الاختبار الفصلي مادة [مهارات الكتابة الادارية]~

[البرنسيسية]

المشاركة الأصلية كتبت بواسطة قمر15

السلام عليكم ورحمة الله
اولاً الحمد لله على توفيقه واحسانه وكل واحد اخذ نصيبه
الدكتور من حقه يحط الاسئلة على كيفه هو دكتور المادة
المشكلة مو بالدكتور المشكلة فينا احنا يوم صدقنا بعض الاعضاء انهم راح يتساعدون وينظمون الاسئلة واحنا اعتمدنا عليهم ويمكن بعضنا ما فتح المادة ولكن للاسف خانو بالموجودين المساكين ولا اصلاً مرو عليكم بالملتقى واذا مرو فهم بالخلفية ياخذون خير محاولاتكم ولايعطونكم شي
ماودي اقول اسمايهم لانكم عارفينهم من هم بما فيهم مشرفين ومشرفات واعضاء مميزين وعضوات مميزات بالصبغ الوردي؟؟؟؟؟

صراحه فيهم من صدق وحضر ويشكرون ع مجهودهم
اللخبطه كانت موجوده والضغط ع الموقع هم موجود
اهل التنظيم واللي تعرفونهم بشطارتهم ومتأملين فيهم خانو فيكم
والله ع ما اقوله شهيد انهم اخذو النماذج من هنا اللي نزلوها المساكين واطلعو فيها خارج الملتقى وحلوها وهم كانو متواجدين في قروب الواتس اب
واكملو حلهم وجلسو يتطمشون عليكم
واتوقع فهمتو كلامي ويمكن بعضكم توه يصحى من نومه بعد كلامي هذا
الدكتور اسئلته واضحه وصريحه ولو تأملتو فيها لوجدتوها اغلبها او كلها من الواجبات
اللي حفظ جميع نماذج الواجبات السابقة ما احتاج الي الشرائح ولا لاي احد وسوف ياخذ علامة كاملة
انا صراحة ارسلت للدكتور ايميل قبل تقريباً شهر وطلبت منه تنزيل الواجبات بعد اغلاقها حتى تكون مرجع لنا قبل الاختبار النهائي ورد علي بكل احترام وتقديربتنزيلها بعد اغلاقها وننتظر باذن الله ذلك
الدكتور جداً متعاون ولكن اطلب منكم الصبر وعدم الاساءة لاننا مسلمين ولايجوز ان نقذف احد وهو ما اخطاء
فالخطاء منكم انت بعد ماصدقتو الوعود الكاذبه واهملتو المذاكرة
شكراً لكل من شارك وعسى ربي يوفقكم

علامك يامررة
أقوول استحي على وجهك وعلى الكلام الي هرجتي فية
وبعدين وربي ماتلاقي مثل دفعتنا جداً ينحطوون تاج على راسي
وبصراحة كلام الشخص يدل على اخلاقة وكمان هو عنوانه
فالأفضل لك ترراجعي نفسك وتعتذري لهم
انا بدون المنتدى مااعرف شيء اصبح المنتدى رفيق دراستي
وبعدين ترى مو كل الي ماسك منصب هنا بالمنتدى فااضي والا تبغية بس 24 ساعة
على المنتدى وشغلة الشاغل الاعضاء وطلباتهم
ومو اجبااري ينزل الاسئلة ويحلها الطالب هو المسؤل الاول والاخيرررررررر
المنتدى ماله دخل
المنتدى مجرد مسااعدة لطلاب والي يواجهون مشكلة
انصحك بالأعتذااااااار
انا اقولك ليش اكذب انا اخطيت بحق 3 اشخااص
واتووقع انهم يعررفون
لكن اعتذرت لهم امام الجميع والدفعة يمكن تتذكر
الحين ودي اخدمهم ولو بشيء يستااااااهلون وربي
الأعتذار مو عيب الأعتذار شهامة وخلق
اتمنى تفكري زين بالهرج الي قلتية
والشخص يقدر كلامة قبل مايطلعة
تحياتي لدفعتي الجميلة
أحبكم

[HADEEL.M]

السلام عليكم جميعاً
الله يجزاكم خير جميعاً ماقصرتوا
اما للاخت قمر اتمنى تتراجعين ب كلامك لان من جد الاعضاء ابد ابد ابد ماقصروا
الله يجزاهم خير يارب ويوفقهم .. اما انا عن نفسي استحي احياناً ارد لاني ماساعدت ب هالاختبار ب اي شي بسبب ظروف دوامي المسائي .. والله يصلحك كيف تقولين هالكلام ومعروف منك ماشفنا ؟؟
الله يهدينا واياك ..

[عطشان]

السلام عليكم ورحمة الله وبركاته ,,,,,
اولاً احب اسجل شكري وتقديري للجميع وبصراحه الجهد اللي قامو فيه جبار يكفي انهم خصصو كل وقتهم ولو لنقل معلومه
اخت قمر 15 ماهو شرط ان الواحد عشان يكون مميز او صادق في نقله يوفر الاسئله والاجوبه او بالتحديد يجيب الحاجه اللي ببالك لا
تأكدي ان اللي دخلو بالبدايه بجد اسجل لهم حبي وتقديري من غير ذكر اسماء لاني انا متأكد انك استفدتي من معلومة ان الاسئله بنظام سؤال ومن بعده يجي السؤال الثاني وهذي بحد ذاتها معلومه قيمه الكل تهيأ نفسياً لها بالاضافه الى ان البعض كان يسأل عن طريقة كيف حفض الاسئله والانتقال للسؤال الثاني فبالتالي المنتدى ماهو لحل الاسئله فقط حتى تبادل مثل هذي المعلومات مهمه جداً
بالتالي كلمتك اللي قلتيها انك مانتي محتاجه لاحد الا الله تأكدي ان الكلمه في غير مكانها الصحيح لان اللي جالس يصير بالمنتدى فقط تعاون وتوصيل معلومات مهمه تفيد اي شخص في وضعنا فرجاءاً صححي معلوماتك واحسني الظن واتمنى اللي صدر منك يكون بلحظة غظب او زعل
تأكدي اني انا مالي مشاركات بالمنتدى ومقصر كثير بس والله غصب عني وبسبب طبيعة دوامي لاكن عندي قناعه تامه ان المنتدى والمشتركين فيه بدون تحديد اذا مانفعو ماراح يظرون ولهم منا كل الشكر والاحترام على ما قدموه
وبالنهايه الله يوفق الجميع ,,,,,,,

[حرم الجامعه]

أعضائنا فيهم الخير والبركه من اولهم لاخرهم,,
لكن وقت الشدايد يبين فعلا في ناس حابه تصطاد بالمويه العكره وتو نسمع لهم صوت؟؟

اعضائنا جميعكم لكم جزيل الشكر والتقدير والاحترام,,مساعدتكم ووقفتكم لاتنسى انتم بمثابة دواعم لنا ,,

[أريـــج]

اولاً : اُقَـدم أعتَـذاريَ لـِ خَـروجَـي و عَـدم مُسـاعدة لِـمن إحتَـاجهَـا


ثَـانيَـاً : " يَ قَـمـر لمَـاذا حَجبَـتي ضَـوء القَـمر عَـنا "!!

................ أنتَـي قمَـر و اخلاقُكَـ ضِيَـائُكَـ

ثـالثاً : لِـ الاخَـوة الكِـرامَـ فَـي المنتَـدى

ولو أنني أوتيت كل بلاغة وأفنيت بحر النطق في النظم والنثر
لماكنت بعد القول إلامقصرا ومعترفا بالعجز عن واجب الشكر


ف جُزيتَـم الفَـردوسَ

[Saudanb]

ارجووووو من المشرفين ان يقفل الموضوووع لكي لا تتسع دائره الخلاف ونحن عائله واحده وفي وقت يجب التركيز على الاختبارات وتجنب مايشووب صفونا....

وبالنسبه للاخت قمر 15 انا متأكد انها سوف تنزل موضوع مستقل تعتذر فيه للجميع فهي منا وفينا وكلنا خطاؤوون .

[_سنيوريتا]

حتى لو في احد يعرف وبيفيد ماينلام اذا طلع من الملتقى جداا معلق ويرفع الضغط ومن حقهم بهالورطه يروحون يراجعون مذاكرتهم بدال مو عالملتقى وكل شوي ريفرش عشان تفتح الصفحه لهم ومحد ملزوم باحد بس من طيبهم يساعدونا وبعدين اللي كاتبه هالكلام امس ماشفت لك ولا تعليق واحد


يغلق > ع كيفي

[how are you]

اشكركم كلكم علي من تعاون معنــآ بهذا بلاختبار

وبخصوص قمر اعتقد رد الي ردوه الاعضاء لة كافي وافي ..اتمني انة ماتجحد جهود غيرة من الاعضاء هنأ

اذا ودة تعتذر تعتذر واذا ماودة كيفهأ..

يغلق الموضوع الانتهاء منهــآ وانتقال الي الاختبار اليوم ..

موفقين