~¤¦¦§¦¦¤~ ... ( للذكــــرى ) ... بوُح خريج 2016 م ..~¤¦¦§¦¦¤~

[almiltaa]

ابعطيها رقصة مستر بن بالقاعه
بعد الادب الامريكي ان شاء الله
معليش لا احد يقول شي :d

[نقية]

مدري وش اقول واعبر ..لكن المنتدى هذا له فضل عظيم بعد الله في نجاح الطلبه من تعاون واجتهاد وحل مشكلات جد مدري وش اقول ..انا فرحانه ومستانسسه اني تخرجت بعد خمس سنين من تسجيلي للجامعه ..فرحه خريج لاتوصف بصراحه ..الف شكر لكل عضو وعضضوه هنا ساعدوا الطلبه بكل جهدهم ومقدره كثير وقتهم ع ملفاتهم اللي يسوونها ويرفعونها لانه جد مجهود يشكر عليه .. ي عسى ربي يوفق الجميع ويرزقنا بالوظايف مم حيث لانحتسب ..

[yoooosef]

الله يتمم بخير
ومبرووووووووووك التخرج مقدماً
اتمنى لكم التوفيق واشكر كل من تعب وسهر على مساعدتنا في جميع المشاركات
وارجو من الله مثل ماجمعنا في هذا الملتقى الطيب
ان يجمعنا في جنات النعيم
والله ولي التوفيق
والسلام عليكمورحمة الله

[wafa-]

ودي افرح بس خايفه من ادب اطفال

لو ربي لطف باذن الله بكون خريجة هالسنه بعد ازمة وانهيار بحياتي خلاني ارجع للدراسة

مااحد دعمني زي كثيرين هنا .. لا بالعكس حسسوني اني سخافه وماله داعي ونص المتخرجات عاطلات ومن كلام التحطيم بس كنت محتاجه ادخل ادرس واحقق هالحلم .. اخر مره انسئلت للحين تدرسين ؟ لما قلت هالترم بس واخلص قالوا امداك ؟ ههههههه سبحان الله تناقض خلاني اقول الحمدلله اللي قواني وخلا هالسنوات تمر علي بكل اللي فيها من كرف وتوتر وفرح وحزن بدون تراجع ..
ارجع اقول الحمدلله اللي منحني هالخيار ودعمني فيه بالقوه الداخليه اللي خلتني اتشبث بهالحلم لين وصلت لآخر مرحلة فيها .. اسأل الله اللي أنعم علي بهالنعمه يتمم عليه النعم وأفرح هالترم واسوي لي كيكة بقبعة الخريجات اللي لطالما حلمت فيها .. وبآكلها لحالي :) هههههههههه

بالاخير اتمنى لكل من ساعدني بحرف بهالمنتدى بكل الخير والسعة والفضل من رب العالمين بحياته
واتمنى تكون هالشهادة باب خير وفرح لنا .. دعواتكم بالتوفيق والف شكر مرة ثانية

[أبو خالد علي]

بسم الله الرحمن الرحيم

يسعدني في هذه اللحظة ان أبارك لكم التخرج متمنيا التوفيق والسداد


كما أغتنم هذه الفرصة المميزة لشكر شخص نادر جدا ومميز ساعدني كثير كثير والله يعطيه الصحة والعافية



[size="5"]شكرا جمان[/size

[صباالظهران]

صباح الخير للكل
احب اشاركم تجربتي المتواضعة مع الدراسة الجامعية
انا طبعا منقطعة عن الدراسة لفترة طويلة وبفضل الله ثم وحدة من البنات رجعت ادرس
كنت كلي امل يكون عندي شهادة جامعية افتخر فيها
لما جيت ادرس الكل وقف بوجهي وعاتبني ولامني
اقسى كلمة سمعتها هي بعد ماشاب ودوه الكتاب!!!!
طنشتهم
ورميت كلامهم ورا ظهري
استخرت ربي ومشيت في مشواري
مرة ثانية جا من يحدد لي مسار دراستي
ادخلي ادارة اعمال وش تبين بالانجليزي ماله مستقبل!!
وانا اكره الرياضيات كره العمى واعشق الانجليزي حد الثمالة>>>>>متعوب عالوصف
بعد استخرت ربي وسالت اعضاء هنا ماقصروا معي وتوكلت على ربي ودخلت انجليزي
في المستوى الاول كنت اقول ياربي متى اتخصص وادخل المستوى الثالث
في المستوى الثالث قلت ياربي متى اوصل الخامس هههههه>>>>ابن ادم طماع
غمضت عين وفتحتها سبحان الله صرت في المستوى الثامن اكتب لكم مسيرتي الدراسية
انا اشتغل وادرس في البداية ساعدني ابوي الله يحفظه ماديا وهو الوحيد اللي ماحطمني قال توكلي على الله وانا بساعدك
بعد سنتين قدرت اعتمد على نفسي الحمدالله
شي حلو اني قدرت اوقف بوجههم وماضعفت ولا رضخت لتحطيهم لعزمي وارادتي لكن بنفس الوقت ماكان سهل ابدا
شلت على كتافي حملين الاول الخوف من الشماتة والثاني تحقيق حلمي
الحمدالله حققت حلمي والله يتممها علينا ونتخرج على خير
احب اشكر كل من ساعدني في الملتقى من بداية الاستشارة الى الدراسة والشرح
احبكم في الله واسال الله مثل ماجمعنا في هذا الملتقى ان يجمعنا يوم القيامة تحت ظله يوم لاظل الا ظله

[كم أنـآ جونآن]

الحمد لله حتى يبلغ الحمد منتهاه
كم كنت اتمنى اوصل لليوم اللي اقول فيه بكره اخررر اختبار واتخرج
هذا هو اليوم الحمدلله يارب يتمم فرحتي باختبار الادب الامريكي واودع سنين المذاكره والتعب
ولي عوده باذن الله بعد نهاية الاختبارات اكتب كل اللي بخاطري

[Sitah.Alotaibi]

لي 4 سنوات انتظر اختبار الادب الامريكي لاني متخيله شكلي طالعه من المركز و سيده لشارع التحليه احلى قهوة بعد عناء 4 سنوات مع رفيق دربي

[تآج القلوب]

ياسرع الايام وما اجملها
مادري كيف اوصف شعوري
لكن الحمدلله اني وصلت لاخر المشوار
في بدايات دراستي الجامعه كنت اداوم من الصباح
لين الظهر ثم اختبر ثم ادوام فتره مسائيه
الى ان فرجها الله علي سبحانه وتلاشت الظروف
كل الشكر لمن وقف معنا بارك الله فيهم وسدد خطاهم

.....
المهم
اول ماخلص من ورقة الاختبار للادب الامريكي
اعطيها وضعية مايكل جاكسون مشية القمر moonwalk


..

[ساكن الخبر]

الحمد لله والشكر ايام وسنين قضيناها مع بعض استفدنا فيها الشي الكثير وتعرفنا عليكم
الف شكر لكل من ساهم معنا ولو بالشي القليل
الف شكر لمن وقف خلفي وساندني
الف شكر لكم