[ مذاكرة جماعية ] : &:& اللغة الانجليزية العامة 28_02_1437 &:&

[شهد المدينه]

ما اقول الا الله يوفقني ويوفقكم ويفتح علينا ونعد في هذي الماده

[3zf aljro7]

المشاركة الأصلية كتبت بواسطة ميآآسين

اختي عزف ، بما ان التمارين بالمحتوى ، كيف اعرف اذا التمرين من المحتوى او من جهد سكرتير عبادي ، لان ابغى اذاكر التمارين الي في المجتوى

مافيه شيء من جهد سكرتير عبادي او المحتوى
الحلول حلول سكرتير عبادي
الشرح العربي شرح سكرتير عبادي
بس الأمثلة والتمارين هي بالضبط نفس المحتوى
سكرتير عبادي اخذ الامثلة والتمارين الغير محلولة وحلها جزاه الله خير


وملاحظة اسئلة الكويز اللي موجود في المنتدى مو كلها من التمارين في بعضها من الأمثلة
يعني اذا بتذاكرون التمارين ذاكروا الأمثلة اللي بالشرح معها
ما راح يجيب الدكتور شيء من برا

[3zf aljro7]

المشاركة الأصلية كتبت بواسطة omrayan

يعطيكم العافيه بالنسبه لقاعدة المضارع البسيط والمستمر والماض البسيط والمستمر .. ابغا شرح مبسط لها وكيف افرق بينهم بالجمله وايش علاقتهم ب


was و were و has و have


لاني اذاكر الشرح واحس اني اوك بس وقت حل التمارين مااحل صح


شاكره لكم مقدما

راح انزل الشرح على دفعتين انتظري شوي

[3zf aljro7]

المضارع البسيط present simple

كيف تعرفين انه مضارع بسيط؟
عموما اشياء تحدث باستمرار او اشياء مسلمة مثل الثلج يسقط بالشتاء او قوانين ثابته مثل القمر يدور حول الأرض
عادات يومية مثل يشرب القهوة كل صباح يرتدي الملابس للمدرسة شيء كذا
من بعض العلامات في الجملة مثلا كلمات مثل never, always, often, every, sometimes
كيف تكون الجملة مضارع بسيط؟
ما فيه افعال verb to be اللي هي (are, is, am )
مثال للجملة
I need a shirt ما نضيف حرف s للفعل اذا كان الفاعل I, You, We, They
He needs a shirt نضيف حرف s للفعل اذا الفاعل He, She, It
كيف نسأل وننفي في المضارع البسيط ؟
نستخدم Do مع الفاعل I, You, We,They
نستخدم Doesمع الفاعل He, She, It
مثال للسؤال : Dose he need a shirt ? لاحظوا هنا ما اضفنا حرف s للفعل لأننا اضفناه غي كلمة dose
مثال للنفي: They do not need a shirt وتختصر don't
ملاحظة اذا كان الفعل ينتهي ببعض الحروف مثل ch,ss تلاقون التفاصيل في المحاضرة الخامسة اعتقد مانضيف حرف s فقط وانما نضيف es مثل catch << catches


المضارع المستمرpresent progressive


شيء يحدث في الوقت الحالي ممكن نلاحظ كلمة Now,right now, today, at this moment, this year
مثل هذي الكلمات اذا لقيناها بالجملة تدل على حدوث الفعل في اللحظة اوالوقت الحالي اللي حنا فيه
كيف نعرف ان الجملة مضارع مستمر ؟
نشوف فيها افعال verb to be اللي هي (are, is, am )
الفعل تلحقه ing وترجعون للمحاضرة من شان نعرف كيفية اضافة ing لأن اذا كان ينتهي بحروف معينة تختلف الإضافة
مثال للجملة She is typing a paper for her class انها تطبع اوراق لفصلها شيء ما يصير دائم لأنها مو معقولة كل يوم شغالة طباعة !!
لاحظوا الجملة هذي I hear you now clearly
الجملة فيها now يعني مضارع مستمر لكن مااضفنا للفعل ing لان الفعل من الشواذ ما نضيف لها ing وترجعون للمحاضرة السادسة تلاقون فيها الأفعال الشاذة في المضارع المستمر
كيف نسأل وننفي في المضارع المستمر ؟
نستخدم الأفعال (are, is, am )
مثال لجملة مثبتة I am cleaning up
السؤال Am I cleaning up ?
النفي I am not cleaning up أوالاختصار I'm not

اخلص شرح الماضي وانزل المشاركة بعدين

[3zf aljro7]

الماضي البسيط past simple

كيف اعرف انه ماضي بسيط ؟
شيء حدث في الماضي وانتهى امره وغالبا تجي بعض الكلمات اللي تدل على انه صار ماضي
مثل ago, yesterday, in the past, last week,last day, last year
نستخدم الفعل في التصريف الماضي باضافة ed اذا كان الفعل عادي وبعض الأفعال كالعادة تكون شاذة ما نضيف لها ed وانما تتغير تماما
مثال كلمة play >> played visit>>>visited, نضيف لها ed
Go >> went
see>>> saw, من الأفعال الشاذة تتغير الكلمة


ما نستخدم الأفعال (are, is, am )
مثال لجملة في الماضي He played football yesterday?


كيف نسأل في الماضي البسيط ؟
نستخدم الفعل المساعد did مع الجميع I, You, They, We, He,She, It
Did he play football yesterday? نلاحظ الفعل play ما اضفنا له ed لماذا ؟
لأن السؤال بدأ بـ Did وهذا يغني عن تحويل الفعل للماضي اذن في السؤال نكتب الفعل على أصله ما نحوله للماضي
التحويل للماضي اذا كانت الجملة عادية ما فيها سؤال أو نفي


كيف ننفي الجملة في الماضي البسيط ؟
نستخدم الفعل المساعد did مع الجميع I, You, They, We, He,She, It
He didn't play football yesterday


نجي لسؤالك عن was, were
هذي نستخدمها في الماضي البسيط وايضا المستمر لكن متى ؟
The doctor was busy when I phoned him.
الجملة معناها كان الدكتور مشغولا عندما اتصلت به. ما فيه فعل في الجملة لذا اصل الجملة لو كانت في الحاضر الطبيب مشغول الآن نكتبها كذا the doctor is busy فلما صارت الجملة ماضي حولنا is إلى was
وبالمثل لو الجملة The doctors were busy when I phoned them. << الاصل مع الجمع ابقول are في الماضي بتصير were
باختصار نستخدم did في السؤال والنفي ولانغير الفعل اللي بعدها
Was تستخدم مع المفرد بدل is و am
Were تستخدم مع الجمع بدل are
Had هي الماضي من , has ,have من الأفعال الشاذة وهي تجي بمعنى" لديه"
مثل هذا السؤال بالتمارين
She had a meeting with the doctor at yesterday. هي لديها موعد مع الطبيب امس, اصل الجملة في الحاضر She has
اذن has تستخدم مع he, she. It
Have تستخدم مع I, you, we,they
وفي الحالتين الماضي تبعهم بيصير had


باقي الماضي المستمر بس تعبت الآن راح اكمله بعدين او بكره ان شاء الله


ملاحظة اذا شيء ما فهمتوه من شرحي علموني واوضحه بامثله ثانية
وبالتوفيق للجميع

[ميآآسين]

المشاركة الأصلية كتبت بواسطة عزف

مافيه شيء من جهد سكرتير عبادي او المحتوى
الحلول حلول سكرتير عبادي
الشرح العربي شرح سكرتير عبادي
بس الأمثلة والتمارين هي بالضبط نفس المحتوى
سكرتير عبادي اخذ الامثلة والتمارين الغير محلولة وحلها جزاه الله خير


وملاحظة اسئلة الكويز اللي موجود في المنتدى مو كلها من التمارين في بعضها من الأمثلة
يعني اذا بتذاكرون التمارين ذاكروا الأمثلة اللي بالشرح معها
ما راح يجيب الدكتور شيء من برا

الله يحقق لك اثمن امانيك وينول لك مرادك ويفرج ما اهمك يارب

[3zf aljro7]

مياسين جزاك الله خير ولك بالمثل يارب نكمل شرحنا


الماضي المستمر past progressive

يمكن هذا من الأزمنة اللي تعمل قلق شوي لأن يضيع هو تقريبا ماضي بسيط و مضارع مستمر بنفس الوقت
كيف أعرف اني اتكلم عن ماضي مستمر ؟
أولا ماضي اذن لازم ألاقي علامة تدل على انه ماضي مثل ago, yesterday, in the past, last week, last day, last year
ثانيا لازم يكون فيه جملتين مع بعض وحده منهم ماضي بسيط والثانية مضارع مستمر لكنه مو بصيغة المضارع وانما بصيغة الماضي
ثالثا نستخدم was, were في الجملة اللي هي ماضي مستمر
رابعا الفعل في جملة الماضي المستمر نضيف له ing مثل جملة المضارع المستمر
خامسا لابد يكون فيه شيء يربط بينهم تذكرون في المحاضرات الأخيرة اقسام الكلمة كان فيه شيء اسمه ادوات الربط مثل while, when
سادسا احيانا ما يكون جملتين مع بعض لكن يكون فيه تحديد لوقت معين وتكون جملة وحده فقط ماضي مستمر ويكون فيه شيء يدل على انه ماضي
وما فيه هذا الدرس لا نفي ولا سؤال


نجي للأمثلة
I was taking a bath when the doorbellrang
فيه جملتين:
الأولى ماضي مستمر I was taking a bath
استخدمنا was نيابة عن am لأن الزمن ماضي
اضفنا ing صحيح هو ماضي لكن في هذاك الوقت من الماضي كان الفعل مستمر لذا نضيف ing
الثانية ماضي بسيط the doorbell rang
استخدمنا rang لانه من الأفعال الشاذة ما نضيف له ed
ولا ننسى الرابط بين الجملتين when
مثال ثاني ضمن التمارين
We saw an accident while we were going to university
الجملة الأولى ماضي بسيط بينهم اداة ربط while الجملة الثانية ماضي مستمر استخدمنا were نيابة عن are
في الجملتين السابقتين كيف عرفنا انه ماضي هذا كان بسبب الفعل انه في التصريف الثاني اما باضافة ed او انه شاذ
السؤال في الأمثلة دائما يجي على الماضي المستمر اذن السؤال بيكون فيه فعل في صيغة الماضي وبكذا نعرف وش نختار في الخيارات نختار اللي فيه was, were ومعه فعل اضفنا له ing


طيب مثال ثاني لكنه جملة وحدة فقط بس فيها ما يدل على انها ماضي مستمر
We were walking in the park around 7 p.m.last night
الجملة انهم يمشون في وقت محدد من الليلة الماضية اذا هنا حدث ماضي وانتهي لكن كان في ساعة معينة من الزمن او في لحظة معينة في هذاك الزمن


وهذي الأزمنة بالتفصيل مو باختصار مثل ما طلبت omrayan
وموفقين جميعا
واي سؤال حاضرين وان شاء الله يستفيدون منه المنتسبين الجدد الفصل الجاي

[صفية99]

الله يسعد قلبك اختي عزف .

[الغامدي لولي]

ممككن اسئله الواجب الثلاث

ممكن يجيب منهاا

الي عنده ينزلها اذا مافي مانع.

[omrayan]

عزف الله يسعدك ويحقق لك كل اللي ببالك بهالساعه يارب

شرح واافي ووضحتي أشياء كثيره كانت متلخبطه عندي

الف شكرر من القلب


(وجه مستحي )) من الطلبات معليش بتعبك ..

في قاعده بعد متلخبطه عندي

اللي هي at .. On.. in..the