- موضوع شآمـل ل الـآسئله والـإستفسآرآت ,

[همسه حب]

المشاركة الأصلية كتبت بواسطة maha-sj

مرحبا جميعا

عندي لكم الاخبار الزينه
وخذو مني العلم الاكيد
بشرى لاهل وسكان الرياض

بعد التواصل مع جمييييييييييع ارقام المكاتب والمطابع اللتي توفر ملخصات جامعة الملك فيصل
وبعد البحث المطولل توصلت للتالي :

المكتبه الوحيييييده في الرياض اللي توفرلك المطلوبب ومختصه بملخصات الجامعه

مركز صدى الحروف - في السويدي
ت/ 014267262

والخبر الحلوو
انه عنده ملخصات
المحاسبه للدكتور علاء زهران
القانون للدكتور علي الزهراني

يعني بلا آصف بلا بو بطيخه مدري بو موزه
عنده ملازم الدكااتره نفسهم

سئلته عن الاداره والاقتصاد .. قال ان شاء الله بيحاولون يوفرونها خلال اسبوع اسبوعين
يعني تواصلو معهم لييين يوفرونها
قالي كمان بعد اسبوع تقريبا بيوفرون ملازم فيها نماذج من الاختبارات وحركات حلوه وبركات وهكذا

الشي الاحلا في الموضوع ..
اللي مستصعب المشوار وماعنده مواصلات وهيكَـ
المكتبه ممكن توصل لييين بيتك مع رسوووم التوصيل

شرايكم فيني وانا عندي سالفه ..

صصراحه بشرى حللوه بس قهر انا مو من الرياض

بس ملخصات الدكاتره نفسهم للمواد احسن من ملخص ابو موزه واصف ؟؟
خايفه يكون ضروري ملخص ابو موزه

[غريقة الشوق]

المشاركة الأصلية كتبت بواسطة ابو شاهر

اختي غريقة الشوق ارجعي شاركي مره ثانيه وانسخي مال البنات

ولازم تعدلين الرد وعارف ان قصدك الطلاب مو ( الكلاب )

تحياتي .... عليكي املاء خطير

ههههههههههههههههه عذرا والله مااقصد الطلاب

[جنون الحياه]

المشاركة الأصلية كتبت بواسطة فديتكم

اخوي لانو دكتور الاقتصاد والاداره تغيروآ هم الي تنزل المحتويات,,وتنزل كل المحتويات الاولى والثانيه والثالثه,,للاقتصاد والاداره,,

والموآد الثانيه فيهآ محتوى بس انت رح تاخذ ملخص المحاسبه لمحمد بو مورزه,,

والاقتصاد لاصف بن برخيا,,فما يحتاج تنزل المحتويات حقتهآآ..


جنون انتي تقولين نزل كل المحتويات الاولي والثانيه والثالثه للاقتصاد والادراه


وتحت انا ماشر عليه بالخط الازرق تقولين ( الاقتصاد لاصف بن برخيا.

فما يحتاج تنزل المحتويات كلها ) انلحس مخي

فا الله يطول بعمرك فهميني وش اللي انزله بالضبط


شاكر ك رحابه صدري والله يعطيك الف عافيه

يوووووووووووووووووووووووووووووووووووه

اعذرررررررررررني اخوووي,,,بس من الخبصه ومآ شآء الله الأسأله كثير ,,فمآ انتبهت اني كتبت كذا لك..

نفس الكلام الي قلته,,

واعذرني مو الاقتصاد لاصف بن برخيآ ,,الاقتصاد خلك ع المحتوى,,

اقصد القانون حق اصف بن برخيآ..

واعتذر مرررررره ثاااانيه اني خليتك تتخبص,,

مووووووووفق,,والله يعآفيك ويسلمك ,,ولو خذ راحتك واسأل الي تبي,,

[جنون الحياه]

المشاركة الأصلية كتبت بواسطة همسه حب

صصراحه بشرى حللوه بس قهر انا مو من الرياض

بس ملخصات الدكاتره نفسهم للمواد احسن من ملخص ابو موزه واصف ؟؟
خايفه يكون ضروري ملخص ابو موزه

اذا من الشرقيه في مكآتب ,,وخاصه بالدمام مكتبة فجر انا اشتري من عندهم..

شوفي حبيبتي ,,وبعد اخت مهآ الكلام بعد لك ,,

ملزمة الدكتور الي هي نفسها المحتوى الي ينزله الدكتور مع كل محاضره,,فالبنسبه للمحاسبه,,

شوفي المحاضره الاولى بالمحتوى بس,,هو اخر محاضره يطلب تذاكرون وتحلون تمارين ,,والمحاضره الجايه او نفس المحاضره يقول افتحوآ الكتاب صفحه ... نحل مع بعض ويقعد يقرأ ويسألكم طبعآ انتي مع معك الا المحتوى,,فما راح تفهمين ولا شيء,,

بس لو معك ملخص ابو موزه ,,مرره شاامل وحاط اسئلة الكتاب الي يطلبها الدكتور بعد كل محاضره فبكذا ما رح تدوخين مع الدكتور وهو يشرح ويسأل اسئلة لانك بتحصلين كل شيء مكتوب بالملخص ومحلول بالشرح,,

والقرار الاخير لكم,,,بس انا انصحكم بملخص ابو موزه,,وتراني عديت المآده ,,بـ a وما نقصني الا 6 درجات من 100 ,,, والحمدلله يا رب ,,

شووفي حبيبتي انا قلت لك درجتي عشان ترتاحين ,,صح الملخص كبير بس مره شامل وكل شيء فيه..
........................

وبالنسبه للقانون لو تشوفين المحتوى حق الدكتور عباره عن رؤوس اقلا فقط,,وبالمحاضره يشرح كلام كثييير,,,لانه كان يبغانا نشتري الكتاب ,,

بس الي ما كان عندهم مقدره يشترون الكتاب لانه اصف بن برخيا جزاه االله خير اشترى الكتاب وسوى الملخص من الكتاب,,

وهالمآده عديت فيهآ بــ a+ الحمدلله يآرب,,

وانتوا براحتكم ,,والشور الاول والاخيييييير لكم,,انا بس انصحكم ,,وانتوا قرروآ عشان ما تقولون بعدين لو سوينآ او فعلنآ,,

وسوو الي يريحكم ويعجبكم انا ما أجبر احد على رايي ..

مووووووووووووفقيييييين..

وموووووووووفقين جميعآآ,,

[جنون الحياه]

المشاركة الأصلية كتبت بواسطة _NORAH

مرحبا
سؤال المنتدى الي ينحسب فيه النقاش هذا ولا غير ؟؟

اهليييييين..

لا هذآ ولا الثاني حق الجامعه,,

الي ينحسب له الدرجه هو عندك بالبلاك بورد(النظام الافتراضي) عند كل مآده ع اليمين بتلاقين مكتوب منتديات الحوار,,

وهي نفسها المناقشات الي تحلونها الحين ,,نزلت 3 مناقشات لكل مآده,,وهذي الي عليها الدرجات,,

موووفقه,,

[kholoud]

ياربي وش ذا :( كل واحد فيكم يقول كلام :/ الحين وشو ذا الملخصات اللي طلعت لنا ؟! :( حاله قسم !!!!! بعدين السويدي مررررررررررررره بعيد عن شرق الرياض !!!! شلون بروح له :/

[kholoud]

ارجوووووو المساعده !! تخيلوا لما فتحت المحاضره الثانيه من المحاسبه نص الوقت كان الدكتور يتكلم عن المحاضره السابقه والوضع حلو وماشيه معه خطوه خطوه لما بدا يشرح عن المحاضره الثانيه وخلص ساعه فجاه قطع رحت فتحت المحاضره الثالثه لقيته يتكلم عن شي ثاني مره مايتبع للمحاضره الثانيه وماكملها !!!! حتى الملخص 28 ورقه ماشرح منها الا 15 والمحاضره اللي بعدها ماكمل :/ !!!!! كيف كذا احد مثلي ! ياررررب وصلت الفكره يارب ! نقذووووووني

[دلالي حلى]

مساء الخيرات والوردات*
اولاً حابه اقولكم انو المحاضرة الرابعة لجميع المواد نزلوها*
الهمه ياحلوين*
ثانياً اذا احد شافها هل محاضرة الادارة تشتغل معاه*
ومحاضرة الرياضيات لما افتح على المحاضرة الرابعه يقول لايوجد محاضرات*
ياليت احد يسعفني*

[أزاليا]

مرحبا
للحين محد رد ع سؤالي .. محاضرات المحاسبة في كل مره احملها تشتغل معي صوت بدون صورة .. وش الحل لو سمحتوا ؟؟

[أشواااااق]

المشاركة الأصلية كتبت بواسطة kholoud

ياربي وش ذا :( كل واحد فيكم يقول كلام :/ الحين وشو ذا الملخصات اللي طلعت لنا ؟! :( حاله قسم !!!!! بعدين السويدي مررررررررررررره بعيد عن شرق الرياض !!!! شلون بروح له :/

خلاصصصص طيب لا تشيلي هم

نزلي الملخصآت والمحتوى ب فلاش ميموري وأطبعيها ب أقرب مكتبه