الجانب الآخر من الاختبارات / مواقف طريفه وغيرها ,,, تعالوا هنا

[gnoony]

المشاركة الأصلية كتبت بواسطة ZMAN~ALSMT

مو انا مصُدق الدستور <دستور اشواق


الله لايفرقكم

ههههههههههههههه
شباب مع شباب عادي وبنات مع بنات عادي
المهم عدم الاختلاط

اميييييييييييين

[سلوم الحبوب]

من المواقف الطريفه الي مرت علي يوم اختبارالعقيدة الاسلامية دخل طالب متأخر عن الاختبار عشر دقايق و بيجلس قاله المراقب انت اسمك هنا قال ما ادري , قاله طيب شنو أختبارك قال و الله ما أدري و لا ذاكرت


وطلع اسمه من الكشف وجلسه

[mezoq]

ههههههههههههههههههه < ضحكت قبل لاتقول السالفة

في نهاية اختبار القانون طالعه مع نص الوقت وبكل ثقة مشيت عند المراقبة عشان اوقع وقعت وخلصت وشلت شنطتي ابي اطلع وانا شاقة الحلق ممن الفرحة الاا اشوف المراقبة تناديني وهي معصبة رجعت قلت نعم وش فيك قالت عطيني الاوراق وانا متنحة مدري وش السالفة اطالع يدي الاا انا طالعة بورقة االاجابة واوراق الاسئلة هههههههههههههه ومن الفشلة انحشت ماشوف الاا غباري

اي صح وفي اول يوم اختبار قبل لااطلع امي تحضني وخواتي يسلمون علي وشوي ويبكون مدري حسسوني اني رايحة اجاهد بس طبعا هذي كانت مواساتهم لي بس بطريقة اخرى

ايام الامتحانات كان في الشين والزين والله يوفقنا يارب قسم ذكريات حلوة كانت معككم
وبنروح مستوى 2

[يرضيني المقسوم]

المشاركة الأصلية كتبت بواسطة سلطان محمد

الا الخزان وش صار عليه >> كلمة شاطح شويه عليه

هههههههههههههههههههههه حالتك صعبه وربي

ابشرك ضبط جبت سباك الصبح وركبت عوامه هههههههههههههههه والله ياهو خرشني

[عبدالله عبدالعزيز]

كل المواقف كوم وموقف الخزان كوم ثاني

بقولكم موقفي ,, في أختبار الرياضيات معي جوالين نوكيا وبلاك بيري النوكيا حاطه بمخباتي اليمين والبلاك بيري باليسار ومصمت جوالي ورئيس مركز الاختبار يقول قفلوا جوالاتكم وانا ساكت احل بصمت ويجي ويقول طلع جوالك واطلعه واقفله

الزبده وانا بالحل البلاك بيري حاطه صامت وواحد الله يصلحه من عيال عمي عطاني وكز ورج الكرسي فكني الله ما كشفوني

[سراب الورد]

اولا اهنيكم على انتهاء الاختبارات بخير وسلامه

اما الموقف كان في اختبار القانون ثاني ماده

كنت مع اخوي بالسياره وهو اول مره يوديني الجامعه

في اختبار الاداره كان اخوي الثاني اللي وداني الجامعه

المهم وانا من ركبت السياره فاتحه الاوراق واراااجع واراااجع

كل شوي التفت علي ويقولي ما تقلب كبدك وانتي منزله راسك تقرين قلت لا عاادي

المهم قال من وين قلت الجامعه البوابه الرئيسه

ويمشي يمشي قال من هنا قلت ايه ويكمل مشي

الا وارفع راسي واشوف بوابه مكتوب عليها الطلاب

قلت لالالالالالالا

قال وش فيك قلت مش من هنا قال انتي قلتي من هنا

مدري مارفعت راسي

ويعصب ولففففف ويرجع يالله قولي من وين

دخلت الجامعه وانا اضحححححك

طبعا هو منقهر لأن ناوي يحضر مباراه الفتح

بس ارتبط معي هع

وفي العوده للبيت طووول الطريق يحن ضيعتي علينا المباراه

ولده بابا متى نروح الملعب

رد عليه بقهر ورا عمتك مافي ملاعب





امس بعد اختبار المحاسبه شفت وحده من ذوي الاحتياجات الخاصه

عورت قلبي بصراحه الله يساعدها ويوفقها

[رَاء.]

أجمل موقف صار اني تعرفت على بنت هنا بالمنتدى ع أساس مركز اختبارنا واحد
شوي يوم شفتها الا طلعت بنت درست وياي بالابتدائي < فلم هندي ..

[طالب كويس]

على ذوقك
اما جيب نحاسي هههههههههههه
مافيه جيب المنيوم هههههههههههه

[BDMA]

باختبار المحاسبة آخر واحد ..

فرحان اني فاهم ام المحاسبة كلها وخذ لك حل

ويوم خلصت واراجع الا كل الاجوبة اللي مفروض تكون (د) كنت اظلل حرف الـ (هـ) على بالي مثل الاسئله آخر الخيارات هو (د) بس الحمد لله عدلتها قبل لا اسلم الورقة

شفتوا فايدة المراجعة كيف ؟


موقف حصل بقاعة اختبار الرياضيات بس لواحد من الطلاب .. يوم قال المراقب باقي نصف ساعه على نهاية الاختبار

ويطلع لك واحد من الطلاب معصب .. ياخيييي وش هذااااااا يدرسنا بالعربي ويجيب الاسئلة بالانقليزي والله غش وجلس يتحلطم والمراقب يناظر فيه ويقول حل بس حل خلاص

بس بالاخير الحمد لله على نهاية الامتحانات والله يعين على النتائج :)


موقف اخييييييييييييييييييير نسيت اقوله ..

عندي ولد اختي نفس التخصص حقي ونفس المواد بس هو كان تخصصه بالثانوي شرعي ..

المهم جاني قبل اختبار الرياضيات بيوم ووجهه .. يقول خاااااااااال وهو يحك بطنه .. وانا مركز على المعادلات من الدرجة الثانيه .. قلت هاااه وش تبي .. قال الحين المقام يجي فوق او تحت ؟؟؟


انا ... الحييييييييييييييييييييين بجامعه وبكرى اختبارك معادلات ومدري ايش ولا تدري وين المقام من البسط ؟؟ اطلع اطلع برى الغرفة بس ..

والمصيبه الثانيه جايني باختبار المحاسبة يقول لو جتني النسبة المئوية بالسالب كيف احسبها ؟؟؟ قصده (-10%) .. بحياتي ماسمعت ان فيه نسبه سالبه الا في حساب الاخطاء وهذي كانت بالفيزياء ايام الجامعه . ولا كانت تعني ان النسبة نفسها سالبه .. كانت تعني ان نسبة اخطاءك كانت منخفضه .

هالآدمي بيجلطني .

[عتيق السويعد]

والله فكرة الموضوع حلووه

هذآ سلمكم الله باختبار الرياضيات بعد ما سلموني الورقه وخلصت وضع معلوماتي
جت ورقة الاسئله سويت نظره مدري كيف جت ع الاسئله جاني الم بالبطن
فـ قلت بنفسي ليش اتعب نفسي هي كلها 70 سوال خل اجاوب ياحظ يانصيب

المهم واحط رجلي بأقل من 20 دقيقه الا وانا اتلفت بالقاعه ومسوي اني الدافوور ومخلص

المهم جاء وقت تسليم الاوراق واقوم اسلم الورقه لفيت وعطيته ظهري ومخلي الامور على الله

الا واسمعه ينادي عتيق عتيق
التفت قال تعال المهم جيته قال ما شاء الله حلك كويس انبسطت انا
قلت الله يسلمك ومشكور انك ريحتني

قال بس مبين انك ماقريت الاسئله
قلت افا عليك قريتها وحليت كويس قال تعال اجلس هنا وامسك القلم

قلت انا خلصت انت وش تبي تعرفني يعني بتساعدني خخخخخخخخ

قال امسك امسح بعض الاجوبه يوم قالها قلت هذا بيساعدني

الا وتفاجئت بقوله الدكتور معطيكم 50 سؤال وانت يالحبيب مجاوب على 70
هذا دليل انك ماخذ +a هههههههههه يتطنزز

قلت والله من اسئلته اللي حتى ما خلتني اعرف كم سؤال


المهم انتهى الفلم بتمسيح الاجوبه هههههههه

الله يسترر منها لين الحين افكر فيها


الله يوفقنا