ياجماعة الخير شوفولي حل مع الدائن والمدين

[Abu Jood]

المشاركة الأصلية كتبت بواسطة البرنس الزعيم

تمام تمام يعني مثلا المبني بالنسبة للمنشاه اصل يعني مدين بس بالنسبة للبنك دائن لانه التزام عليه طلع له فلوس من حسابه صح


طيب وش ريك بهذه المسالة
ما زلت اعتقد ان هناك غلط في المنهج الي هي من والى

[
2 - في 3/5 تمشراءمبنىمنالشركةالعقاريةٌبمبلغ 200 ألفريال،سدد
منها 150 ألفبشيكٌوالباقيعلىالحساب
التاريخٌ 3/5
200000 منح/ المبنى

الى مذكورين
150000 ح/ البنك
50000 ح/ الدائنينٌ )الشركةالعقاريةٌ(

إثبات شراء مبنى جزء بشيكٌ والباقي على الحساب

تكفى يالزعيم لا عاد تعتقد ابد
القيد صحيح ياخوي الزعيم وزي ما قلت لكم فوق ان الاصول إذا زادت مدينه وإذا نقصت دائنة

خلنا نجي للاشكالية اللي لخبطتك في فهم الموضوع هو يقصد هنا بالبنك ( حساب الشركة اللي في البنك ) ما يقصد انه اخذ تمويل من البنك انتبه من هذي وانا اخوك

طيب نحل الحين المثال وحده وحد
تم شراء مبنى ( يعني شراء اصول ) بمبلغ 200,000 وقلنا قبل إذاً الاصول زادت تكون مدين تقوم على طول تقول 200,000 من ح / المباني

طيب باقي الطريقة اللي دفع فيها وهي شيك بجزء من المبلغ ( 150 الف )يعني سحب من فلوس الشركة اللي في البنك وحساب البنك او فلوس الشركه اللي في البنك اصول برضه وهنا نقصت الاصول فراح تكون مدينه ويكون القيد الى ح/ البنك ( لان الفلوس اللي في البنك نقصت )

باقي الله يسلمك من ال 200 الف ( 50,000 ريال ) لما قال الباقي على الحساب وهذا يعني ان الدائنين عندك زاد وعلى فكره الدائنين من الخصوم وقلنا قبل الخصوم اذا زادت مدينه وإذا نقصت دائنه دائماً خلها في بالك يعني نقول 50,000 الى حساب الدائنين ( اسم الشرك اللي اشترينا منها )

بهالكلام يصير القيد التالي صحيح

التاريخٌ 3/5
200000 من ح/ المبنى

الى مذكورين
150000 ح/ البنك
50000 ح/ الدائنينٌ ( الشركةالعقاريةٌ )


وبعدين تراك لحست مخي وانت مشبك الحروف قعدت ساعه وانا ودي اعرف وشي منح المبنى واخيراً عرفت انها من ح/

انشاء الله اني اكون وضحت لك

[ملك الآحسآس]

[البرنس الزعيم]

ابو فرح بيض الله وجهك ما قصرت
سندس طريقه حلوه اعجبتني عملية الربط
ابو جود
الحين انا فهمت صح
بس باقي عندي مشكلة مع كلمة من و الى

الى حـ / الصندوق
من حـ / البنك

لان الفلوس طلعت من البنك راحت الى الصندوق

اعتقد لازم نحذف كلمة من و الى لانها مسوية قلقل

[عبدالعزيز123]

مع اني مابعد ذاكرت المحاسبة , خلوني اتفلسف عليكم في الدائن والمدين


الدائن = الطالب (دائن على وزن طالب )

المدين = المطلوب ( وكلهن يبدن بحرف الميم )


مثال :

سويت 4 عمليات سحب من الصراف ونزل راتبك الشهر هذا(9800) , طيب اطلب كشف حساب مختصر راح تحصل اللي ملون( بالاحمر ) اللي بالازرق شرح من بطني :

مدين 300 = انا مطلوب 300 للحساب

مدين 200 = انا مطلوب 200 للحساب

مدين 500 = انا مطلوب 500 للحساب

دائن 9800 = انا طالب او اطلب الحساب 9800

مدين 1000 = انا مطلوب 1000 للحساب


اتمنى انها وصلت المعلومة ( شكلي جبت العيد )

[Abu Jood]

المشاركة الأصلية كتبت بواسطة البرنس الزعيم

ابو فرح بيض الله وجهك ما قصرت
سندس طريقه حلوه اعجبتني عملية الربط
ابو جود
الحين انا فهمت صح
بس باقي عندي مشكلة مع كلمة من و الى

الى حـ / الصندوق
من حـ / البنك

لان الفلوس طلعت من البنك راحت الى الصندوق

اعتقد لازم نحذف كلمة من و الى لانها مسوية قلقل

اخوي الكريم الزعيم
وانا اخوك انا ما بعد فتحت المحاسبه وما ادري اذا انتو اخذتو القيود اليومية ولا لا بس المثال الي انت جايبه كان فيه قيد يومية يعني كل عملية تصير في اي منشئة يكون لها قيد ويتسجل في قيد اليومية وبعدين يترحل للميزانية
عموماً ما تقدر تحذف من والى اذا فيه في المنهج قيود يوميه فلازم تعرف هالطريقه

[نوره | ~]

اللي أخذ هو المدين والذي أعطى هو الدائن ..

الكلمه مدين خذ حرفين مد يعني اعطى
والثانيه عكس داءن يعني اخذ

حسبي الله على بليسكم

قسم بالله انكم تدوخون اللي ما يدوخ

هالحين وش الاجابة الصحيحه اللي فوق و الا اللي تحت

[نوره | ~]

اروع شرح فهمته هو شرح ابو ريتاج سلمت يمينه

[Abu Jood]

المشاركة الأصلية كتبت بواسطة نوره | ~

حسبي الله على بليسكم

قسم بالله انكم تدوخون اللي ما يدوخ

هالحين وش الاجابة الصحيحه اللي فوق و الا اللي تحت

خلي عنك هالكلام ذا كله وخلي في بالك الكلام اللي بقوله وبنطبقه زي ما طبقناه فوف

الاصول : إذا زادت مدينه وإدا نقصت دائنه
الخصوم : إذا زادت دائنه وإذا نقصت مدينة

نطبق اللي فوق لو قلنا ان المنشئة اشترت سياره ودفعت قيمتها بشيك ( يعني البنك ) ( يعني فلوس الشركه اللي في البنك عشان ما احد يحسبها ماخذها بقرض من البنك مثل حالنا يالطفارى )
طيب نعرف ان المنشئة الحين اشترت اصل اللي هو السياره يعني زادت عندها الاصول سياره فتكون السيارات مدينه لانها اصول وزادت
طيب دفعت قيمة السياره بشيك يعني من حساب الشركة اللي في البنك واحنا نعرف ان حساب البنك في جانب الاصول يعني لما نسحب من البنك راح ينقص البنك والبنك اصل ولو نقصت الاصول تصير دائنة

[Rooory]

جزاكم الله الف خير

[Abu Jood]

المشاركة الأصلية كتبت بواسطة abu jood

خلي عنك هالكلام ذا كله وخلي في بالك الكلام اللي بقوله وبنطبقه زي ما طبقناه فوف

الاصول : إذا زادت مدينه وإدا نقصت دائنه
الخصوم : إذا زادت دائنه وإذا نقصت مدينة

نطبق اللي فوق لو قلنا ان المنشئة اشترت سياره ودفعت قيمتها بشيك ( يعني البنك ) ( يعني فلوس الشركه اللي في البنك عشان ما احد يحسبها ماخذها بقرض من البنك مثل حالنا يالطفارى )
طيب نعرف ان المنشئة الحين اشترت اصل اللي هو السياره يعني زادت عندها الاصول سياره فتكون السيارات مدينه لانها اصول وزادت
طيب دفعت قيمة السياره بشيك يعني من حساب الشركة اللي في البنك واحنا نعرف ان حساب البنك في جانب الاصول يعني لما نسحب من البنك راح ينقص البنك والبنك اصل ولو نقصت الاصول تصير دائنة

ياليت تشوفون اخر ثمان دقائق من المحاضرة الثالثه لأن فيها شرح جيد لهذا الموضوع ومهم جداً وياليت تكملون الشرح في اول المحاضرة اللي بعدها صدقوني راح يفيدكم كثير