[ استفسار ] تكفون ابي رد منكم اخواني اللي تخصصهم انجليزي

[الداعيه]

اذا مشيتي بالاداره وعديتي اكثر من سمسترين استمري واصبري واذا بعدك باول المطاف وباول السمستر حولي عادي انا وبكل امانه كنت اكره الانجليزي وقدر الله ودخلت ومن جد كان بالبدايه صعب علي لاني ما احب هالماده بس كنت ابي تخصص ينفعني بالحياه قبل الوظيفه لان ما اظمن وجود وظيفه على طول ومع الاستمرار والمذاكره عن جد تخصص حلو وسهل بالمذاكره والفهم واللغه لازم يكون عندك كم هااااائل من الكلمات

وانت قلتي انك تحبي الانجليزي وعندك خلفيه بكذا رح يكون سهل عليك


استخيري وتوكلي على الله
ورب يكتب لك اللي فيه الخير ��

[منتسب2015]

المشاركة الأصلية كتبت بواسطة التعلم رحله

إذا لديك رغبه جاده ادخل وتوكل على الله فيه ناس تحقق ممتاز كل ترم وناس أعلى التوفيق بيد الله ثم الاجتهاد والصبر - أنا عن نفسي ليس لدي خلفيه في الانجليزي الا ماتعلمناه في المتوسط والثانوي والحمد لله ماشيه في مواد الجامعه - مثل أي تخصص لازم تواجه مواد طويله أو فيها صعوبه من أي نوع لأن أنا أعرف ناس يدرسون شريعه أو لغه عربيه مثلا (لاأقلل من شأن التخصصين لأننا نحتاج كل العلوم) ومع ذلك يواجهون صعوبات وهذا شئ طبيعي إذا ستتخصص في مجال ما أكيد ستتعمق فيه وإذا تعمقت ستواجه معلومات طويله وأخرى فيها صعوبة نوعا ما ليس مثل لما تدرس الماده في معهد أو مدرسه هاك تدرس معلومات محدده هنا أنت تدرس تخصص يعني لازم تتعلم جوانب كثيره عن المجال الذي ستتخصص فيه لكن سأعطيك طريقتي الدعاء الدائم - تنظيم الوقت والاجتهاد والتنازل عن أشياء مثل كثرة الخروج وغيرها حتى تحقق هدفك ..إذا عازم على الانجليزي أكيد انقل واستمر لكن نصيحه لوجه الله إذا واجهت أي صعوبه لاترجع وتنسحب من الانجليزي وتقول ادارة الاعمال أسهل وتضيع سنواتك في التنقل بين التخصصات إذا بتتخصص مافي شئ أسهل لازم تواجه صعوبات ماده طويله - ماده فيها نقاط غثيثه- مدرس غير متعاون ...الخ مالك إلا الصبر والدعاء والاجتهاد والذي يريد شئ يتحمل حتى يصل إليه ولاتنسى توصية الوالدين على الدعاء الدائم لأن لدعائهما نتائج سحريه
أعطيك نبذه عن بعض المواد التي فيها صعوبه نوعا ما (نظرية الترجمه الترجمه التتابعيه الترجمه الابداعيه )هذه المواد يدرسها الدكتور أحمد حليمه هذا عيبه أنه غير متعاون يعطيك خيارات على الترجمه وأنت تختار لكن مايصحح لك وفي الاختبار ممكن يجيب نفس الجمل ويغير في الخيارات أو يكرر الجمله نفسها وهذه حلها سهل تتابع نماذج اختبارات الطلبه السابقه ممكن تتوصل لبعض الحلول وممكن تستعين بمدرس ممتاز يساعدك في الخيارات وممكن تعرف بعض الاجابات من الدكتور في المحاضرات المباشره ومع ذلك فيه ناس كثير حققت a و a+ في مقرراته - انشاء وتعبير 1 و 2 هذه الدكتور مايعرف يشرح لكن يكرر أسئلته ويجيب أسئله واضحه لكن ذاكر بجد وكل شئ - مدخل إلى اللغويات - الصوتيات (عن أصوات الحروف وأشياء تتعلق باللغه فيها صعوبه لكن ممكن تجاوزها بامتياز - مواد الفريدان من محتواه وشرحه لكن لازم دراسة كل شئ - أدب انجليزي عصر النهضه وأدب 17 وظهور الروايه والروايه الحديثه والشعر الانجليزي والنقد الأدبي والمسرحيه الحديثه والأدب الأمريكي وأدب الأطفال هذه مواد طويله مثل التاريخ لكن إذا وفقك الله تعديها بامتياز وموجب كمان ثلاث منها مع الدكتور الشناوي وهذا ممتاز ومتعاون ويكرر الأسئله - النحو والصرف واللغويات التطبيقيه فيها صعوبه لكن ممكن تعديها بامتياز - أنا أنقلك تجربتي وبعض الزميلات معي المتأكده أنهم حققوا امتياز بمعنى لاأعطيك كلام نظري وهذا احنا اليوم لله الحمد بعد الصعوبات والمخاوف التي مررنا بها لكن اليوم خريجين ولله الحمد إذا عازم توكل على الله كم سنه وتنتهي - طولت لكن حبيت أنقلك أكبر قدر من التجربه

الله يبيض وجيهكم و يرحم والديكم جمييييييع اقسم باله حمستوني و اعطيتوني دافع كبير اغير التخصص

انا توني خالص من السمستر الثاني من أدارة اعمال و جت الفكره على بالي سريع

عندي سؤال بسيط الحين اذا غيرت التخصص و ابدأ من جديد كأني بادي من الصفر والا راح استفيد من المواد اللي درستها في الترمين الاولين حق تخصص ادارة الاعمال ؟؟

أتمنى اني ما ثقلت عليك

[ابونايف//]

السلام عليكم ورحمة الله وبركاته
تخصص الإنجليزي علی حسب عزيمتك ورغبتك وللمعلوميه أكثر مقررات حفظ مو نفس الإدارة فهم

[نهرالعطا]

الاخوة ما قصروا في الرد

ولكن نصيحة طور لغتك بنفسك...
لا تعتمد فقط على الجامعه..

اعتمد على نفسك في جمع مصطلحات قدر الامكان
ودروس الجامعه استفيد منها في الاجازات وشغلها تكرار ومرار

وبإذن الله يتبرمج عقلك الباطني على استعاب الكلمات بشكل سريع

[احساس ورده]

طالما لديك الرغبه وحب التعلم للغه الانجليزيه فصدقني بارادتك تقدر تنجز المستحيل ..
اتكل على الله جميعا واجههنا عقبات في البدايه لكن ولله الحمد تجاوزنا العقبات بالتعاون والمشاركه في تجمع الطلبه ..
تمنياتي لك بالتوفيق ..

[جوليانا القصيم]

مافي شي صعب مع التوكل على الله ومن ثم العزيمه والاصرار ..

واللغة الانجليزيه اذا عندك حب للغة ووتمتلك الحفظ لانه يعتبر قسم ادبي ان شاء الله كلها سهالات ومايقصرون الطلاب ملخصات وشرح ماراح تصعب عليك بإذن الله ..
الله يدبرك على مافيه خير وصالح ويوفقك لما يحبه ويرضاه ..

[-كبرياء-]

المستوى الاول والثاني اعتقد الجميع نفس الشيْ
راح يحسبون لك المواد الي اخذتها يعني مراح تضيع عليك شيء

اما ع التخصص = التخصص حلوو وممتع < ولا يخلو من عقبات زيه زي اي تخصص اخر
فيه الصعب والسهل = بس الحلو بالتخصص فيه مواد ممتعه وقصص حلوه < مو زي الاداره سماجه <

المهم بالتووفيق يارب والي ربي كاتبه لك راح يتسسهل سواء الاداره او الانجليزي

[طموح وامل]

صلي صلاه الاستخارة وإذا ماشي بتخصصك لاتغير

[broken sword]

اولا استخير قبل كل شيء والشروط بالتحويل موجودة بالموقع
لكل تخصص له صعوبات مافي شيء سهل وفكر اذا انت مجتهد وتحب اللغة حاب تتعلم من اجتهادك الشخصي لان بصراحة الدكاترة ماتعلمت اي شيء منهم بالشرح كل واحد بالنسبة لي شرحه كانه يقرأ كتاب ويقولك غصب افهم وتعلمت من ملخصات بجهود الطلاب الله يوفقهم .. وتعليمي البسيط في الثانوي والمتوسط
المواد تتدرج بالصعوبة لكل مستوى وعلى حسب الدكاترة وايش مزاجهم بالاسئلة وماقدر احدد مواد الصعوبة ولاكان افدتك
واذا انت ماشية امورك بتخصصك انصحك ماتغير واقعد بقردك لايجيك اللي اقرد منه لانك راح تدرس مواد المستوى الخاصة بالانجليزي اذا كنت معدي بتخصصك مواد كثيرة
الله يكتب لك مافيه الصالح والخيرة في امرك وامر كل مسلم

[كم أنـآ جونآن]

الله يوفقك لما فيه خير لك
استخير وتوكل على الله انا قبل ادرس كنت اميل للاداره بحكم اني احب الرياضيات لكن كنت حابه اتعلم انجليزي وحسيته تحدي لانو للاسف مااسسونا في المتوسطه والثنوي كانت تجينا معلمه فقط لماتقرب الاختبارات تعلمنا اشياء بسيطه وتجي نفسها في الاختبار واحنا نحل ومو دارين ايش السالفه عشان كذا تمنيت اتعلم ودخلت بتحدي صح اني تحطمت اول مستوى في مادة د عمار وكانت اقل درجه في النتيجه وانصدمت كيف راح اكمل والتخصص اللي اخترته اقل درجه بالمقابل الادراه العامه كانت درجتي مرتفعه لكن توكلت على الله واسست نفسي شوي شوي افتكر مادتين كانت بالمستوى الثاني انجلش وجبت فيهم امتياز اعطتني دافع اكملوكملت والحمدلله حبيت القسم والمواد وصرت افتخر بتخصصي وسحبت ع الاداره واليوم فرحانه انو انهيت اربع سنين قابلت ظروف كثير بس الحمدلله�� الله يكمل فرحتي بالتخرج ومعدل يشرف باذن الله اللهم بارك كل شي بالتوكل على الله ثم الاجتهاد يصير
اذا انت حاب اللغه بتبدع وتستمتع بس قبل كل شي استخير وشوف التخصص اللي راح ينفعك مستقبلا اذا انك موظف واذا اداره افضل لك وانت حاببها كمان لاتغير واذا مو فارق شوف التخصص اللي يعجبك وبتمشي فيه
بالنسبه للمواد السنه التحضيريه تختلف المواد لان انت في كلية الاداره واحنا اداب اتوقع اذا ماده دينيه هيه اللي راح تكون مشتركه فقط يمكن كمان النحو التطبيقي اذا عندكم تاكد من الجداول الله يكتب لك اللي فيه خير