

.......... وسيم الخُلق ، تُسّعد الأرواحَ وتمضي