والله قهر اذا مايعترفون بشهادتنا بعد التخرج وش الفايده؟

[انا2]

السلام عليكم بحكم عملي في وزارة التربيه والتعليم شهادة التعليم عن بعد معترف فيها في وزارة الخدمه المدنيه اما وزارة التربيه لاتقبل اي تخصص انتساب ماعدا الانجليزي ويمكن يلغونه

[قلب ودمعتين]

أخوي بنسوي اللي علينا والباقي على الله

[3assel]

وزارة التربية والتعليم ماتقبل في التعليم الا انتظام ومعاه دبوم تربوي لاخذ رخصة المعلم قبل التدريس
اما بالانتساب مثل ماقال اخوي فقط الانجليزي لفترة محددة لسد العجز وبعدين بيلغى القرار

اما التربية الخاصة لو تلاحظون للتوظيف اللي مضى المعتمد من خادم الحرمين الشريفين عدد قليل جدا ومن تخصص الاعاقة العقلية انتظام فقط اما بقية التخصصات ماصار ليهم نصيب

العدد المطلوب من معلمي التربية خاصة بسيط جدا من جميع التخصصات وجامعات المملكة خرجت الكثير من الانتظام ، ففرصة التوظيف بتكون أول للانتظام بعدين اذا صار عجز يمكن يجي قرار للانتساب

بس مو شرط تتوظفون بالتربية والتعليم في اماكن الرعاية الخاصة او الجمعيات او المستشفيات

الرزق بيد الخالق والمجالات كثيرة ان شاء الله

[اذكى واحد]

تحطيم في تحطيم في تحطيم ياخي مليون اجنبي موضفين وحنا عيال البلد نفكر شهادتنا معترفه او لا زين ليش نتعب وحنا كل شي مسدود بوجهينا ونتسلف فلوس علشان نكمل ونجيب درجات عاليه بعد ليش ما قالولنا كذا اول ما بدينا النجار قالنا شهاداتكم معترف فيها بوزارة التربيه والتعليم ويعرف ناس توضفو فيها انتساب وش ذا القرف قسم با الله الواحد نفسيته صارت زفت يعني نغير التخصص ولا ايش نسوي ؟؟

[اذكى واحد]

وبعدين العالم كلها تقول التربيه الخاصه تخصص مطلوب

[ماتهآب]

من موقع الجامعة


أن شهادة البكالوريوس "بالانتساب" معتمدة لدى وزارة التعليم العالي، حيث ورد في المادة 21 من لائحة الدراسة والاختبارات الجامعية من نظام مجلس التعليم العالي والجامعات "يجوز لمجلس الجامعة بناء على اقتراح الكليات الأخذ بمبدأ الدراسة عن طريق الانتساب في بعض الكليات والتخصصات التي تسمح طبيعة الدراسة فيها بذلك".
كما أن شهادة البكالوريوس "بالانتساب" معتمدة لدى وزارة الخدمة المدنية.

[اذكى واحد]

التعليم العالي ووزارة الخدمه مي وزارة التربيه والتعليم وحنا تربيه خاصه مالنا الا التعليم

[aby.jnah]

لازم نكلمهم ونتاكد

[قلب امي وروحها]

يا ناس يا عالم انتم ليه تحبون تحبطون نفسكم بنفسكم
واذا كانت شهادتنا مو معترف فيها في وزارة التربيه والتعليم خلاص يعني بنموت لا طبعا
ان شاء الله عمرهم ما اعترفوا فيها لو الله كاتب بنتوظف بنتوظف
وبعدين لا تعتمدون على كلمة مطلوب ومو مطلوب انا عندي بنات خالتي ثنتينهم انجليزي وهذول قاعدين في البيوت ليومكم هذا
الوظيفه مو على التخصص ولا على وزارة التربيه والتعليم
كل شي على الله ويقول رب العالمين اسعى يا عبدي واسعى معاك
يعني نسوي اللي علينا واذا على الوظايف
في عندنا مراكز وعندنا مستشفيات وغيره وغيره وغيره
احنا ندرس ونترك موضوع الوظيفه على ربنا اللي ما راح يضيع تعبنا على الفاضي ولا تقعدون تحبطون نفسكم بنفسكم ولا تبنون عوائق بانفسكم لانفسكم
وانا بكمل وبترك التوظيف بيد رب العالمين والله يكتب لي ولكم كل خير

[اذكى واحد]

كل شي بيد الله اكيد بس لازم الاسباب هذي السنن الكونيه معليش اختي نبي نتأكد مو ندرس واخر شي ما يقبلونا ولا يوضفونا حنا مو ناقصين نبي نستعرض با البكارليوس المظاهر ماتهمنا حنا نبي نتوضف ونحس بوطنيتنا وانا نخدم المسلمين ومن غير الحاجه الماديه لعلمك فيه ناس يدرسون انتساب مطور تربيه خاصه حالة فقر وفلوس الدراسه ترى من الصدقات قهر يروح عمرهم على الفاضي ؟؟ وجهدهم وتعبهم وحنا بعد مو معقوله ندرس ونجتهد ونتعب واخر شي نجلس ببيوتنا خلاص مافي توضيف من بدرري يقولون لنا حنا اول ما سجلنا قالنا عميد الجامعه انهم منسقين مع وزارة التربيه والتعليم يعني مضبطين الوضع وانطلقنا معليش مو ننطلق واخر شي ما نلقى وضايف وش حنا مخفات يلعبون علينا ترى الحياه مره وحده مي مرتين يا ناس